هل صحيح خبر نزول اسعار الكفرات ؟

[N.m.a]

سلام عليكم
وصلتني رسالة عالوتس اب تفيد ان الكفرات اسعارها في نزول

ووصل النزول الى اكثر من 30 بالمية

ومما زاد الخبر مصداقيه شخص اخبرني امس انه شرا كفرات لسيارته بنزول اكثر من 50 ريال لكل كفر مع ان الكفر موديله جديد

وحقيقاً سيارتي تحتاج لطقم جديد

فإذا كان هناك نزول ولو تدريجي صبرت
مهوب معقول اطقم ب 2500 ريال لجنط 16

[راكان 11]

ديرتنا مافيها شي ينزل سعره
يرتفع يمكن

لأن أغلب البضائع المستوردة تتعرض للارتفاع والنزول
في كل أنحاء العالم
لارتباطها بالبترول وخلاف البترول من الأساسيات
والمستفيد الأول والأخير هو التاجر والمستورد
والضحيه المستهلك

[N.m.a]

ديرتنا مافيها شي ينزل سعره
يرتفع يمكن

لأن أغلب البضائع المستوردة تتعرض للارتفاع والنزول
في كل أنحاء العالم
لارتباطها بالبترول وخلاف البترول من الأساسيات
والمستفيد الأول والأخير هو التاجر والمستورد
والضحيه المستهلك

كلام سليم يا راكان

لاكن في حين نزول المادة الاولى في التصنيع ( النفط ) يتبعها كل شي مصنع منها في النزول

ولاكن ذكرت نقطة ان المستورد لا ينزل السعر بل يرفعه
وهذي اخالفك فيها والسبب ان الماركات العالمية المعروفه هي من تفرض السعر هنا وليس التاجر

[مسير عليكم]

اخوي بالنسبه للارتفاع والنزول الوضع فيه غش ونصب ودخلت الكفرات وارد الامارات وللاسف مجهول مصدرها هل هي اصليه او انها معاد تدويرها
والكفرات الي تبع الوكيل كلها تاريخها قديم مثل هانكوك رحت لهم مالقيت اجدد من سنه حنا دخلنا 2015 واجدد كفر2014 اول اسبوع من السنه وفريت دانلوب مالقيت بن زقر كله خليجي على قولهم وتاريخه 2014 مابين 11 الى 20 اسبوع والسنه 52 اسبوع
اخوي ماهو نزول حقيقي كثر ماهو انهم توهقو بكفراتهم وكلها تواريخ قديمه والصيني غرق السوق وحرقه على الشركات الكبار والدليل شف الوكلاء كل واحد منهم مسك له وكاله صينيه وبلش بالي عنده