المساعد الشخصي الرقمي

مشاهدة النسخة كاملة : هل من الممكن ان اعرف ان السلوقي طيب ؟؟


طير حوران 999
17/12/2006, 09:19 PM
انا شريت ذيخ من رجال منتج عليه والذيخ ابو خمس سنوات
والذيخ كبير وجربته مع سلوقي ابو سنتين ولكن ماهو سريع وحركته ثقيلة مرة وتحس انه ما يشد على نفسه وخاصة ايديه ما يضغط بقوة نفس السلوقي ابو سنتين ولا ادري ليه وراعيه يجزم انه سبوق وانا اشوفه ما يركض بسرعة وش الحل ؟
هل ممكن انه سبوق ولكن ما يركض مع السيارة
او انه تعان لانه له سنتين ما تليق بالعلم انه من سلق امير ماخذه الرجال من معزبه
او ان السلوقي بيكون سريع اذا هديته على ظبي
وانا اركضه كل 3 ايام حوالي 7 كم من فترة 3 اسابيع
افيدوني جزاكم الله خيرا ؟؟
للجميع المشاركة الله يجزاكم خير
الأصيل007
17/12/2006, 11:52 PM
السلام عليكم
أخوي طير حوران مشكلتك جدا عاديه اغلب السلق تركض ورا السياره وين ماراحت لاكن مو كلها وانا شخصيا عندي سلوقي

اذا جيت ابي امشيه مع سلقاني يمشي معهم تمام واذا اسرعت اشوفه اخر واحد لاكن لاكن اذا شاف الصيده قدامه يتحمس ويزود سرعته ويتعداهم

بقووه لذالك انت خله يشوف صيده قدامه وشوف هو بتغير في نظرك ولا لا

واعذرني اذا ماوصلت لك المعلومه
وشكرا............
طير حوران 999
18/12/2006, 07:47 AM
شكرا الاصيل لكن السلوقي من حركته مافيه خفة
اما المواصفات مسكتة
القحطاني505
18/12/2006, 09:08 AM
اخوي طير حوران انت طرحت اكثر من سبب يجعل سلوقيك يعدي في مكانه بس اذا كنت ناوي تعدله هناك حلين
الاول:انك تطلع معه كلاب وتخليه مربوط بالحوض عشان اذا شافهم يخ رجله .
الثاني:انك تطلع معه كلب نبه وتقنص فيه جرابيع اذا كان الكلب الثاني قدام بيشوف الفريسه قبله وبكذاالكلب بتشوفه ينجن لمايصيده الكلب الثاني .
وانشاء يضبط معك هاذا كل اللي عندي
طير حوران 999
18/12/2006, 10:33 AM
شكرا يا قحطاني وبيض الله وجهك ووجه القحاطين
بسويها وانشاالله
لكن فيه سوال وش معنى
الحل الاول لاني مافهمته زين
طير حوران 999
18/12/2006, 05:45 PM
يالربع السلقي الي علمتكم زين ولا ارده ؟؟!! وابدله من المزرعة
انا لي رفيق لي يقول تنق من سلقان الامير
طيب كيف اتنقى بالعلم ماعندي خبرة بالسلق واذا جربتها مع السيارة
يعني كيف اعرف الي فيه سد والي سبوق من السلق او الذيخة
ولاهنتوا
حرف العين
18/12/2006, 07:17 PM
السلام عليكم ورحمة الله وبركاتة

اخي العزيز طير حوران حدث العاقل بما يعقل الذيخ عمره 5 سنوات وبعدين موقف عن الحركه 2سنتان يعني نسى شي اسمه جري او ركض

وماينفع مهما اجتهدت عليه لانه الذيخ بيعطيك السبق لغاية 3سنوات ونصف فقط اما تالي العمر ماراح يعطيك اي شي.

