المساعد الشخصي الرقمي

مشاهدة النسخة كاملة : لأصحاب الباترول ريال بدل 600 ريال حل سهل وفعال (بالصور)


باترول 4×4
17/12/2006, 08:47 PM
السلام عليكم ورحمة الله وبركاته .
مساء الخير جميعا .
خربت عندي مساعدات الكبوت ماعاد تمسك ، ولما سألت في قطع الغيار الأصلية أخبرني أن سعر الواحد 330 ريال يعني اثنين بـ 660 قبل الخصم ، فأشار علي أحد الإخوة بوضع ثقب في مساعد الكبوت ووضع مسمار فيه بحيث يثبت الكبوت عند فتحه . وأترككم مع الصور .

هذا المسمار ويوجد عند محلات السباكة بأقل من ريال ويسمى ( مسمار مسدس ألمونيوم )
http://www.l22l.com/l22l-up-1/454f6c27b6.jpg

15 سم من قاعدة المساعد يكون مكان الثقب

http://www.l22l.com/l22l-up-1/12a988d345.jpg

الثقب ويكون في الحديد ، مع ملاحظة تسرب الزيوت التي داخل المساعد بعد ثقبه .
http://www.l22l.com/l22l-up-1/2cda36e6a0.jpg

المسمار بعد وضعه في المساعد .
http://www.l22l.com/l22l-up-1/7f9ac43a54.jpg

شكل الكبوت وهو مفتوح ، وعند السهم الأحمر نرى المسمار .
http://www.l22l.com/l22l-up-1/abf42ab4b4.jpg

وهذا مكان ( مقترح ) لوضع المسمار لكي يكون قريبا من الثقب وهو خلف المساعد مباشرة يوجد في السيارة ثقب صغير (( قد يظن من النظرة الأولى أن المسمار قد يسقط من السيارة لكن الواقع أنه لا يسقط لأن الكبوت بعد إغلاقه يمنع حركة المسار - وهو في سيارتي من عدة أشهر لم يسقط لا في الطرق الصحراوية ولا في الطعوس ))

http://www.l22l.com/l22l-up-1/f57e7aa2ee.jpg

http://www.l22l.com/l22l-up-1/2849ec2dfc.jpg
أتمنى أن يكون في هذه فائدة ، وتقبلوا تحياتي .
رواق
17/12/2006, 10:54 PM
ينطيك العافية من جد فكرة جميلة

انا صار عندي نفس المشكلة وصرت احلها بحطبة :)
ترتر
17/12/2006, 10:59 PM
عز الله انك جبتها يالذيب
تشكر على هذه الخطه البسيطه والعمليه اكثر من مساعداتهم الغاليه واللي سريع خرابها
بواسامه
17/12/2006, 11:09 PM
فكرتك جيده
وسبق ان طبقتها على مساعد الباث فندر
ولكن الوعد بعد فترة
من كثر ماترفع الكبوت يخرج الزين من المساعد مع الثقب
ومع الاستمرارية يصير الكبوت مثل الحصاة
ثمن بتروح تشتري مساعد وتتحسف على مسمار البرشام وغربلة الدريل وثقل الكبوت
ريح بالك وغير اللي يخرب
والدايم الله
smod227
17/12/2006, 11:30 PM
ابو اسامة ليش الاحباط


خلة يمشي الين تيسر الامور والايحصل طريقة ثانية لتفادي العيوب الي ذكرتها
الكـاسـر
18/12/2006, 12:53 AM
الف شكر لك
غالي
18/12/2006, 12:59 AM
على كلامك اخوي ابو اسامه
يبي لأخونا يكمل الفكره بوضع سداده تمنع خروج الزيت
انا معي لاندكروزر وليس باترول وعندي مشكلة هالكبوت مايثبت لازم يتسكر بعد فتره قصيره
واعجبتني فكرتك صراحه
بس سؤال؟
لو خرمته مع جهه وحده فقط وليست الجهتين
والمسمار قصرته بحيث انه يمكن دخوله على قد المساعد
هل سوف يخرج الزيت؟
لان ماراح يكون فيه ضغط هواء
اتمنى الرد على سؤالي شكرا
اسيزو 4x4
18/12/2006, 01:05 AM
يعطيك العافية فكرة ممتازة جداً :good: :)

الف شكر لك يالغالي ...

أخوك أبو حمود ....


