استشارة عن افضل فراش سفري للبر

[master_card]

السلام عليكم

مساكم الله بالخير جميعاً

المهم ندخل بالموضوع سلمكم الله انا ابي فراش سفري للبر ويكون عملي ودافي وياليت مايكون ثقيل اذا امكن

بصراحه افتر راسي وانا ادور وعجزت اقرر على فراش معين

المهم اللي يذكر لنا فراش مجربه يعطينا تفاصيله
1- جودتة
2- مقاسة
3- وزنة
4- سعرة


وسلامتكم

:)

[paris_najd22]

فراش الفصول الأربعة عند القاضي للخيام وسعره ٤٤٠ ريال
من واقع تجربه فراش مامثله يعيبه حجمه كبير اشوي بس جودته عاليه ويستاهل كل ريال تدفعه

[master_card]

فراش الفصول الأربعة عند القاضي للخيام وسعره 440 ريال
من واقع تجربه فراش مامثله يعيبه حجمه كبير اشوي بس جودته عاليه ويستاهل كل ريال تدفعه

الفصول الاربعه معجبني لكن اللي كرهني فيه تصفيطه وحجمه ثقيل بالوزن

[بواسامه]

بدلا عنه الصمان للقاضي برضو
ولا الدريويش

[master_card]

طيب الصمان ولا الريويش

هل هو ثقيل ومعقد بتسفيطه ولا

[نفود الشمال]

انا احترت كثير بالفراش

المحلي ثقيل وكبير الحجم وصعب التصفيط
والامريكي خفيف وصغير الحجم نسبيا وسهل التصفيط
اخيرا استقريت على فراش الامعط
شركه امريكيه طوله ٢٢٩ وعرضه ١٢٢
من برا نايلون ومن جوا زي البطانيه مكتوب عليه يتحمل -٣٢ درجه وكلام العاقل خذ نصه
اخذته من برق الحيا ب ٥٣٥ وزنه خفيف مقارنه بالمحلي
ان شاء الله اكون افدتك

[master_card]

انا احترت كثير بالفراش

المحلي ثقيل وكبير الحجم وصعب التصفيط
والامريكي خفيف وصغير الحجم نسبيا وسهل التصفيط
اخيرا استقريت على فراش الامعط
شركه امريكيه طوله 229 وعرضه 122
من برا نايلون ومن جوا زي البطانيه مكتوب عليه يتحمل -32 درجه وكلام العاقل خذ نصه
اخذته من برق الحيا ب 535 وزنه خفيف مقارنه بالمحلي
ان شاء الله اكون افدتك


هذا ممتازه مقاساته بس هل بعد تجربتك تشوف انه دافي مايحتاج تدخل معك فروه ولا بطانيه وسطه هههههههههه وهل هو ضد الماء من برا والسحاب حقه عملي :D

[Mohammed5d]

انا عندي فراش الماموث نفرين ممتاز جدا ودافي فيه منه نفر وحجمه صغير تلقاه عند برق الحيا

[master_card]

انا عندي فراش الماموث نفرين ممتاز جدا ودافي فيه منه نفر وحجمه صغير تلقاه عند برق الحيا


اول مره اسمع فيه لكن تجربتك خير برهان يالغالي ولاهنت

[نفود الشمال]

توني مشتريه مابعد جربته وانا اخوك

بما انه نايلون من برا فهو ضد الماء ان شاء الله
انا عندي خيمه المبيت . اتوقع الفراش مع هالخيمه كافي
وفيه واحد الظاهر بموقع مكشاتي اسمه هنتر يبدو لي زين بس الفراش يبيلك تقلبه وتشوفه احسن
الموقع مايكفي

[master_card]

توني مشتريه مابعد جربته وانا اخوك

بما انه نايلون من برا فهو ضد الماء ان شاء الله
انا عندي خيمه المبيت . اتوقع الفراش مع هالخيمه كافي
وفيه واحد الظاهر بموقع مكشاتي اسمه هنتر يبدو لي زين بس الفراش يبيلك تقلبه وتشوفه احسن
الموقع مايكفي



لاهنت يالامير

[ريف النشاما]