بلنسبه لاختيار السلق مهما تكلمنا او وصفنا ماراح اتعرف وشو مقصدنا في الوصف لانه بلكلام غير وبلنظر غير فاذا انت تبي تختار خذ معاك ناس لها باع وخبره في المجال وخلها تختار لك الذيخ الجيد من بينهم واذا حاب حد من المنتدى يساعدك بلاختيار انا اشوف الاخ طلو هو المناسب لهذه المهمه.

وشكرا
طير حوران 999
18/12/2006, 10:24 PM
شكرا ياحرف العين
الذيخ ابو خمس سنوات ما ينفع ولا كيف يعني ؟؟ يرجى توضيح
لاهنت
حرف العين
18/12/2006, 11:04 PM
هلا وغلا

ينفع للتشبيه فقط وليس للدخول به في السباقات والتحديات.
الشامخ0011
19/12/2006, 06:03 AM
السلام عليكم اخوي طير حوران اذا تبي تختار :good: اختار راعي الراس الصقير الخشه المتوصطا الرقبه الطويله النحر المفتوح الضهر العريض ويكون مغوس لاعلا والفطحه العريضه والقوام الرفيعه وناعمه وصاحب الزور الواسع من الاجناب اوكما يسمونه الجوشن واذا كان ضيخ دور الارز واذا ضاريه العقلا وفكه يمشي قدامك تلقا خفيف في المشي يادوب يلمس الارض وتشوف عصب رجله قوي وعليك بصقير السن وصط الجرم وانشا الله اكون قدارت اوصل لك المعلومه واكون ساعتك وشكرن لك هاذا الي اعرفه واختار عليه :good: :good:
طير حوران 999
19/12/2006, 09:16 AM
شكرا جميعن
واذا كان ضيخ دور الارز واذا ضاريه العقلا
يرجى توضيح هذه الجملة واعذروني على الاسئلة ياخوان

ااختار راعي الراس الصقير الخشه المتوصطا
يرجى التوضيح
اسمحولي انا ماعندي خبرة
هاوي سلق
20/12/2006, 01:11 PM
اذا بغيت تختار عليك بالسلق اللي عمره من سنه ونصف الى ثلاث افضل عمر في السلق :good:
والطيب معروف بذكره عند الناس
ابو صاالح
30/12/2006, 06:22 PM
أنااااااااااا أعاااارضك اخوي حرف العين بأن السلوقي لا تعدا 3 سنوات ونصف ما ينفع للسبقات والحقيقه تثبت ذلك .
صياد الارانب
07/01/2007, 08:30 PM
السلام عليكم ياشباب السلوقي في طرد الارانب 10سنين يطرد وبعدها يضعف نضره ويخف عديه اما في طرد الغزلان جربت سلوقي عمره 7سنين وحل الثالث مع سلق طيبه


وشكراا
طير حوران 999
09/01/2007, 12:59 PM
يااخوان السلوقي عربيد حق طلو
يشارك وعمره 15 سنة
ابغاكم تتفاعلون يااخوان وياحرف العين
طير حوران 999
12/01/2007, 10:37 PM
واذا كان ضيخ دور الارز واذا ضاريه العقلا :good: :good:

يرجى التوضيح من اهل الخبرة
القـــناص
12/01/2007, 11:41 PM
اخوي طير حوران

والله عندنا ذيخه عمرها

8 و9 سنين واتحدا فيها

ماشاء الله سباق بس ماحولك سد...
ابو هشام
13/01/2007, 12:54 PM
تحياتي للزملاء

السلوقي الاصلي هو السلوقي المربع

يعني طوله من النحر للعجز يساوي ارتفاعه عن الارض "من أخفض نقطه في الظهر الى الارض" لانه اذا زاد ارتفاعه يصبح سريع السقوط واذا نقص يصبح بطيء.

ومن المهم ملاحظة أن اسوأ الامراض التي تصيب السلوقي هي الكسل

وسبب الكسل شدة الحر أو نوعية الغذاء

وتحياتي للجميع
الديموقراطي
06/09/2007, 01:43 AM
شبه وستفيد منا احسن اذا كان طيب فا استفيد منه000000000000000