المشوره ياجماعة الخير

[العرينات]

السلام عليكم
الحمدلله والشكر تيسرت اموري وشريت بالترول شاص فتك 2015 وماشي الحين 8 كيلو فقط وشافني واحد من الشباب قال ليش حرارته فوق خط الربع يمكن موية القربه ناقصه وشريت مويه وعبيت القربه وحرارته ماتغيرت مثل ماهي فوق خط الربع بجميع الاحوال واقف ماشي كله واحد سألت قالولي اذا فكيت دبه البيئه تنزل للربع الجدد كلهن كذا بحاول احط صوره توضح ولكم مني فائق التحيه والاحترام

[salih100]

نصيحه لا تلعب في الموتر

الي نصحك متعود على القرابيع

الفتك هذي حرارته بعد خط الربع بشي بسيط عندي ربع له سنتين كذا

[الدبا]

اقرب فرصة لك ووقت صيانة السيارة اذهب للوكالة وشيك عندهم
وإن شاء الله اصحاب السيارة الفتك يفيدونك :)

[الصيادالمليح]

الحرارة طبيعية جدا وما فيه اي مشكلة بالسيارة

الا اذا حبيت تلعب فيها و تخسر فلوسك على شيء فاضي فانت حر بمالك

[راعي المقانيص]

الاخ الفاضل العرينات
لاتسمع لا لفلان ولا علان موترك ماشاء الله تبارك الله جديد الله يعطيك خيره ويكفيك شره ولا تلعب فيه هذي هي حرارة النيسان فوق الربع بشي بسيط

[العرينات]

ماقصرتو وجزاكم الله خير

[الشاص 2]

الحرارة عادية جدا نصيحه لاتسوي شي الوضع طبيعي

[ابوسند9]

وعليكم السلام
الله يطعمك خيره ويكفيك شره
لو وضعت صورة افضل
لكن انتبة القربة اللي امام السائق ما تتعبئ ابداااا هذي للزائد
اما اللي عند الايتر فيوضع فيها ثلاث ارباع

[العرينات]

يعطيك العافيه ابوسند
ايهم الي الي تعبأ تقصد الي عند الشمعه يسار

[بلدي عمان]

مثل ما قالوا الاخوان لا تلعب في الموتر

الحراره اذا وصلت النصف او تجاوزته.......... هذاك الوقت تقدر تقول انه في شي غير طبيعي