الفراش من الأشياء المهمة لان النوم في البر في فراش مريح افضل شي


انا جربت كذا واحد لكن ما اعجبتني بالذات كبر الحجم


قررت اصلح لي فراش محلي

الخطة ممتازة لكن باقي ماسويته

قريبا سوف ابدا فيه


والسعر هذا شلت من راسي

اهم اشي فراش خفيف ودافي


جميع الحقوق محفوظة
:D

[العريني1]

يمكن هالموضوع يفيدك

http://www.mekshat.com/vb/showthread.php?t=185190

[master_card]

الفراش من الأشياء المهمة لان النوم في البر في فراش مريح افضل شي


انا جربت كذا واحد لكن ما اعجبتني بالذات كبر الحجم


قررت اصلح لي فراش محلي

الخطة ممتازة لكن باقي ماسويته

قريبا سوف ابدا فيه


والسعر هذا شلت من راسي

اهم اشي فراش خفيف ودافي


جميع الحقوق محفوظة
:D


كفوو والله انا بالنسبة لي اكره الفراش الثقيل في شيله والمعقد في تسفيطه

لكن لقيت واحد يمدح فراش عند الهدف صناعه كنديه ويقول ممتاز ووزنه تقريبا 3 كيلو ودافي مدري عاد هو صادق ولا

[master_card]

يمكن هالموضوع يفيدك

http://www.mekshat.com/vb/showthread.php?t=185190


لاهنت وموضوع مميز

;)

[master_card]

شرينا القاضي الفصول الاربعة
مع اني متعقد من تسفيطه

[ناصح]

من خلال تجاربي عدة سنوات
كل فرش النوم الصناعة المحلية تعتمد في العزل على كثرة الطبقات وليس جودتها

لذالك تجدها كبية ومتعبة وغير عملية

.........

إذ يهمك موضوع فراش النوم بصرف النظر عن السعر

عليك بصناعة الشركات العالمية المشهورة في هذا المجال

تجده واسع ومريح وخفيف وعازل للحرارة بشكل مدروس

ولا تشتري إلا شيء يكون مخصص للبرودة - 15 ونازل



وبالتوفيق

[master_card]

من خلال تجاربي عدة سنوات



كل فرش النوم الصناعة المحلية تعتمد في العزل على كثرة الطبقات وليس جودتها

لذالك تجدها كبية ومتعبة وغير عملية


.........


إذ يهمك موضوع فراش النوم بصرف النظر عن السعر


عليك بصناعة الشركات العالمية المشهورة في هذا المجال


تجده واسع ومريح وخفيف وعازل للحرارة بشكل مدروس


ولا تشتري إلا شيء يكون مخصص للبرودة - 15 ونازل



وبالتوفيق





الله يعطيك العافيه شرينا فراش ههههه

لكن لابد من فراش من شركة عالمية بنجرب شغلهم


;)

[ابو شكاع]

فراش المرباع
مع مضرّب تحته ... ما أدري تعرفون المضرب أولا ؟
كل واحد. على حدة
افرش المضرب أول وفوقه الفراش
عشان تكون الأرضية لينة إلى حدٍ ما
واحد من الربع معه مثل المرتبة لكن على شكل وحدات مربعة تتسفط على بعض تكون تحت الفراش
شاريها من ايكيا ويبدو انها مريحة للظهر
بالتوفيق

[عبدالرحمن.1]

نبغى الكﻻم اللي يجمد عالشارب وش افضل فراش نوم مانبي روابط ومقارنات قديمة نبي كﻻم مجرب وسﻻمتكم

[الحربي حاتم]

منتظرين فكرتك ياريف النشاما

[قناص الصحرآء]

فراش الدريويش والصمان من خلال تجربه خذهن ولا تتعداهن

[جذآآآب]

الدرويش وعاصفة صحراء وبس قماش تنزاني اصلي ودافي وخذ الي من الداخل يجي قماش مو فرو افضل

[kaaaatm]

