سحاب -والشباب الزكرت الي يطقون سامري

[سحاب نجد راعي شقراء]

السلام عليكم ورحمه الله وبركاته

يالله تحيي الغالين كلن بسمه صغيركم وكبيركم وليا حيا كثر

اقول يالغالين قبل لا ابدا بالسالفه الله يسمعنا خير عن الغاليه الغايبه قوافي قولو امين

الله يطول في اعماركم سالفه اربعه من الزكرت يعني الشباب اللي ما يخالفون

بشي يسمونهم منول الزكرت المهم ذا الشباب يحبون السامري
وكلش في شقراء منول حرام حتا الرادو حرام ومن صنع الشيطان

واتفقوا بينهم ذا الشباب انهم يبي يطقون سامري في بيت نخل في طرف الديره مهجور والا

فيه واحد محرول الله يعافيه.. اصلا مات الله يرحمه وكل مسلم.. ذا المحرول اسمه عبد العزيز

ويحب السامري بعد وهو محرول الله يعافيه قلنا مات وهو يحفض القصيد ويبونه ذا الشباب

يروحون به معهم وقالوا له ووافق
هو صدق فيه سامري ومعهم طبلين بس وشالوا عبدالعزيز في زبيل وتشاقله اثنين يعني كل واحد شايله مع عروه كني اشوفهم وهو حاطينه في

زبيل المهم وصلوا البيت حق النخل المهجور ودخلوا وصكوا الباب وبدو بالسامري وهذا كله

في الليل ومعهم سراج واحد
منول الدنيا في الليل هاجده مافيه حس
يعرفون اتجاه الهوا منول في شقراء انكانه شمال يسمعون مكينه العليا وانكانه جنوب يسمعون صوت السيارات في القهاوي منول اللي عند الهلال الاحمر والبلديه اللي جنب المتوسطه كل ذيك يسمونها القهاوي وين الي ياصلها منول

منهبل تراي شطحت واجد المهم بدو يطقون سامري والصوت في الليل يسري يعني ينسمع

من بعيد علشان السكون الرهيب منول وراح واحد وعلم النواب وقال لهم انا سامع طق طبول في

النخل الفلاني وجوك النواب واسمعوهم وطقوا عليهم الباب وتطامرواالزكرت:D وبحلوا بعبد العزيز
مايدرون وين يودونه ويقومون ويحطونه في الجصه محرول مايمشي وش يسون به وقالوا له

البد يعني اسكت هذا ترجمتها هههه ولا يطلع لك حس وراح ثلاثه وطبوا على جهة النخل وانحاشو وبقي واحد فتح الباب وتعلق فيه ويوم دخلوا النواب ويطب وينحاش ولقوا طبولهم وشابين ضو يحمون الطبول بعد وبعد سامري وفي شقراء قامت القيامه :p

المهم انحاشوالشباب الزكرت وخلو السراج في مكانه قام واحد من النواب وخذ السراج ودور في البيت ما لقا احد ويروح

للجصه ويفتح باب الجصه وهي المكان الي يجمعون فيه التمر المهم فتح باب الجصه ودخل

السراج ولا ذا اللي عيونه تلاقط بسم الله الرحمن الرحيم قال النايب له عبدالعزيز وش جايبك فيذا قال معروج بي

وضحكوا النواب من كلامه لانه عيار عبد العزيز ايه الله سبحانه ياخذ شي ويعطي اشياء المهم

طلعوه النواب من الجصه وحطوه في زبيله وشالوه وودوه لبيتهم
منول الناس سمحين

وقلوبهم طاهره ويحبون بعض ويحبون الستر الله يرحم المسلمين برحمته وبس خلصت السالفه:D

الله يجمعني بكم بالفردوس وسولف عليكم بالي تبون:p


وسبحان الله والحمد لله ولااله الا الله والله اكبر عددخلقه ورضا نفسه ومداد كلماته وزنه عرشه

[ابو ما بغى]

