nono_55555
03/01/2015, 05:45 PM
لكل من يشتكي من بطئ قومة الكورولا وإحساسه بكتمة وصوت غريب - السبب: فلتر الهواء!
السلام عليكم يا إخوان.. فلتر الهواء حق الكورولا يختلف عن فلتر اليارس على عكس ماهو شائع عند الي يغيرون زيوت وبعض محلات تويوتا للأسف، وإليكم قصتي:
اشتريت من فترة كورولا مكينة كبيرة واختبرت عزمها وقت الشراء وتأكدت منه بنفسي، العزم ماشالله مايحتاج، ثم رحت أغير زيت مثل ما أي واحد يغير زيوت لا اشترى سيارة، غيرت زيت تويوتا من عند أبويمن مع فلتر الهواء، يوم جا يركب الفلتر شفته نفس حق اليارس لأن كان عندي يارس وأعرف شكله وحجمه ثم "اتلقفت" وقلتله: هذا كنه فلتر يارس ولا لأ؟ قال اليارس والكورولا واحد، طبعا ما دخلت براسي.. (يارس وكورلا واحد معناه نفس المكينة نفس البواجي نفس القير و و و ) المهم طلعت من عنده متوقع العزم يزيد وصوت المكينة ينعم، مثل أي تغيير زيت لأي سيارة في العالم، مشيت حسيت العزم قل ومكتومة وإذا زدت الدعسة يصير صوتها كأنه صوت سيارة موديل 2000 وليس 2011، بديت أتوسوس لأن أحد مكاني شاري زيت تويوتا وفلتر هواء بعلبة تويوتا الحمرا ما بيشك فيهم ولا في أبو يمن الي مهنته "ميكانيكي" استمريت على السيارة فترة لأتأكد وهي مثل ماهي، ثم بديت أغير في الأشياء الإستهلاكية الي يغيروها الناس، غيرت (فلتر بنزين، نظفت بخاخات، غيرت بواجي الوكالة الي تمشي 100 ألف وهي مامشت إلا 72 ألف) السيارة مثل ماهي، فتحت المنتديات على أسباب الكتمة لقيت المواضيع عن دبة التلوث (الشكمان) وأنا عارف أن هذه المواضيع للي سياراتهم عمرها 15 سنة وفوق مو موديل 2011 لكن قلت ياولد جرب وصفي الشكمان، رحت أنظف على بالي بتتنظف الفلاتر وقام فك دبتين وحدة بعد المكينة مباشرة ووحدة حقت الرصاص، وصارت ماسورة الشكمان مفتوحة من المكينة إلى الشخال وصار صوت الدعس مثل دعس السيارات الأمريكية، وأختبر في العزم مثل ماهو..! قلت اش باقي أغير في السيارة مابقى شي..! وشكيت في سيفون الزيت انتظرت لين مشت 3الاف كيلو ورحت شريته من الوكالة مع زيت تويوتا وغيرتهم ولا تغير شي، بديت أفقد الثقة في السيارة، ثم فكرت اش معنى يوم غيرت الزيت تغيرت قوة السيارة، مع اني غيرت زيت وسيفون مرة ثانية قلت ما بقى إلا فلتر الهواء، خليني أروح على محلات الوكالة أشوفه، بالفعل رحت وطلبت فلتر هواء كورولا جابلي أبو هنود واحد، فتحته أشوف شكله، صرت أقارن مع الفلتر الي حطه أبويمن، الفلتر فيه 3 إختلافات واضحة! قلت خلني أسأل الهندي: هذا فلتر كورولا ولا يارس؟ قال لي: "يارس كورولا سيم سيم سديق"، قلت كيف سيم سيم وهذي الإختلافات، ناظر في الفلتر وهو يهز راسه، تركته وطلعت رحت محل ثاني سألته فلتر الهواء كورولا ويارس نفسهم ولا يختلفون قال: "نفسهم"، طلعت استمارتي وقلت طيب عطني على حسب رقم الشاص هذا وأعطيته الاستمارة، أخذها ودخل الرقم ثم قال: لي مافي سديق! قلت وشلون قلت نفسهم والحين مافي؟! ما جاوب وطلعت محل ثالث طلبت برقم الشاص الهندي متكسل يدخل الرقم قال اش سيارتك قلت كورلا قال كورلا يارس سـ.... قاطعته وقلت أخلص علينا، راح دخله في السستم وقال: مافي..! قلت غريب ورحت من ام الحمام الى صناعية الروضة، أول محل دخل الرقم فالسستم قال موجود قلتله بس عطني إياه بأي سعر! المهم فتحته والإختلافات الثلاثة موجودة مثل ما قلتلكم وإليكم الإختلافات:
1) الزاوية القائمة في الفلتر الي ركبه أبو يمن سمكها متساوي، أي نفس سماكة الفلتر كله
https://farm8.staticflickr.com/7499/16158967956_b85ff8be7a_b_d.jpg
https://farm8.staticflickr.com/7556/16182903671_67b138d35e_z_d.jpg
وهذي صورة من الجنب لتبين السماكة:
https://farm8.staticflickr.com/7493/16184013692_a1b691c1c1_z_d.jpg
وهذه صورة من الجنب تماما:
https://farm8.staticflickr.com/7491/16184775735_cae4aa0fd1_z_d.jpg
درجة السماكة واحدة ولم تتغير..
والآن نأتي إلى الفلتر الي شريته على حسب رقم شاص سيارتي..
https://farm9.staticflickr.com/8588/16158973296_a98a840fd8_z_d.jpg
ومن الجنب:
https://farm9.staticflickr.com/8679/15998724239_e80b76c12a_z_d.jpghttps://farm9.staticflickr.com/8636/15562402614_ff9fca415a_z_d.jpg الزاوية مضغوطة بشكل معين..
والآن نأتي للفرق الثاني..
2) الكتابة في الفلتر الي عندي مكتوبة بالأسفل وفي الفلتر الي اشتريته بشاص السيارة مكتوبة بالأعلى ، لاتنسوا أن تكون الزاوية القائمة على اليمين في كلا الحالتين..
https://farm8.staticflickr.com/7499/16158967956_b85ff8be7a_z_d.jpg
وفي الفلتر الي شريته بشاص السيارة:
https://farm8.staticflickr.com/7502/16184777725_1931a97c53_z_d.jpg
مكتوب فوق وبالعكس
3) الكتابة مختلفة في الفلترين
في الفلتر القديم نجد آخر كلمة هي: PCB
وفي الفلتر حق شاص السيارة آخر كلمة هي: GRF8
وهذه الصور عن قرب:
https://farm9.staticflickr.com/8585/15997420288_a96f2efe89_z_d.jpg
والجديد:
https://farm8.staticflickr.com/7556/15997337928_8c6ec8cf35_z_d.jpg
4) إتجاه الأسهم في أول الجملة مختلف بين الفلترين، الأول متجه إلى اليسار والثاني متجه إلى أسفل! وأترك هذه النقطة للميكانيكيين ليبينوا فائدة السهم فيما إذا كان يشير إلى إتجاه دخول الهواء والله أعلم.
وفي النهاية شريته وطلعت، ركبته، السيارة ماشالله رجعت على حالتها! ما صدقت مشيت وقفت غيرت الدعس بألف شكل وألف طريقة صارت بالمستوى الي شريتها عليه، والعزم ما يحتاج!
حبيت أنقل هذا الإكتشاف الذي تم بفضل الله ثم بفضل متابعتي وأنشره لكل من عنده كورولا وينغش عند هالحوثيين حسبي الله عليهم كان مركب فلتر لسيارة أقل ومافي غير اليارس أو انه جايب فلتر مصدر من اليمن.. والي شغالين في محلات تويوتا ما يعرفون هالمعلومة أو انهم يسلكون البيع تسليك.. فلا أحد يشتري يا اخوان الفلاتر غير من الوكالة وبرقم الشاص الي في استمارته علشان يجيب القطعة الصحيحة والمناسبة لسيارته..
