صوت ضربه بالخلف عند مسك الفرمله يوكون 2003

[sanadsmd]

السلام عليكم ورحمة الله وبركاته،،،، أسعد الله جميعكم بالمسرات وجعلنا الله وإياكم من عتقائه يوم لقائه....

ياجماعة الخير أنا عندي يوكون دبل 2003 مشكلتي تكمن في صوت ضربة ورى كلما ضغطت فرامل أو قامت السيارة بسرعه!!!

طبعاً كشفت عليها وقالوا لي لازم تغير الدفرنس الخلفي كامل؟؟؟؟؟ مع العلم بأن السيارة جايتها صدمة من ورى بأمريكا قبل لاتجي والسياره لها معي 6 سنوات والحمد لله ماعليها أي ملاحظات إلا هالضربة ضيقت صدري ولا ودي أنهم يتعبثون بشي ولا يطلع منه مع العلم أني غيرت كل جلب الشاص ونفضته من تحت مساعدات وغيره (صيانه) فأرجوا من اللي عنده علم يفيدني جزاكم الله ألف خير.

أخوكم أبوالجوهره

[يكفيني نظرة]

اذا انت رافعه بسبب الارتفاع واذا هو وكاله شيك على التعليق الخلفي (الياي او السست)

[sanadsmd]

لا رفعته ولا شي زي ماجاني وكالته.

[sanadsmd]

اذا انت رافعه بسبب الارتفاع واذا هو وكاله شيك على التعليق الخلفي (الياي او السست)

والله ياخيي بشيك ماهي مشكله بس هالموضوع وش ممكن تكون أسبابه؟ لان ودي اجمع اكثر من راي وأروح مره وحده للصناعيه. والله يجزاك خير ياخيي.

[ريان2002]

إذا سمعت الطقه وإنت دوبك قومتها بسرعه هل تثقل معك السياره وتحس إنها ماسكه فرامل ؟
إذا نعم فشيك على أقمشة البريك وإذا لأ فما عندي علم بكل أسف
وفيه حل ثاني إنك ترفع السياره وتعشقها وتدعس وتهدي كأنك تمشي طبيعي وتخلي أحد يحدد لك مكان الصوت هل هو داخل الدفرنس وإلا برى
والله يسهل أمرك وتنحل المشكله بأقل التكاليف

[ك و ح]

شيك على الصلبان اذا صار في السيارة رجة من الميه وطالع وكل مازدت السرعة زادت النفاضة فهذي صلبان

[R I V A L]

بختصر لك اللفة يا عزيزي
وانت رح للورش وشفهم وش بيقولون لك
انا تحليلي للمشكلة كالتالي
سبحااااااااااااااان الله نفس العلة في (( فتك ولد عمي ))
جابه لي وقالي شف لي فيه حل كل ورشة من هالهنود والبنقال يفتي لي بشي
طبعا انا عرفت الخلل من اول ما ركبته
امشي بسرعه 120 مثلا وفجأة اعطيه فل ريس يعني اكتم له
اسمع واحس بضربه كأنه حد داعمني من ورا
وايضا يوم اخفف السرعه عند اشارة او دوار يووووووم تهدأ السرعه نفس الشيء احس بضربة قوية كأنه حد داعمني!!!!



خلاصة الموضوع ومثل ما قلت لك عزيزي
مشكلتك لا فالدفرنس ولا غيره
مشكلتك
(( الخريطة او مخ القير ))
ونصيحة اخوية
اذا فعلا طلعت المشكلة منه
لا تبدل خريطة فقط
احذر
بدل قير كامل شد بلد وليس موضب
توفر قروشك وترتاح مدة زمنية اطول

والله الموفق

تحياتي

[1824]

والله اعلم 99% جلد البدي او تشحيم عامود الشافت مدري وش تسمونه

[sanadsmd]

للرفع يا اخوان

[salih100]

ابداء بالاسهل

شيك على شيالات الدفرنس الخلفي افحصها مو تغيرها

غير الصليبات او شحمها

شيك على البريك اليدوي (الجلنط)

اذا الطقه تجي معك بعد ما تحتمي السياره في الممشى وقف وطفي السياره وبعد 10 ثواني شغلها اذا راحت الطقه فمشكلتك في حساسات القير الداخليه

[sanadsmd]

الله يجزاكم خير جميع وبارك الله فيكم. نروح ونشوف وش مشكلته والله يهونها.

[sanadsmd]

طلع من الدفرنس فيه فضاوة وتكلفه ???? ريال والله واجد مادري وش رايكم يالربع؟؟؟

[1824]

شيك على زيت الدفرنس وزوده اذا ناقص بزيته الخاص وان شاء الله تسلك امورك مع اني ما اتوقع انه من الدفرنس بالتوفيق لك