وعليكم السلام ورحمة الله وبركاته
الله يحييك ويغليك ويسعد ايامك ولياليك
اللهم آمين - اللهم احفظ غائباً ورده بالسلامه والتوفيق
بعدين يابو نوره انا من المتابعين لك ولا أدري وشلون اثبت اني متابع لك
وجاب الله الفرصة لكن المشكله هالفرصه يمكن تثبت شي ما ودك به وهو انك شايب
علماً ان هذا اللي محليك - والله اني افكر ان رحت لشقراء ادورك لين اجيك ومن سوالفك
ابا اصلك بالوصف - شفتا وشلون ابعدت عن سبب مشاركتي اللي هو اني اسلم عليك واصبح
على هالوجه الطيب الذي تقطر حروفه طيبة وعفوية تبهج قلبي - شف شطحت ثانيه - عموماً هالقصه
ان كان ما ني بواهم سبق وان كتبتها في هالخيمه وقوافي اللي تتمنى حضورها ونتمناه جميعاً والله يحفظها
من كل مكره ان جت صكت موضوعك بالضبة ما عاد تلقى ولا كوة تدخل معها ولا طرمه تهايق منها - وسلامة
راسك وقديمك وجديدك ومكررك والمعاد يدخل السرور على القلب يعني كلك ماكول مشروب يالغالي - تقبل مروري مع دعائي لك من قلب محب ان الله يوفقك في الدنيا والاخرى وانه يهئ لك سعادة الدارين ومن احببت يالغالي ويجمعهنا بك في الفردوس الاعلى من الجنة
اخو المحب

[سحاب نجد راعي شقراء]

وعليكم السلام ورحمة الله وبركاته
الله يحييك ويغليك ويسعد ايامك ولياليك
اللهم آمين - اللهم احفظ غائباً ورده بالسلامه والتوفيق
بعدين يابو نوره انا من المتابعين لك ولا أدري وشلون اثبت اني متابع لك
وجاب الله الفرصة لكن المشكله هالفرصه يمكن تثبت شي ما ودك به وهو انك شايب
علماً ان هذا اللي محليك - والله اني افكر ان رحت لشقراء ادورك لين اجيك ومن سوالفك
ابا اصلك بالوصف - شفتا وشلون ابعدت عن سبب مشاركتي اللي هو اني اسلم عليك واصبح
على هالوجه الطيب الذي تقطر حروفه طيبة وعفوية تبهج قلبي - شف شطحت ثانيه - عموماً هالقصه
ان كان ما ني بواهم سبق وان كتبتها في هالخيمه وقوافي اللي تتمنى حضورها ونتمناه جميعاً والله يحفظها
من كل مكره ان جت صكت موضوعك بالضبة ما عاد تلقى ولا كوة تدخل معها ولا طرمه تهايق منها - وسلامة
راسك وقديمك وجديدك ومكررك والمعاد يدخل السرور على القلب يعني كلك ماكول مشروب يالغالي - تقبل مروري مع دعائي لك من قلب محب ان الله يوفقك في الدنيا والاخرى وانه يهئ لك سعادة الدارين ومن احببت يالغالي ويجمعهنا بك في الفردوس الاعلى من الجنة
اخو المحب


هههههههههههههه يالله تصبحه بالخيرهلا بالغالي

وش اسوي شفت الخيمه محد مسسها يعني ربطها قلت احط ذا السالفه القديمه توسع صدوركم جعلها ماتضيق

تقول قوافي ان جت صكت موضوعك بالضبة ما عاد تلقى ولا كوة تدخل معها ولا طرمه تهايق منها هههههههههههههههه ادخل من عند صاير الباب ولا من فوق محامل الباب :p

انت خلها تجي ونتطمن عليها ون بغت تصك علي في الجصه :D

على طاري تصك علي اذكر مره ونا صغيرنادتني ام الجيران ونا جالس في السكه وقالتلي تعال ياسحاب ابيك تدخل الارانب في بيتهن انهن ضاهرات برا وجيك هو صدق فيه مطارد ونا الي الحقهن في الحوش ومادريت الا يوم غيمت السماء من عجتي انا وياهن المهم دخلتهن في بيتهن وهو عباره عن غرفه صغيره ارتفاعها يمكن مترمبنيه من الطين المهم ودخل عند الارانب ابا اشوف عيالهن صغيرات ولقيت ارنب ميت اخذته ونطلته برا بيتهن وكملت الجلسه اتفرج ومادريت الا بولدهم الدووووبي جاي وشاف الارنب الميت وهو يقوم ويصك علي الباب بمزلاج وهو يقول منيره منيره يعاني اخته الي اكبرمنه وهي بعد دوووبيه وهم كلهم فيهم صح يعني ماعندك احد
المهم وتجي اخته ترادي كنها مهبوله وتشوف الارنب ميت يوم انهبلت زود من موته من موته قال الذيخ اخوها سحاب هو الي موته وشوفيه داخل عندهن ونا صكيت عليه الباب
الا يوم بحلت بنفسي ومهم مدري وين راحت وخلتني عند ذا المهبل
ويفتحون علي الباب ويقولون اطلع ناويني بنيه شينه يبي يمردغوني
ونا الي اعيي منيب طالع على فكره هم مايقدرون يدخلون علي لان الباب باب جصه حقه التمر يعني صغير وهم كل واحد كبر الفيل
وعيي اطلع ويدخلون علي عسبان النخل ينخجوني بها كني قطو:D حسبي الله عليهم