وعذرا على الإطالة ونتمنى لكم التوفيق،،،
السلام عليكم يا إخوان.. فلتر الهواء حق الكورولا يختلف عن فلتر اليارس على عكس ماهو شائع عند الي يغيرون زيوت وبعض محلات تويوتا للأسف، وإليكم قصتي:
اشتريت من فترة كورولا مكينة كبيرة واختبرت عزمها وقت الشراء وتأكدت منه بنفسي، العزم ماشالله مايحتاج، ثم رحت أغير زيت مثل ما أي واحد يغير زيوت لا اشترى سيارة، غيرت زيت تويوتا من عند أبويمن مع فلتر الهواء، يوم جا يركب الفلتر شفته نفس حق اليارس لأن كان عندي يارس وأعرف شكله وحجمه ثم "اتلقفت" وقلتله: هذا كنه فلتر يارس ولا لأ؟ قال اليارس والكورولا واحد، طبعا ما دخلت براسي.. (يارس وكورلا واحد معناه نفس المكينة نفس البواجي نفس القير و و و ) المهم طلعت من عنده متوقع العزم يزيد وصوت المكينة ينعم، مثل أي تغيير زيت لأي سيارة في العالم، مشيت حسيت العزم قل ومكتومة وإذا زدت الدعسة يصير صوتها كأنه صوت سيارة موديل 2000 وليس 2011، بديت أتوسوس لأن أحد مكاني شاري زيت تويوتا وفلتر هواء بعلبة تويوتا الحمرا ما بيشك فيهم ولا في أبو يمن الي مهنته "ميكانيكي" استمريت على السيارة فترة لأتأكد وهي مثل ماهي، ثم بديت أغير في الأشياء الإستهلاكية الي يغيروها الناس، غيرت (فلتر بنزين، نظفت بخاخات، غيرت بواجي الوكالة الي تمشي 100 ألف وهي مامشت إلا 72 ألف) السيارة مثل ماهي، فتحت المنتديات على أسباب الكتمة لقيت المواضيع عن دبة التلوث (الشكمان) وأنا عارف أن هذه المواضيع للي سياراتهم عمرها 15 سنة وفوق مو موديل 2011 لكن قلت ياولد جرب وصفي الشكمان، رحت أنظف على بالي بتتنظف الفلاتر وقام فك دبتين وحدة بعد المكينة مباشرة ووحدة حقت الرصاص، وصارت ماسورة الشكمان مفتوحة من المكينة إلى الشخال وصار صوت الدعس مثل دعس السيارات الأمريكية، وأختبر في العزم مثل ماهو..! قلت اش باقي أغير في السيارة مابقى شي..! وشكيت في سيفون الزيت انتظرت لين مشت 3الاف كيلو ورحت شريته من الوكالة مع زيت تويوتا وغيرتهم ولا تغير شي، بديت أفقد الثقة في السيارة، ثم فكرت اش معنى يوم غيرت الزيت تغيرت قوة السيارة، مع اني غيرت زيت وسيفون مرة ثانية قلت ما بقى إلا فلتر الهواء، خليني أروح على محلات الوكالة أشوفه، بالفعل رحت وطلبت فلتر هواء كورولا جابلي أبو هنود واحد، فتحته أشوف شكله، صرت أقارن مع الفلتر الي حطه أبويمن، الفلتر فيه 3 إختلافات واضحة! قلت خلني أسأل الهندي: هذا فلتر كورولا ولا يارس؟ قال لي: "يارس كورولا سيم سيم سديق"، قلت كيف سيم سيم وهذي الإختلافات، ناظر في الفلتر وهو يهز راسه، تركته وطلعت رحت محل ثاني سألته فلتر الهواء كورولا ويارس نفسهم ولا يختلفون قال: "نفسهم"، طلعت استمارتي وقلت طيب عطني على حسب رقم الشاص هذا وأعطيته الاستمارة، أخذها ودخل الرقم ثم قال: لي مافي سديق! قلت وشلون قلت نفسهم والحين مافي؟! ما جاوب وطلعت محل ثالث طلبت برقم الشاص الهندي متكسل يدخل الرقم قال اش سيارتك قلت كورلا قال كورلا يارس سـ.... قاطعته وقلت أخلص علينا، راح دخله في السستم وقال: مافي..! قلت غريب ورحت من ام الحمام الى صناعية الروضة، أول محل دخل الرقم فالسستم قال موجود قلتله بس عطني إياه بأي سعر! المهم فتحته والإختلافات الثلاثة موجودة مثل ما قلتلكم وإليكم الإختلافات:
1) الزاوية القائمة في الفلتر الي ركبه أبو يمن سمكها متساوي، أي نفس سماكة الفلتر كله
https://farm8.staticflickr.com/7499/16158967956_b85ff8be7a_b_d.jpg
https://farm8.staticflickr.com/7556/16182903671_67b138d35e_z_d.jpg
وهذي صورة من الجنب لتبين السماكة:
https://farm8.staticflickr.com/7493/16184013692_a1b691c1c1_z_d.jpg
وهذه صورة من الجنب تماما:
https://farm8.staticflickr.com/7491/16184775735_cae4aa0fd1_z_d.jpg
درجة السماكة واحدة ولم تتغير..
والآن نأتي إلى الفلتر الي شريته على حسب رقم شاص سيارتي..
https://farm9.staticflickr.com/8588/16158973296_a98a840fd8_z_d.jpg
ومن الجنب:
https://farm9.staticflickr.com/8679/15998724239_e80b76c12a_z_d.jpghttps://farm9.staticflickr.com/8636/15562402614_ff9fca415a_z_d.jpg الزاوية مضغوطة بشكل معين..
والآن نأتي للفرق الثاني..
2) الكتابة في الفلتر الي عندي مكتوبة بالأسفل وفي الفلتر الي اشتريته بشاص السيارة مكتوبة بالأعلى ، لاتنسوا أن تكون الزاوية القائمة على اليمين في كلا الحالتين..
https://farm8.staticflickr.com/7499/16158967956_b85ff8be7a_z_d.jpg
وفي الفلتر الي شريته بشاص السيارة:
https://farm8.staticflickr.com/7502/16184777725_1931a97c53_z_d.jpg
مكتوب فوق وبالعكس
3) الكتابة مختلفة في الفلترين
في الفلتر القديم نجد آخر كلمة هي: PCB
وفي الفلتر حق شاص السيارة آخر كلمة هي: GRF8
وهذه الصور عن قرب:
https://farm9.staticflickr.com/8585/15997420288_a96f2efe89_z_d.jpg
والجديد:
https://farm8.staticflickr.com/7556/15997337928_8c6ec8cf35_z_d.jpg
4) إتجاه الأسهم في أول الجملة مختلف بين الفلترين، الأول متجه إلى اليسار والثاني متجه إلى أسفل! وأترك هذه النقطة للميكانيكيين ليبينوا فائدة السهم فيما إذا كان يشير إلى إتجاه دخول الهواء والله أعلم.
وفي النهاية شريته وطلعت، ركبته، السيارة ماشالله رجعت على حالتها! ما صدقت مشيت وقفت غيرت الدعس بألف شكل وألف طريقة صارت بالمستوى الي شريتها عليه، والعزم ما يحتاج!
حبيت أنقل هذا الإكتشاف الذي تم بفضل الله ثم بفضل متابعتي وأنشره لكل من عنده كورولا وينغش عند هالحوثيين حسبي الله عليهم كان مركب فلتر لسيارة أقل ومافي غير اليارس أو انه جايب فلتر مصدر من اليمن.. والي شغالين في محلات تويوتا ما يعرفون هالمعلومة أو انهم يسلكون البيع تسليك.. فلا أحد يشتري يا اخوان الفلاتر غير من الوكالة وبرقم الشاص الي في استمارته علشان يجيب القطعة الصحيحة والمناسبة لسيارته..
وعذرا على الإطالة ونتمنى لكم التوفيق،،،