يامن حضر خيمة هل اللغز حييت...الحل...ثور...حله...د/ناصر العلي..كفو

[ابو ما بغى]

السلام عليكم ورحمة الله وبركاته
دام لكم التوفيق والسداد من الاولى الى الأخرة


يامن حضر خيمة هل اللغز حييت
تلقى النوادر مزهرات مطيعه
شهادتي جرح ولو زدت واثنيت
تقصر حروفي عن وصايف ربيعه
محشوم يالمطلق عن الشين مديت
طيبٍ اسوقه بالهدايا ما ابيعه
وانشدك عن حي نشا جوفه الميت
ثم فارقه دورة حياه وطبيعه
هذا وهذا لانعكس فيه سَميت
الآخر اما الحي ولا صنيعه
مطلوب اسم الحي ان جبته اقديت
تكرم عن الميت وايضا تبيعه


مـــــــــــوفـــــــــــقـــــــــــيـــــــــــن

[صقر السديرات]

الله الله الله
صح لسانك ملايين
درر قافية تطرب وطرق يوسع الصدر
لا تحضرني رمعة
لكن تحضرني المتعة بهذه الابيات الرائعة
دمت بخير

[عيد القضيب]

اسلم اخوي ابدعت وصح لسانك تكون النار والرماد والفحم تحياتي وتقديري

[ابوماريا]

صح السانك يابو احمد
والله يعطيك العافية
على إبداعاتك المتواصلة
ماشاء الله عليك

مرور تقدير وجاري التفكير

[ابو ما بغى]

الله الله الله
صح لسانك ملايين
درر قافية تطرب وطرق يوسع الصدر
لا تحضرني رمعة
لكن تحضرني المتعة بهذه الابيات الرائعة
دمت بخير

شكراً جزيلاً مشرفنا القدير صقر السديرات
الله يبارك بك ويصح كلك الى ما لا نهاية
والله يابوفيصل ان هذى المنى أن نسعدكم ونمتعكم
ونكسب ودكم وثنائكم الذي هو مكانة الوسام
لا عدمت هذا الحضور المبهج العطر
والله يحييك بالغالي في كل وقت
موفق

[ابو ما بغى]

اسلم اخوي ابدعت وصح لسانك تكون النار والرماد والفحم تحياتي وتقديري

شكراً جزيلاً اخوي عيد القضيب
ويصح بدنك وروحك يابوسلامه
لا هنت على هذا الحضور
اللغز باقي
موفق

[ابو ما بغى]

صح السانك يابو احمد
والله يعطيك العافية
على إبداعاتك المتواصلة
ماشاء الله عليك
مرور تقدير وجاري التفكير

شكراً جزيلاً اخوي ابو ماريا
يصح قلبك وروحك وكلك
والله يعافيك الابداع هو تشريفك لهذا المتصفح
وتسطير هذه العبارات المحفزة يابوفاير
الله يبارك بك لا هنت ولا غاليك
موفق

[ناصر العلي]

سلمت يالغالي
وصح لسانك
مايصير هالحي
ثور

[ابو ما بغى]

سلمت يالغالي
وصح لسانك
مايصير هالحي
ثور


شكرا جزيلاً اخوي عميد الالغاز ناصر العلي
الا تصير يابوعلي الله يحفظك ويردك سالم وغانم - يسلم فكرك ويصح بدنك يالغالي العالي

نعم الحل هو ثور

كفو كفو كفو كفو كفو كفو كفو كفو كفو كفو كفو
اصبت اخوي الدكتور ابو علي واحسنت
واشكر بالشكر الجزيل جميع اخواني في هذه الخمية اعضاء وزائرين من كانوا معنا حتى الوصول الى الحل
مــــــوفــــــقــــــيــــــن
نحبكم في الله ونسأله ان يحفظكم ويرعاكم

[ابو ماجد 2]

صح لسانك ياجم الابداع
لغز حلو
وكفو يادكتورنا
هاللغز ذكرني بلغز لي او مابديت انظم الالغاز

ياويش حي ابرم راسي= لاجت حروفه معكوسه
تعرفه ناس من ناسي = قلبه بقدامه يدوسه

[ناصر العلي]

سلمت ياابواحمد
وبيض الله وجهك ورفع قدرك
وكفوك الطيب يالغالي
تحياتي و تقديري

[ناصر العلي]

سلمت ياابوماجد
وكفوك الطيب يالغالي
تحياتي و تقديري

[ابو ما بغى]

صح لسانك ياجم الابداع
لغز حلو
وكفو يادكتورنا
هاللغز ذكرني بلغز لي او مابديت انظم الالغاز

ياويش حي ابرم راسي= لاجت حروفه معكوسه
تعرفه ناس من ناسي = قلبه بقدامه يدوسه


شكراً جزيلاً الفارس ابوماجد 2
يصح بدنك الله يرفع قدرك
والحلا انتم اهله وصناعه يالغالي
يستاهل الكفو دكتورنا ابو علي شرواك وكل اخواني
والله يالقدوه شغلك كله زين قديمه وجديده يتلالا مثل الذهب صالح في كل زمان
ياهلا كل الهلا
موفق