المساعد الشخصي الرقمي

مشاهدة النسخة كاملة : دعوه للاخ اصيل حجازي وباقي الشباب .. كيف نحول الطاره من عايدي الى هواء للهايلكس 2000


BN-ABDULLAH
07/01/2015, 11:31 PM
السلام عليكم ورحمة الله وبركاته

انا ماطرحت هذا الموضوع الا بعد البحث والتدقيق في عمنا قوقل ومواضيع المنتدى المختلفه لكي اجد موضوع مفصل تفصيل عن تركيب علبة دركسون باور بدلا من العايدي ...
ورغبتي اني اشتغلها بنفسي بحكم اني فاضي هاليومين ونفسي اهندس :D
معي هايلكس غماره 99 عايدي مكيف فقط واريد تركيب طاره هواء واكشخ عليه واسوقه بيد وحده خخخخ
طبعا بعد الاستشارات والقرائات كلهم اتفقو على

يبيلك أربع أشياء :
1: شراء علبة دركسون .
2: شراء بكرة .
3: شراء ليين واحد الداخل والآخر الخارج من العلبه للدوده .
4: شراء سير حجمه أطول .

ابي شرح مفصل عن كمية الطلبات هذي وتركيبها والخ صور +فديو والي عنده معلومه تفيدنا
ابوعبدالله172
08/01/2015, 07:03 AM
بالاضافه الى ماذكرت تحتاج الى دوده وتغيير العمود اللي نازل للدوده من الطاره
BN-ABDULLAH
09/01/2015, 08:36 AM
جزاك الله خير ابو عبدالله

اتمنى الشباب يتفاعلون بالموضوع ويعطونا تجاربهم وخبرتهم
غريب المملكة
10/01/2015, 02:55 AM
متابع معك لاكن كم التكلفة المتوقعه
BN-ABDULLAH
11/01/2015, 02:44 AM
الناس في سبات شتوي
ابومحمد 88
11/01/2015, 09:31 PM
اخوي رحت التشليح وخذ دوده هايلكس 2002 الى 2005 كامله وركبها وريح راسك
الوقيدي
12/01/2015, 12:12 PM
قطع الغيار تحتاج دود تحتيه كامله بصواميلها وطرمبه زيت دركسون بقاعدتها ومساميرها وعلبه الزيت بقاعدتها وليها الكبير وصواميلها و بكره تركب على البكره الام وسير مروحه كبير . وعدد1 لى مكبوس يوصل بين الطرمبه والدوده وماسوره نحاسيه تركب تحت الشبك تساعد على تبريد زيت الدركسون ولي عايدي راجع يوصل بين الدوده وماسوره النحاس والطرمبه .الاهم تكون معك العده الكامله والزارقينه حتى تفك الالدراع من الدوده القديمه وزيت دركسون اصلي . وتعلم الذراع وتركبه على الدوده الجديده بعدما تحرك الدركسون وتجعل لفه الدوده وسط . اتمنى أن تكون فهمت الطريقه
BN-ABDULLAH
24/01/2015, 01:10 AM
الله يعطيك العافيه يالوقيدي ... بحثت في التشاليح عن القطع لقيتها نادره وغاليه جدا ومازال البحث جاري
أبو حسان وليد
24/01/2015, 08:44 AM
السلام عليكم ورحمة الله وبركاته
إذا تكرمتم اريد اسال عن مشكلتي مع اكسبلورر 2004
ماهي درجة حرارة المحرك الطبيعية بالمئوي
وكيف اتأكد من سلامة عداد الحرارة
وعندي دبة التلوث الاخيرة ما قبل الماسورة اللي نشوفها خلف الفورد وتطلع العادم. هذي الدبة وهي الاكبر حجما لاحظت وجود ثقب من الامام تجاه السائق ثقب صفير بحجم مقدمة الابهام .فهل له اثر على العزمية وهل تنظف هذه الدبة وكيف؟ مع العلم الفورد يطفي فجأه وخاصة على سرعات هادية وتطلع رائحة مثل الكاز لما تطفي واول ما اشغل الفورد ايضا
وتحياتي للجميع وجزاكم الله خير على تعاونكم مسبقا