يا اخوان بخصوص تصريح الساكتون الهوائي ؟

[.. نمر ..]

السلام عليكم ورحمة الله وبركاته
يا اخوان عندي ساكتون هوائيه نوعها فايروخ
المهم جاتني هديه من خالي
وهي عنده قديمه ولا عنده تصريح لها
فمادري يا اخوان هل فيه مشكله لو مسكوني الشرطه وهي معي ؟
وكيف اطلع تصريح ومن وين
والتصريح وشلون هو ورقه ولا ايش
وجزاكم الله خير
اخوكم عليمي بهالاشياء وانا خايف تتصادر مني

[محمد ابن عيد]

حياك الله ي الغالي
ماشاء الله عز الله انها بندق تنومس
حافظ عليها اما بخصوص التصريح
لازم من المالك الاول اذا كان خالك
و بقولك شي البنادق القديمه صعب تطلعها تصريح
امسح رقم البندق اللي ع السبطانه
و ماعليك و ان شاء الله ماتطيح بالتفاتيش
موفق ي الغالي

[صريح المقال]

السلام عليكم ورحمة الله :)


السلام عليكم ورحمة الله وبركاته
يا اخوان عندي ساكتون هوائيه نوعها فايروخ
المهم جاتني هديه من خالي
وهي عنده قديمه ولا عنده تصريح لها
فمادري يا اخوان هل فيه مشكله لو مسكوني الشرطه وهي معي ؟
وكيف اطلع تصريح ومن وين
والتصريح وشلون هو ورقه ولا ايش
وجزاكم الله خير
اخوكم عليمي بهالاشياء وانا خايف تتصادر مني

وعليكم السلام ورحمة الله وبركاته ..

سلمك الله ومن يقرأ .. أنا مثلك عندي ساكتون ديانا قديمة ومحفور عليها (العقيل) وهذا يعني انها وارد العقيل وهو أحد الموردين الظاهر ..

المهم اني شلتها قبل حدود شهر قلت خل أصرحها عشان آخذ راحتي فيها ورحت للرماية أول شي وقلت لهم السالفة قالو ماعندنا الا الأسباني وهذي وكيلها الرميح رح لهم ..
رحت للرميح وهو في الملز على شارع الستين(صلاح الدين) بعد ما يتقاطع مع طريق الظهران وأنت رايح جنوب ..
وللمعلومية: كان الرميح يجيب ماركة ديانا ألمانية والحين يجيب الفايروخ ألماني أيضاً والديانا ذهبت لوكيل آخر.
يوم جيتهم وطلبت تصريحها قال ما نصرح إلا الجديدة الي من عندنا !
ولو انها من عندنا لازم تكون باسمك ونجددها لك بس هذي وارد العقيل مهوب وارد الرميح ..
الوكاد اني مالقيت عندهم سنع قلت طيب مالها تصريح قال ما يجي لازم لها تصريح يعني ما تطلع من المحل بدون تصريح وهالكلام من قديم حسب كلامه ..
والحل من وجهة نظر العامل في محل الرميح اني أبلغ عن فقدان التصريح وبعد فترة أقدم طلب تصريح لها عند الشرطة.


وبيني وبينك مقاس 27 الي عندي ولا تستاهل كل ذا المشاوير :)
وقمت بفضل الله بشراء جامو أسبانية (بلاك نايت) تعادل مقاس تسعين وخلال ثلاث أيام وتصريحها طالع من الرماية..


هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

[هيوماكس]

السلام عليكم ورحمة الله وبركاته
يا اخوان عندي ساكتون هوائيه نوعها فايروخ
المهم جاتني هديه من خالي
وهي عنده قديمه ولا عنده تصريح لها
فمادري يا اخوان هل فيه مشكله لو مسكوني الشرطه وهي معي ؟
وكيف اطلع تصريح ومن وين
والتصريح وشلون هو ورقه ولا ايش
وجزاكم الله خير
اخوكم عليمي بهالاشياء وانا خايف تتصادر مني

وعليكم السلام ورحمة الله وبركاته
بخصوص التصريح هو عبارة عن بطاقة تاخذها وفيها معلومات الساكتون (نوعها ورقم السلاح وصورتك الشخصية ورقم جوالك)
طبعا قسم التصاريح والسلاح بالشرطة مسجل عندهم في الحاسب الآلي كل معلومات التصريح الموجود في البطاقة
اما لو مسكوك الشرطة فالأكيد انهم بيصادرونها منك ويطبق بحقك النظام
وثق ثقة تامة انك ماتقدر تصرح السلاح لأن السلاح يعتبر مجهول يعني لو حاولت يمين وشمال مافيه حل أبدا

نصيحتي لك بعها او احتفظ فيها لك وللزمن واشتر بدالها ساكتون مصرحه :good2:

[ابومحمد 88]

يارجال حتا لو مسكوها معك بيرجعونها لك انا ماسكني تفتيش ومعي 27 ديانا بدون تصريح ناظرها ورجعها

[الهوى جنوبي]

والله الساكتون الهوائيه ما تحتاج كل هذا التعب عشان تصرح
خلها معك ومش حالك بدون تصريح