ومع المصايح جت امهم وطلعتني وهي تقول لهم والله لو يطق سحاب احد منكم اني ما ازيين الغدا وخليكم تجوعون تصدق خلوني علشان الغدا اقولك ماعندك احد :p

[ابوسعوداليحيى]

هههههههههههههه يالله تصبحه بالخيرهلا بالغالي



وش اسوي شفت الخيمه محد مسسها يعني ربطها قلت احط ذا السالفه القديمه توسع صدوركم جعلها ماتضيق


تقول قوافي ان جت صكت موضوعك بالضبة ما عاد تلقى ولا كوة تدخل معها ولا طرمه تهايق منها هههههههههههههههه ادخل من عند صاير الباب ولا من فوق محامل الباب :p


انت خلها تجي ونتطمن عليها ون بغت تصك علي في الجصه :D


على طاري تصك علي اذكر مره ونا صغيرنادتني ام الجيران ونا جالس في السكه وقالتلي تعال ياسحاب ابيك تدخل الارانب في بيتهن انهن ضاهرات برا وجيك هو صدق فيه مطارد ونا الي الحقهن في الحوش ومادريت الا يوم غيمت السماء من عجتي انا وياهن المهم دخلتهن في بيتهن وهو عباره عن غرفه صغيره ارتفاعها يمكن مترمبنيه من الطين المهم ودخل عند الارانب ابا اشوف عيالهن صغيرات ولقيت ارنب ميت اخذته ونطلته برا بيتهن وكملت الجلسه اتفرج ومادريت الا بولدهم الدووووبي جاي وشاف الارنب الميت وهو يقوم ويصك علي الباب بمزلاج وهو يقول منيره منيره يعاني اخته الي اكبرمنه وهي بعد دوووبيه وهم كلهم فيهم صح يعني ماعندك احد
المهم وتجي اخته ترادي كنها مهبوله وتشوف الارنب ميت يوم انهبلت زود من موته من موته قال الذيخ اخوها سحاب هو الي موته وشوفيه داخل عندهن ونا صكيت عليه الباب
الا يوم بحلت بنفسي ومهم مدري وين راحت وخلتني عند ذا المهبل
ويفتحون علي الباب ويقولون اطلع ناويني بنيه شينه يبي يمردغوني
ونا الي اعيي منيب طالع على فكره هم مايقدرون يدخلون علي لان الباب باب جصه حقه التمر يعني صغير وهم كل واحد كبر الفيل
وعيي اطلع ويدخلون علي عسبان النخل ينخجوني بها كني قطو:D حسبي الله عليهم



ومع المصايح جت امهم وطلعتني وهي تقول لهم والله لو يطق سحاب احد منكم اني ما ازيين الغدا وخليكم تجوعون تصدق خلوني علشان الغدا اقولك ماعندك احد :p



هههههههههههههههههههههههههههههههههههه :D:D:D

عاد هالمره لازم نرد اخر ساعه دوام واللي اني ادخل من ضيقة الصدر ولا شفت مواضيعك يعلم الله الوقت يمضي بيسر وسهالات

خصوصا ان كنت مخلص شغلك :D


الله يسعدك ويرحم ايام الاولين

[Daym]

ههههههههههههههههههههههههههههههههههه
مشكور و جزاك الله خير

[شرقا]

هههههههه وفقك الله ياسحاب

[محمد الظاهري]

ي زين سواليفك ي راعي شقرا

ماشالله عليك

[سحاب نجد راعي شقراء]

شرفتوني كلكم شرف الله قدركم ومقدار كم

وسعدكم في دنياكم وفي اخرتكم امين

[Al3rands]

هههههههههههههه كني اشوف الدبب حاجرينك وينغزونك بجريد النخل

[سحاب نجد راعي شقراء]

هههههههههههههه كني اشوف الدبب حاجرينك وينغزونك بجريد النخل


ههههههههههههههه ليتهم دبب وبس لا فيهم صح يعني ماعندك احد

شرفتني شرف الله مقامك ورحم والديك

[الوسم]

أهههههههههه

أههههه

علشان الغدا مخلليني

اهههههههه

الله يرجك ابلييييسك

اهههه ما عندك أههههههههههههههه

[سحاب نجد راعي شقراء]

أهههههههههه

أههههه

علشان الغدا مخلليني

اهههههههه

الله يرجك ابلييييسك

اهههه ما عندك أههههههههههههههه


ههههههههههههههه انا صادق لو ماجت امهم وحذرتهم كان انا من صيد امس بس رحمه ربك واسعه وخلا امهم تجي :p