مشكلة طقطقة بمكينة الاكيبدشن

[exe2015]

السلام عليكم ورحمة الله وبركاته

هذي اول مشاركة لي وماعرفت المنتدى الا يوم جيت ابحث عن مشكلت الموتر

يااخةان عندي اكسبدشن 2012 ماشي 100 الف انا فاكه وكاله ومحافظ عليه بتغيير الزيوت
قبل امس جيت اشغل الموتر واشتغل لكن جته نفاضه وسلك عقبها
بعدها بيوم شغلت الا اسمع صوت بالمكينة تك تك تك
وديته لكذا ورشه كلهم يقولون من التكيات وانا اقول مستحيل الموتر ماجاه جور ومهتم بتغيير الزيت 10_30 بترومين .
انا ماغيرت البواجي الى الان هل يمكن يصير منها ويصير تقفل بوجي او 2 وبسببها يطلع الصوت
ولو مشيت عليها فتره هل يخرب السرندل
ثانيا العزم صار ميت وقلت لو هو تكايات فالعزم مايتغير
وش رايكم يالربع ورحم الله والديكم

[الكدن1]

من حيث انك تقول سلك بعد الاهتزاز طبيعي لان الكمبيوتر اشتغل على الطواري وعوض النقص الحاصل في بعض الحساسات حتى يتم اصلاح الخلل فالافضل انك تفحص كميوتر

[exe2015]

ياالغالي ما اشتغلت عندي لمبة المكينة . لذلك استبعدت اني افحص

هل الفحص بالكمبيوتر يبين اذا البواجي تعطي شراره او لا

وهل خراب البوجي يسبب هالصوت

[salih100]

فحص الكمبيوتر ما يطلعلك حساس مو متعطل ليه؟ لانها واصله الكهرباء في الحساس حتى ولو كانت ضعيفه ومسببه خلل

ابداء بالاسهل

غير بواجي خلاص 100 الف عمر افتراضي

[الصيادالمليح]

ابدا بالشيء الاسهل و الاكثر احتمالية

غير البواجي اولا و حاول تسوي اعادة برمجة

و اذا استمرت المشكلة فوديها اي ورشة او الوكالة لفحص الكمبيوتر و اظهار الخلل

[exe2015]

بيض الله وجهيكم . وان شاء الله تكون هي السبب
صراحه مسبب لي قلق نفسي

[الحربي 591]

اخوي
الزيت حط نفس المسجل على الغطاء
و زي ما قالو احبابي غير البواجي
وشيك على الكويلات
ترى الصوت ذا راح يكلفك بلاوي اذا ما حددت الخلل
مثل ماصارلي خليت السياره تطقطق لين ما تكسرت التكايات
وطلعت نخل في راسي
والتكايات اذا تكسرت
لو تمشي مشي افضل من تسوق السياره لان عزم مافييه ابد
مو يخف لا مافيه عزم

[exe2015]

الصوت الي عندي بجهة اليمين بس
اليسار مافيه صوت وزي ماقلت ي
عزم مااافي

[م.سعيد]

هناك رابطة لسيارتك انصحك بتصفحها وطرح مشكلتك هناك لعلك تجد ضالتك..

http://mekshat.com/vb/showthread.php?t=432386

[الحربي 591]

الصوت الي عندي بجهة اليمين بس
اليسار مافيه صوت وزي ماقلت ي
عزم مااافي


طيب يا اخي
هي الطقطقه اللي جاتني اسمع صوتها على اليمين

[exe2015]

الله يستر . ان شاء الله تنحل بتغيير البواجي

وابلغكم بالنتيجة

[1824]

اولآ الزيت الذي تستعمله غير مخصص لمحرك سيارتك زيت محرك سيارتك هو موتركرافت 5W20 واستعمل دائما سيفون من قطع الغيار ويفضل وبقوة الوكالة السيفون يكون من عندهم عشان تتاكد انه اصلي ثاني شيء غير البواجي وفلتر هواء وتصفية شاملة لانها مشت 100 الف وقت الصيانة الدورية العامة للمحرك من بواجي وفلاتر وزيت قير وفلتر قير وزيت دبل اذا هو دبل وكلها لازم تاخذها من الوكالة لانها مافيها لعب لازم الارقام تتطابق برقم الشاصي بالتوفيق لك واهم شيء حاليا عندك الزيت استعمل موتركرافت 5W20 ضروري هذا الزيت والرقم هذا بالتوفيق لك