الدرويش وبس


وفيه اصدار خاص لونه ازرق


بصراحة مميز جدا جدا


لقيته عن برق الحيا قبل اسبوع كمية كبيرة


ويوم رحت امس السبت 24/1/2015


ما حصلت ولا حبه


وكلمت خالد الدرويش ( أبو عبدالرحمن ) بنفسي


وبصراحة ما قصر رجال ونعم شرواكم


علمه غانم


ورحت له لمحلهم بالفيصلية وما قصر معي


وشريت منه 3 فرش الدرويش الاصدار الخاص VIP اللي يجي قماشه أزرق


بـ 1200 ريال للجميع


بصراحة شيء مميز


وتعامل مميز من أبو عبدالرحمن بيض الله وجه



واللي رايح رايح


فيه عنده وسايد للبيت بصراحة مميزة جدا جدا جدا


جوده عالية تلقاها في المحلات الفخمة بـ 300 ريال


لقيتها عنده بـ 50 ريال للحبه


بصرحة تنوم عليها ما ودك تقوم مثل وسايد الفنادق الفخمة


وأي استفسار انا تحت أمركم



اخوكم
ابو صالح

[دغيم1]

وعليكم السلام ورحمة الله وبركاته
حياك الله أخوي
لاشك أن إختيار الفراش المناسب لابد أن يمر من طريق التجربة
وكذلك لابد أن نحترم وجهات النظر المختلفة المبنية على قناعات خاصة
ومن وجهة نظري الخاصة أن عمل الفراش بشكل شخصي
يتوافق مع متطلباتي وإحتياجاتي
وذلك مبنيا على :
شراء بطانية إسبانية مثل ( مورا ) خفيفية الوزن ودافئة بشكل جيد .
ثم إختيار القماش المناسب بأن يكون تنزاني الأصلي .
والمقاس الذي يناسبني من حيث راحتي في المنام لأن البعض كثير الحركة في منامة ومتقلب لذا يحتاج إلى سعة في الفراش . وهكذا .
ثم بعد ذلك إختيار الشخص الجيد في التفصيل ، وعمل خرج صغير ليكون خاص للمفاتيح وغيره .
وجعل الفراش سهل الفتح وإمكانية غسيلة
تمنياتي لك بالتوفيق
والله يطعمك خير ماشريت ويكفيك شره
تحياتي
أخوك / ابوفيصل

[علي العساف]

انا شريت السرحان من مكشاتي عليه عرض من 600 الى 450 صناعه امريكيه وخفيف الوزن ولون القماش ترابي ويتحمل _18 تحت الصفر

[قلب الداهية]

شريت لي واحد من الغرابي حجمه مناسب وفيه مخابي ومن داخل بطانيه ومن برا تنزاني ب 155ريال

[خدمات الرياض]

اي خدمة من الرياض نقدمها لاهل البر والمكشات لوازم صيد وادوات الرحلات نحن في الخدمة
اطلب فراشك من الررياض ويتم شحنه الى باب منزل
حسابي بتويتر والانستقرام والفيس بوك / n054499987

[al raed]

انا كنت محتار قبل كم يوم وش افضل
1- الفصول الاربعة من القاضي بـ440
2-الدرويش VIP بسعر 450
المهم مريت مملكة الرحلات بالدمام تناقشنا وقال فيه فراش اسمه الصيد افضل من الفصول الاربعة وعليه خصم كان ب490 وصار ب410
المهم اني اخذت فراش الصيد بس ما حصلت له طاري بالموقع هنا !!!!!!!!!

[AMERALNET]

ماشاء الله تبارك الرحمان

نقاش مثري ومفيد للجميع

لاكن من واقع تجربه عندي 3 فرش بر او اربعه
المهم

اللي يميز الفصول الاربعه انه طبقتين او دورين ممكن تستخدمه بالصيف وممكن تستخدمه بالشتاء

لاكن يعيبه التسفيط وكبر حجمه نسبياً لاكن المثل يقول اللي يبي الدح لا يقول اح

انت تبي تنام مرتاح بالبر ومعروف الشخص مايقدر ينام مرتاح بغير مرقده الاساسي اللي هو بالبيت
لذلك لابد ان توفر لنفسك الراحه بالنوم وتاخذ لك فراش عليه العلم.

قبل كم يوم شفت فراش زميل لي بالبر وكان معه فراش الصمان من القاضي دااافي بالحيل وكبير وسهل تسفيطه
لاكن طبقه واحده يعني مايمكن تنام فيه بالصيف.