.
باترول 4×4
18/12/2006, 01:21 AM
أخوي رواق : الله يعافيك يالغالي.
أخوي ترتر : عفاك الله تشكر على مرورك .
أخوي بو أسامة : الله يعافيك ، وبالنسبة للزيت سيخرج في المرة الأولى فقط ثم يسيل وينتهي وسيكون الثقل في البداية مرتين أو ثلاث ثم يكون الكبوت سهل الفتح والغلق .
أخوي smod227 : عفاك الله وأشكرلك مرورك .
الأخ ساري 2009 : ؟؟؟؟؟ نعم أفتخر وأحمد الله أن جعلني من العرب .
أخوي الكاسر : الله يعافيك أخوي وتشكر على مرورك.
أخوي غالي : لابأس أن تثقب من الجهة الأخرى وإن كنت في رأيي أعتقد أن واحد يكفي - هذا عن تجربة لعدة أشهر لا يوجد أي مشكلة - وبالنسبة للزيت سيخرج في المرة الأولى فقط فإذا انتهى من المساعد فلن يخرج مرة أخرى .وأعتقد أن هذه الطريقة تصلح على الاند .
أخوي اسيزو 4x4 : الله يعافيك وتشكر على مرورك .
فايز العامر
18/12/2006, 01:33 AM
السلام عليكم ورحمة الله وبركاته

تسلم على الفكرة الرائعة،،،
أنا عندي نفس المشكلة بالباترول، ومرة كنت أسولف مع واحد من الشباب من النوع اللي مايحب يدفع ريال على شيء يمكن هو يقدر يصلحه، وذكرت له مشكله الكبوت، على طول قال يا أخي ما أبسط من هذي بدل مساعدات الكبوت مع مساعدات المراتب الثانية... الفكرة على البال لكن تصلح لواحد عنده وقت... وبصراحة أنا ممشي حالي بمفتاح الكفر...


رعاد
ع.ف.الدرويش
18/12/2006, 08:09 AM
فكرتك جيده
وسبق ان طبقتها على مساعد الباث فندر
ولكن الوعد بعد فترة
من كثر ماترفع الكبوت يخرج الزين من المساعد مع الثقب
ومع الاستمرارية يصير الكبوت مثل الحصاة
ثمن بتروح تشتري مساعد وتتحسف على مسمار البرشام وغربلة الدريل وثقل الكبوت
ريح بالك وغير اللي يخرب
والدايم الله

صبحكم الله بالخير جميعاً..

اخوي باترول 4*4 الفكرة ماعليها وتنفع وقت الضرورة
لكن بالنسبة لي أغيره لو بآخر تجاري والا جديد
فريح بالك ومثل ما قال بو اسامة وغير اللي يخرب والدايم الله

أخوك..( أبو فهـد )..;)
Mr.Patrol
18/12/2006, 08:11 AM
اخي باترول

بياض الله وجهك على الفكرة الطيبة واحذر الاخوان الي راح يتبع ها الطريقة من الاستعجال فى اغلاق الكبوت والمسمار موجود لانه راح يميل الكبوت ويخربه عليك ما اقصد بهذا الكلام ان الفكرة سيئة بل بالعكس الفكرة جدا ممتازة فقط للتنبية وشكرا.
محسن اليامي
18/12/2006, 10:53 AM
يعطيك العافيه على الفكره الممتازه
بواسامه
18/12/2006, 11:14 AM
ابو اسامة ليش الاحباط


خلة يمشي الين تيسر الامور والايحصل طريقة ثانية لتفادي العيوب الي ذكرتها
غفر الله لك
والله مب قصدي الاحباط
وانا آسف لخونا اذا هو فهمني غلط
مقصدي والله هو تبادل الخبرات وماعانيته من مشاكل
ولهذا جرى التنويه والتنبيه
وانا احب الحربثه والفك والربط وهو صلب التخصص
وكلش نتعبث به قبل مانغيره للفايده0هو خربان خربان:D
وجزاك الله خير
طــامــي
18/12/2006, 05:49 PM
احسسسسسسسسسسسسسسسن حلللللللللللللللللللللللللللللللل
البرق
18/12/2006, 06:24 PM
يعطيك العافية فكرة ممتازة جداً

الف شكر لك يالغالي
قارئ
18/12/2006, 09:02 PM
فكرة رائعة ورأيتها مع واحد ومرتاح منها مره

وحط قريشاتك في جيبك
هـآوٍي
18/12/2006, 10:42 PM
يعطيـك آلهـآفيـه ع آلأقتـرٍآح آلممتـآزِ...
نتمنـى لـك آلتـوٍفيـق...
تحيـآتـي...
علووووم الحيا
20/12/2006, 08:32 PM
ماشاء الله فكره رائعه .....