[exe2015]

بسم الله
رجعنا لكم
للاسف طلع الصوت من التكايات
غيرنا البواجي ولا طلع منها
قبل شوي رحت وغيرت زيت ل 50w20 وقال لي راع الورشة اصبر عليه شوي . المشكله ان عزم السيارة تغير علي مهوب مثل اول اول اذا دعست البنزين فز الحين لا صار ثقييل بالحيل بقومته

سعر التكايات 1080 ريال عند التقوى ويجي طقم 24 حبه
لكن الغريب حصلت فرق سعر التصليح بين السماء والارض
مثلا اليرموك قال 3000 وورشة بالنسيم قال لي 2000 وواحد قال لي 600 ريال

وصاحبنا ابو 600 يقول مايحتاج وزن للتكايات انها تجي اوتماتيك مو مثل السيارات القديمة ..
الي عنده معلومة يالربع لايبخل علينا

[الشواوي]

طيب شيكت على طرمبة الزيت

[لسان الحقيقة]

غريبة هالمشكلة معروفه الجمس وش جابها للفورد.!
الله يكون بعونك وانصحك لاتستعجل بالتصليح الا بعد التأكد من المشكلة 100%
ولا تصلح الا عند ناس معروفة.

[exe2015]

طيب شيكت على طرمبة الزيت

طرمبة الزيت عندي ممتازة وامبيرها فوق النص يعني زي الاكسبدشنات






غريبة هالمشكلة معروفه الجمس وش جابها للفورد.!
الله يكون بعونك وانصحك لاتستعجل بالتصليح الا بعد التأكد من المشكلة 100%
ولا تصلح الا عند ناس معروفة.


صحيح بالاضافة الى ان بالجموس والشفرات مايتغير العزم على حسب ماقريت بالانترنت .الي عندي طاح عزمه يادافع البلا

طيب هل تركيب التكايات لها وزن ولا بس فك وركب لان اذا فك وركب مايحتاج مركز كبير وياخذ علينا زيادة
ولا وش رايكم يالربع

[exe2015]

نبي احد المهندسين يرد علينا يالربع
هل نصلحها بمركز كبير وياخذ علينا السعر الفلاني على شغله على حسب بعض كلام الاخوان انها سهله ولاتحتاج وزن
فرق بين 3000 وبسن 600 ريال

[شعيب المسمى]

افحص كمبيوتر عند مركز متخصص احتمال كبير عندك حدا حساس الكامات مايعمل بالشكل المطلوب ويسبب أصوات وارتجاج وضعف في العزم.
الزيت 20دبليو 50 غير مناسب للمحرك إطلاقا عندك 5دبليو 20 او 5 دبليو 30

[exe2015]

افحص كمبيوتر عند مركز متخصص احتمال كبير عندك حدا حساس الكامات مايعمل بالشكل المطلوب ويسبب أصوات وارتجاج وضعف في العزم.
الزيت 20دبليو 50 غير مناسب للمحرك إطلاقا عندك 5دبليو 20 او 5 دبليو 30



فحص الكمبيوتر مااستفيد شي منه الموتر صافي ولا به رجه ولاتفتفه ولا طلع عندي علامة المكينة
وعارف ان 50w20 غير مناسب للموتر لكن الكل قال حط ثقيل علشان يروح او يخف الصوت بعطين ارجع لزيتك الي بالعاده
الخين فيه الزيت 50w20والصوت ماتغير

[exe2015]

السلام عليكم

يالربع ابشركم صوت الطقطقة راح والحمد لله .لكن طلعت لي علامة المكينة وفحصها احد الزملاء بجهاز معه وطلع رقم الخطاء P0300 وشلون اعرف الخطاء وشهو