ولو بشتري فراش للشتاء اشتريت الصمان .

[طلال مكشاتي]

عندك فراش الصحراء لاتتعداه

[شايم الخمشي]

أنا كان عندي فراش الربيع من القاضي أستخدمته تقريباّ سنه ونص

لكن هذي السنة ماناسبني مع برودة تبوك وثلوجها

رحت لمحل الهدف وحصلت فراش أمريكي من شركة قريزلي مكتوب يتحمل -50 بس ماأظنها صحيح

المهم جربته بالبر وكانت درجة الحراره حوالي الصفر قبل كم يوم

الشهادة لله ما شعرت بأي بروده حسّيت بعزله تامة عن الجو الخارجي

وبالمناسبه حجمه مقعول نوعاّ ما وسعره 480 ريال وعليه عرض الآن بـ 350 ريال

[فلسفة]

جربت فراش امريكي قبل فترة ليست بقصيرة والحمدلله الى اليوم وانا املكه ولا افكر اغيرة بالرغم من تجربتي عدة انواع قبل اقتنائة

http://www.mekshat.com/vb/showthread.php?t=504022

[جالس لوعدك]

أنا كان عندي فراش الربيع من القاضي أستخدمته تقريباّ سنه ونص

لكن هذي السنة ماناسبني مع برودة تبوك وثلوجها

رحت لمحل الهدف وحصلت فراش أمريكي من شركة قريزلي مكتوب يتحمل -50 بس ماأظنها صحيح

المهم جربته بالبر وكانت درجة الحراره حوالي الصفر قبل كم يوم

الشهادة لله ما شعرت بأي بروده حسّيت بعزله تامة عن الجو الخارجي

وبالمناسبه حجمه مقعول نوعاّ ما وسعره 480 ريال وعليه عرض الآن بـ 350 ريال

السلام عليكم
من عده سنوات استخدمه رائع جدا
حجمه اكثر من ممتاز ودافي .. وانصح باستخدامه

[غريب أطباع]

الدرويش وبس


وفيه اصدار خاص لونه ازرق


بصراحة مميز جدا جدا


لقيته عن برق الحيا قبل اسبوع كمية كبيرة


ويوم رحت امس السبت 24/1/2015


ما حصلت ولا حبه


وكلمت خالد الدرويش ( أبو عبدالرحمن ) بنفسي


وبصراحة ما قصر رجال ونعم شرواكم


علمه غانم


ورحت له لمحلهم بالفيصلية وما قصر معي


وشريت منه 3 فرش الدرويش الاصدار الخاص VIP اللي يجي قماشه أزرق


بـ 1200 ريال للجميع


بصراحة شيء مميز


وتعامل مميز من أبو عبدالرحمن بيض الله وجه



واللي رايح رايح


فيه عنده وسايد للبيت بصراحة مميزة جدا جدا جدا


جوده عالية تلقاها في المحلات الفخمة بـ 300 ريال


لقيتها عنده بـ 50 ريال للحبه


بصرحة تنوم عليها ما ودك تقوم مثل وسايد الفنادق الفخمة


وأي استفسار انا تحت أمركم



اخوكم
ابو صالح

ممكن صور له وين ممكن احصله

[مبارك اا]

السلام عليكم
من عده سنوات استخدمه رائع جدا
حجمه اكثر من ممتاز ودافي .. وانصح باستخدامه
اوافقك الراي الفراش الامريكي قريزلي ممتاز جدا وسحابين داخلي وخارجي وضد الماء عن تجربه

[awn050]

السلام عليكم ورحمة الله وبركاته

شريت فراش الصحراء من مدح الناس له الصراحه طلعنا للبر وكانت درجة الحراره ٦ بأول اليل فرشته ونمت علي الساعه ١١ سكرت سحاباته وفيه دفاء مو طبيعي لدرجة اني حسيت بكتمه وحر شوي يعني فراش حجمه كبير للي يتقلب وهو راقد ما عليه كلام
عيوبه يشغلك بالتصفيد ثقيل حيل تورم يدنك وانت تعفل به مشكلته الثانيه سحابه مو صري يعض واجد لصرت داخله له طريقه ما عرفت لها او هو عيب مصنعي
هذا الي جربته يمكن تستفيد منها