سؤال عن الجعر

[بدوي502]

السلام عليكم اخواني


وش اعلومكم عساكم طيبين


ياشباب بيتنا وراه فيه شبك فاضي وشفت ان ازداد بواقي الاكل عندنا والقطاوه ماتاكل شي


ففكرة اني اجيب لي كلب عزكم الله


اما جعر او لوقي او جرو

يحرس البيت وياكل بواقي الاكل واوديه معاي للبر نستفيد منه


وين يباع وهل شرأه حلال ؟ ووين القاه

وجزاكم الله خير

[sniuor]

مرحبا يالبدوي ان اخذتلك جروي جعري قصدك لحراسه فهو حارس جيد اوبحراسه الزرع والماشيه وذاكنت تعطيه اكل فاحتسب الاجر عند الله

[بدوي502]

مرحبا يالبدوي ان اخذتلك جروي جعري قصدك لحراسه فهو حارس جيد اوبحراسه الزرع والماشيه وذاكنت تعطيه اكل فاحتسب الاجر عند الله
ايه نعم اخوي ابيه للحراسه وابي الاجر بحيث باقي الاكل يكون له

[ابوفهداثنين]

بدوي 502 اللي ذكرته تجده في سوق الحمام بالرياض جميع لانواع للصيد للحراسه ولبيوت الزينه وكل لانواع وهالسوريين يبعون كل شي

[بدوي502]

الله لايهينك ماقصرت

[صياد الصحراء]

الجعر ماليات المكان شف العزب والشركات والمحاط فيها بالملايين اخذ جرو صغير

[رفيق الأمل]

وعليكم السلام


اخي الكريم عليك اولاً ان تعرف هل المكان الذي بتحط فيه الكلب اعزنا الله مؤهل من حيث الازعاج 000 لان بعض الكلاب تنابح بمختلف الاوقات حتى لا يكون ازعاج منه لباقي الاقارب والجيران 000 فهذه النقطة المهمة فهو سيكون بأمانتك وتستطيع الحصول على جراوة بسؤالك من الاصدقاء فكثير ما يتواجدون في شركات المصانع ومحاط البنزين والاماكن المهجورة عن الحي السكاني فالكلب الجعري من اقوي الكلاب ان تم تدريبه على يدك من صغره لكبره 0

[بدوي502]

الجعر ماليات المكان شف العزب والشركات والمحاط فيها بالملايين اخذ جرو صغير
لاهنت يالامير ششرفتني بردك

[بدوي502]

وعليكم السلام


اخي الكريم عليك اولاً ان تعرف هل المكان الذي بتحط فيه الكلب اعزنا الله مؤهل من حيث الازعاج 000 لان بعض الكلاب تنابح بمختلف الاوقات حتى لا يكون ازعاج منه لباقي الاقارب والجيران 000 فهذه النقطة المهمة فهو سيكون بأمانتك وتستطيع الحصول على جراوة بسؤالك من الاصدقاء فكثير ما يتواجدون في شركات المصانع ومحاط البنزين والاماكن المهجورة عن الحي السكاني فالكلب الجعري من اقوي الكلاب ان تم تدريبه على يدك من صغره لكبره 0

المكان خلف البيت ولا اضن صوته بيزعج احد لانه بعيد

اعرف مكان لشركة نقل رمل وتراب عزك الله لاكن لقيت واحد عجبني كل ماقربت منه هرب بعيد وش الحل كيف اتصيده ؟

[مبارك اا]

ثمنه حرام شراءه وبيعه شف لك واحد وربه انت بس يكون صغير علشان تقدر تعلمه

[رفيق الأمل]

المكان خلف البيت ولا اضن صوته بيزعج احد لانه بعيد

اعرف مكان لشركة نقل رمل وتراب عزك الله لاكن لقيت واحد عجبني كل ماقربت منه هرب بعيد وش الحل كيف اتصيده ؟




تركه وشف غيره واذا ملزم عليه بالشدة حاول مع ربعك مسكه ومن ثم تعطيه الاكل من يدك كلها اسبوع وراح يتعود عليك

[بدوي502]

تركه وشف غيره واذا ملزم عليه بالشدة حاول مع ربعك مسكه ومن ثم تعطيه الاكل من يدك كلها اسبوع وراح يتعود عليك



طيب وامه ماراح يفقدها

[بدوي.]

يامرحبا ماقصرو الاخوان
لاكن رائيي دام الاكل متوفر والمكان متوفر
خذلك سلوقي منها تطلع به ومنها يحرسك وتكسب اجره .
لو عندي شي زايد تبشر والاخوان فيهم الخير "~

[تزبطي]

ياخي اذا هي على اﻻكل وده اقرب برحه بعيد شوي وحطه

مالك ومال ريحة السلق والجعر الله يكرمكم

واﻻزعاج والله ياعليهن ريحه وصخه بعد مدري كيف مربين السلق يتقبلونها

اذا سيرت على خويي تلطمت بشماغين ههههه

واذا لزمت للصيد اشتر لك صقر ينومسك ويرفع راسك يوم تنقله

و بالتوفيق

[رفيق الأمل]

ياخي اذا هي على اﻻكل وده اقرب برحه بعيد شوي وحطه

مالك ومال ريحة السلق والجعر الله يكرمكم

واﻻزعاج والله ياعليهن ريحه وصخه بعد مدري كيف مربين السلق يتقبلونها

اذا سيرت على خويي تلطمت بشماغين ههههه

واذا لزمت للصيد اشتر لك صقر ينومسك ويرفع راسك يوم تنقله

و بالتوفيق



اخي الكريم مربين السلق من الهوايات القديمة التي مرو بها اجدادنا رحمهم الله فقتناء سلق او طير من هواية المربي ومن قناعته وليس الزاما عليه فمن اراد اقتناء شي عليه تحمل المسئولية بالامانه للمحافظة عليه فأنا من مربين السلق منذ 28 سنة ولا زلت على هذه الهواية واهتمامي بهم بعناية خاصة من مأكل ومشرب ونظافة وعلاجات فلا اجد لدي مشكلة وكل شي على وجه الارض من حيوانات وطيور عند مربي تتبرز وتتبول اكرمنا الله فالطير تربيته جميله لكن يحتاج عناية واهتمام اكثر من السلق فحبيت اوضح لك اخي الكريم (( لكل شخص هواية ))

[بدوي502]

اخي الكريم مربين السلق من الهوايات القديمة التي مرو بها اجدادنا رحمهم الله فقتناء سلق او طير من هواية المربي ومن قناعته وليس الزاما عليه فمن اراد اقتناء شي عليه تحمل المسئولية بالامانه للمحافظة عليه فأنا من مربين السلق منذ 28 سنة ولا زلت على هذه الهواية واهتمامي بهم بعناية خاصة من مأكل ومشرب ونظافة وعلاجات فلا اجد لدي مشكلة وكل شي على وجه الارض من حيوانات وطيور عند مربي تتبرز وتتبول اكرمنا الله فالطير تربيته جميله لكن يحتاج عناية واهتمام اكثر من السلق فحبيت اوضح لك اخي الكريم (( لكل شخص هواية )) [/center]

الله لايهينك واتمنى ترد على سؤالي

هل ام الجعري راح يصير فيها شي مثل الابل ؟

[sniuor]

نعم ااخوي مثل الخلوج واكثر

[بدوي502]

جزاك الله خير