[1824]

السلام عليكم

يالربع ابشركم صوت الطقطقة راح والحمد لله .لكن طلعت لي علامة المكينة وفحصها احد الزملاء بجهاز معه وطلع رقم الخطاء P0300 وشلون اعرف الخطاء وشهو

اشرح لنا كيف راح الصوت

الرمز هذا عندك تفتفه في سلندرات بشكل عشوائي

الي هو Random misfire

[exe2015]

اشرح لنا كيف راح الصوت

الرمز هذا عندك تفتفه في سلندرات بشكل عشوائي

الي هو Random misfire



بارك الله فيك
والله يالغالي الميكانيكا الي قال لي حط زيت ثقيل الي هو 50w20 كانت عنده فلسفة ان الزيت يظغط السبرنق الي داخل التكايه لأنه ثقيل وراح يتحرك . والحمد لله راح الصوت لكن ظهرت لي علامة المكينة والي تقول انها تفتفه بالسرندلات واحتمال يكون بواجي او كويلات او اسلاكها

[1824]

اذا السيارة ماشية كثير وبواجيها ما تغيرت غيرها وان شاء الله امورك تذبط وارجع الى زيتك 5w20 ودائما غيره مع السيفون دائما بالتوفيق لك

[exe2015]

اذا السيارة ماشية كثير وبواجيها ما تغيرت غيرها وان شاء الله امورك تذبط وارجع الى زيتك 5w20 ودائما غيره مع السيفون دائما بالتوفيق لك



اي والله ماشيه 100 الف ولاغيرتها .
كنت احط 10w30 ارجع له
ولا احط مثل ماهو مكتوب على الغطاء 5w20

[اسدهم]

والله ناوي اشتريية والحين احترت انا من حاش من التاهو واليوكن
شكلي بدورلي تيرسل بقس

[exe2015]

والله ناوي اشتريية والحين احترت انا من حاش من التاهو واليوكن
شكلي بدورلي تيرسل بقس


سبحان الله السيارات تواافيق مثل الحريم
انا اخذته عندنا بالدوام 2005 وجالدينه جلد ولا قال اح والله ما غير زيت وسيفون وفحمات
واخ لي معه مثل موديلي ولا به خلاف

[1824]

اي والله ماشيه 100 الف ولاغيرتها .
كنت احط 10w30 ارجع له
ولا احط مثل ماهو مكتوب على الغطاء 5w20

اذا تبي موترك بدون طقطقة ومشاكل عب له 5w20 او اقرب شيء له 5w30

تبي زيت مسكت بترومين A1 5w30 غيره مع السيفون دائما كل 10 الاف ولا تشيل هم شيء في مكينتك

اشتره بالكرتون من محلات جملة الزيوت بالغرابي وطقتهم الكرتون ب 260 ريال تطلع عليك العلبة ب 21 ريال البناشر يبيعونه ب 40 و 50 زرف عيني عنك والسيفون من الوكالة دائما اشتر لك كم واحد وخلهم في البيت لا جيت تغير خذ العلب والسيفون وغير وشغل يد 15 بحد اقصى

والبواجي غيرها وما تشوف شر ان شاء الله بالتوفيق لك

[exe2015]

اذا تبي موترك بدون طقطقة ومشاكل عب له 5w20 او اقرب شيء له 5w30

تبي زيت مسكت بترومين A1 5w30 غيره مع السيفون دائما كل 10 الاف ولا تشيل هم شيء في مكينتك

اشتره بالكرتون من محلات جملة الزيوت بالغرابي وطقتهم الكرتون ب 260 ريال تطلع عليك العلبة ب 21 ريال البناشر يبيعونه ب 40 و 50 زرف عيني عنك والسيفون من الوكالة دائما اشتر لك كم واحد وخلهم في البيت لا جيت تغير خذ العلب والسيفون وغير وشغل يد 15 بحد اقصى

والبواجي غيرها وما تشوف شر ان شاء الله بالتوفيق لك



بيض الله وجهك