الله يرحم والديه اللي يدخل ويرد

[أولمبي]

السلام عليكم ورحمة الله وبركاته
أخواني الأعزاء ابي استفسر عن دربيل سورافسكي الربل الجيشي صناعة نمساويه مقاس 8*30 وش رايكم فيه انا ماني راعي طيور راعي قنص واحب استمتع فيه يعني اذا اعجبني منظر بعيد ادربل عليه
ف وش رايكم فيه من كل النواحي

[talali]

ليتني اعرف كان افدتك

[محمد ابن عيد]

امين و والديك
ودي افيدك لكن مامر علي
باذن الله يفيدونك الاعضاء مايقصرون
و انت بغيت رايي خذلك سايمن افضل و اجود الدرابيل

[أولمبي]

بيض الله وجيهكم ياللي رديتوا وعسى الله مايحرمكم انتم و والديكم الجنه
انتظر راعين الدرابيل وأهل الخبرة يفيدوني

[قناص الوعول]

افضل واحدث اصدار سورافسكي لونه بيج ١٠*٣٢ والصوره فيه نقيه جدا بالمقارنه مع الدرابيل الثانيه وسعره فوق ٧٠٠٠ ريال موجد في شارع التخصصي التخصصي جرب الدربيل

[هداج تيما]

بالنسبة لدربيل سوار الربل الصغير (8x30) فهو مناسب لمن يحبون سوارفسكي
بارد على العين وحجمه صغير والصوره طيبة
لكن سعره (٣٤٠٠) حسب ما أذكر، غالي لمن لا يستخد الدربيل كثير
ويمكن الحصول على دربيل مناسب بحدود الفين ريال

[أولمبي]

قناص الوعول ، هداج تيما
الله يبيض وجيهكم في الدنيا والاخرة وعسى الله يرحم والديكم
اشكركم على الإفادة الطيبة

اللي عنده معلومات اكثر عن الدربيل يعطينا العلم هل هو صافي ، ثابت ، مناسب في الحجم هل هناك اي عيوب في الدربيل

[fall]

alsalam alykom ana fi amrika wala andy ky bord arabi azeezy alswarvisky ahsun derbeel mawjood . low magasah monasib luk ishrah moho kasarah abbd bus hafth alleeh lainah warth agb omr taweel

[قرناس الضويلع]

سايز سايز سايز وبس ٥٠ / 7 ربل صافي وراكد وطول عمر عليك بالطيب ولو غلي الثمن

[ابن كديميس]

السوار فسكي غني الكلام بس هذا المقاس على سعره غالي

[coolfishing]

alsalam alykom ana fi amrika wala andy ky bord arabi azeezy alswarvisky ahsun derbeel mawjood . low magasah monasib luk ishrah moho kasarah abbd bus hafth alleeh lainah warth agb omr taweel


ترجمة مشاركة الأخ fall .. أو تحويل الإنجليزي المعرب الى اللغة العربية
حتى لا يضيع مجهود الرجل وتبلغه الدعوة إن شاء الله :

السلام عليكم .. أنا في أمريكا ولا عندي كيبورد عربي .. عزيزي .. السوارفيسكي أحسن دربيل موجود لو مقاسه مناسب لك ..
اشره ( إشتريه ) ماهو خسارة أبد .. بس حافظ عليه لأنه ورث عقب عمر طويل


أسال الله التوفيق للجميع

أخوكم
أبو وجيه

[راح الأمل]

هلا فيك طال عمرك ويرحم والدينا ووالديك ان شالله اذا كنت تقصد سوارفسكي الربل اللي يجي شكله مثل شكل قياس 10*40 ربل زيتي تراه 200% انصحك فيه طبعا من ناحية الجوده والنقاوه وخفة الوزن وسعره فيه وتراه ناادر هالمقاس 30*8

[راح الأمل]

اذا الدربيل اللي تقصده اخو هذا اللي بالرابط تحت تراه 200% ويطربك بالشوف

http://cdn.top4top.net/i_d0401dd29e0.jpg

[أولمبي]

عسى الله يجزاكم الجنة والديكم اجمعين ويحرَّم وجيهكم و وجيه والديكم على النار
راح الامل بيض الله وجهك عز الله هذا هو اللي انا اسأل عنه الربل الزيتي
الله يبيض وجيهكم اجمعين في الدنيا والاخرة

[السفيير]

الاخ الفاضل الدربيل ممتاز ولكن سعرة غالي اذا لم تكن راعي مقانيص
الامر الثاني جلوري الانجليزي بسعر 1200 ريال تقريبا ويفيدك بما تريدة وهو ممتاز ايضا
انا افضل السايز hdالالماني وليس الصيني مقس 10*42 بسعر 3900 ممتاز جدا وياليت تقرا عنه في النت قبل لا تشتري اي منهم
وجهة نظر لرأي شخصي فقط

[ابولفه]

السلام عليكم ورحمة الله وبركاته

حياك الله اخوي.
..

اختيار موفق وفي نضري من افضل الدرابيل .

خفيف وزن .
جوده .وماركه.
قليل الاهتزازز.
قطر اوسع .
.
اشتر ..ولا تشاور .
اخوك /

[هواوي صيد]

ماجربته ولكن درابيل سوارفسكي مافيها كلام ممتازة ورائعة
ولكن القيمه غاليه وفيه بدائل لها
فإذا كانت قيمته مناسبة لك فتوكل على الله واشره

[نواف الحارثي]

هو صحيح انه من الانواع الممتازة بس غالي سعرة في حدود 3800 ريال عند الهدف

[بوابراهيم ع]

والديك بالجنه يا غالي

أتمنى أن الربع أفادوك