مشكله في الهايلكس 2004

[فيصل التميمي]

السلام عليكم ورحمة الله وبركاته
ياخوان عندي مشكله في الهايلكس الموتر يدخن ويصرف بنزين وفيه نتعه اذا شدة النمره والنتعه الثانيه بين الثمانين والميه مدري وش المشكله علمن ان غيرت كل شي
بواجي اسلاك بواجي صفايه بنزين طرنبه بنزيم حساس حق الهواء وبخاخات وكيولات ووزن بلوف والاهات الي عند المكينه كلفني حول 8 الاف ومافيه فايده وفحصت كمبيوتر ويقول مافيه شي ارجو الحل

[المميـز]

:

شيك على طرنبة البنزين

ينقل لخيمة الاعطال

:

[فيصل التميمي]

المشكله ان طرنبه البنزين مغيرها

[salih100]

قد مرت علي نفس المشكله وغيرت الين دخت وفي الاخير طلع في سلك منقطع يدخل من الكبوت على مجموعه الافيوزات وسببه انه ورشه سوت اشتراك للسياره وقلبت الاسلاك

انت مشكلتك والله اعلم نفس المشكله الي عندي فيبيلك تفحص الضفيره وجميع اسلاك الكهرباء الي داخله وخارجه من علب الافيزوات

والله يعينك ماعندنا كهربائيين صح

[فيصل التميمي]

بيض الله وجهك لكن من يخبر كهربائي صح في الرياض

[SGL]

أخوي غير مايلي وبشرط أصلي وبرقم الشاص من الوكالة:
1-صفاي بنزين.
2-فلتر الهوا.
3-البواجي ودقق على هالنقطه البواجي.
أما الأشياء اللي تشيك عليها خرطوش الهوا شيك عليه زين ﻻيكون فيه خرم أو شق أو منحل القفيز أو قربة الفلتر فيها تنسيم ماتقفل مضبوط
حساس الهوا ﻻكن إنت تقول جديد؟؟؟؟
ركب بلف حرارة وكالة
إذا فيه في القزوز أو الشكمان حساس أكسجين إعرف إن البلا منه بذات الكربون
وفي شي إنت قلتله قلب راسي وهو وزن بلوف؟؟ كيف وزن بلوف هالموديل ماتنوزن هي توماتيك تنوزن بحاله وحده إذا الراس فكيته ومسحته أو وضبت المكينة؟؟؟؟؟

[ابو فهد...]

اذا كان المشكله هاذي من بعد المطر او من المويه
صارت معي انزل تحت باب الراكب وتبي تلقا حساس بالشكمان قبل الفيش من فوق قصه ولف كل سلك الحاله همن لفهن جميع وثبتهن بعامود الترفيع وتشوف ان ماصفت

[فيصل التميمي]

بيض الله وجيهكم هي مافيها بلف حراره مفكوك والمكينه موضبه

[1824]

بلف الحرارة اول سبب للصرفية

[ابوراكان تبوك]

اذا نظام موترك ديلكو تأكد من وزنته وتأكد ان الترس الداخلي للديلكو مافيه فضاوه خل الكهربائي يفحصه

[فيصل التميمي]

موتري هايلكس ٢٠٠٤

[ابوراكان تبوك]

السلام عليكم ورحمة الله وبركاته
ياخوان عندي مشكله في الهايلكس الموتر يدخن ويصرف بنزين وفيه نتعه اذا شدة النمره والنتعه الثانيه بين الثمانين والميه مدري وش المشكله علمن ان غيرت كل شي
بواجي اسلاك بواجي صفايه بنزين طرنبه بنزيم حساس حق الهواء وبخاخات وكيولات ووزن بلوف والاهات الي عند المكينه كلفني حول 8 الاف ومافيه فايده وفحصت كمبيوتر ويقول مافيه شي ارجو الحل

اخي تأكد ما الظاهر انها كويلات

الكويلات من 2006 وطالع تقريبا

شوف اسلاك البواجي تنشبك اطرافها في قطعه دائريه او افياش مربعه

اذا قطعه دائريه هذا ديلكو اكتروني واذا افياش مربعه هاذي كويلات امرها بسيط اعلمك كيف تفحصها بنفسك


مشكلتك اشبه بمشكله واحد اعرفه ما خلا شي خرط وغير بلوف وخسر كثير بسبب ترتره وتقطيع وصرفية بنزين ويوم رد موتره للورشه لان المشكله ما انتهت بدلو له الديلكو بديلكو سياره عندهم كـ تجربه واتضح انه المشكله بسبب فضاوه في الديلكو واخذه ع المخرطه وضبطه :good2:

[جبل77]

الله يسهل امرنا وامركم
جرب توقف السيارة وتدوس بنص اذا صفت المكينة فيمكن المشكلة بالاسلاك الخارجية من ضرب الهواء تتحرك وتقطع الكهرباء عندك