بارك الله فيك ومشكور اخوي ابو محمد على طرحها للفائده وما قصرت .....
باترول 4×4
21/12/2006, 08:06 PM
أشكر جميع الإخوة على مرورهم وأعتذر لهم على نأخر الرد :
أخوي رعاد : وعليكم السلام ورحمة الله وبركاته ، الله يسلمك وتشكر على مرورك .
أخوي ع . ف . الدويش : الله يصبحك بالخير ، صدقت أخوي الدايم الله وحده ، لكن مادام المساعد خربان خربان نستفيد منه ونتفلسف فيه شوي .
أخوي Mr.Patrol : الله يبيض وجهك ، وتشكر على المشاركة والتنبيه .
أخوي محسن اليامي : الله يعافيك وتشكر على مرورك .
أخوي بو أسامة : الله يعافيك يالغالي ، فاهم والله قصدك وما بك شك وبالعكس أنا أقدر النقد البناء الهادف لتحصل الفائدة للجميع ، تشكر أخي على حرصك .
أخوي طامي : عفاك الله وتشكر أخي على مرورك .
أخوي البرق : الله يعافيك وتشكر أخي على مرورك
أخوي قارئ : الله يسلمك وتشكر أخي على مرورك .
أخوي هاوي : الله يعافيك ، وأنا أتمنى لك التوفيق ، تشكر على مرورك .
أخوي علووووم الحيا : عفاك الله يا أبو فلاح وتشكر على مرورك .
نايف الدهيمان
22/12/2006, 11:37 AM
يامال العافيه على المعلومه الرائعه
مطر سهيل
22/12/2006, 11:45 AM
الله يعطيك العافيه
sasasasas
22/12/2006, 09:05 PM
الله يعطيك العافيه
اخوي
شـهـاب
23/12/2006, 02:28 AM
يقال : الحاجة ام الأختراع
مـسـير
27/12/2006, 07:06 PM
السلام عليكم يالربع والله وانا اتمشى على رجلي بالمنتدى شفت هالموضوع قلت لازم اسير عليه وصراحه شفت الفكره وعارفها من قبل بس

حبيت ازيد الموضوع شوي بفكرة ثانيه مطبقها انا من سنه ونصف

وهالفكرة توفر الريال حق المسامير خخخخخخخخخ ( ياحيه للدراهم )

انا صارت معي وقلت ابغيرها اول الامر ولاكن الحمراني يقص الظهر خابرين انتم


المهم <<<<<<<<< ياحبه للفلسفه اخلص علينا وعطهم المفيد


اولا افتح الكبوت على اخر شي وخل واحد من اللي حولك يمسكه

ثانيا خذ خشبه ولا لوح جبر وحطه على المساعد من الجهه الداخليه وامسك الخشبه ورصها على المساعد شي بسيط

ثالثا جب شاكوش ولا مطرقه واضرب المساعد من الجهه اللي برى الخارجيه بيدك الثانيه ضربه او ضربتين بسيطه

( طبعا مع جرم المساعد اللي هو الاسود )

والثاني نفس الطريقه وعلى كذا بيصير الكبوت فيه ثقل بسيط اذا بغيت تنزله بس مايخالف طبع الثقل على حسب الضربه يعني لاتكود بالحيل

وكذا لاتشتري ولا شي ولاتهريب زيت ولا غثاء دريل ومسامير


فمان الله
باترول 4×4
05/01/2007, 01:30 PM
يا هلا بالإخوة وأعتذر على التأخير ومثلكم عارفين ما حد يجلس بهالعطلة :
أخوي تركي 066 : الله يعافيك وأشكرك على مرورك .
أخوي سحابة سهيل : الله يعافيك وأشكرك على مرورك .
أخوي sasasasas :الله يعافيك وأشكرك على مرورك .
أخوي شـهـاب : الله يعافيك ، ومثل ما قلت أحيانا الحاجة أم الاختراع وأحيانا حب العمل والحربثة والفلسفة ، وفي الأخير كل هذا لا يخلو من فائدة ، تشكر أخي على مرورك .
أخوي مـسـير : وعليكم السلام ، الله يعافيك ، وتشكر على هذه المعلومة الطيبة ، فمان الله .
عمار السفينه
05/01/2007, 01:38 PM
ماشاء الله عليك

الحاجه أم الأختراع

.. ومنكم نستفيد ..
عاشق الفرعه
28/08/2009, 10:42 PM
حل طيببببببب
ابو عبدالملك 2
28/08/2009, 11:44 PM
بدله بتجاري وتراه رخيص الثنين بسبعين ريال وانا غيرتها لي سنة تقريبا ولابها خلاف وبعدين الكبوت قليل الواحد يفتحه فالتجاري يمشي الحال
ابومشخص
06/02/2010, 02:49 PM
الله يوفقك
باترول 4×4
07/02/2010, 02:28 PM
الإخوة :
عمار السفينة
عاشق الفزعة
أبو عبدالملك2
شروكي 111
أبو مشخص
بارك الله فيكم جميعا
,اشكر لكم مروركم وتشريفكم للموضوع .