انتظر متى يجي ذيب الفقاره ( جديد )...الحل...علامة...حله...أسير النور...كفو

[ابو اسامه 2]

بسم الله الرحمن الرحيم
السلام عليكم ورحمة الله وبركاته


لغز موجّه الى مشرفنا الغالي

ذيب الفقاره ابو عدنان

والرمع للجميع





انتظر وانا اشيل الهم شيل
انتظر متى يجي ذيب الفقاره
ذيبٍ و كنه فارسٍ من فوق خيل
نوره يعانق مهجته زاد بوقاره
وياهلا باللي حضر اعداد سيل
ترحيبة ً لكل واحد وسط داره
وانا لغزي قدمكم ما فيه حيل
لا وقف قدامكم صابه خساره
هذا ولاني شايلٍ راسه وذيل
في شده وفتحه عطيتك إشاره
في شدته ناخذ منه علم ودليل
وان جات مفتوحه دليل وأمارة

[أبوعبدالرحمن99]

مرحبا في راعي الباع الطويل
شامخٍ مثل الجبل و لّا المناره
وافيٍ يا ابو اسامة ما تميل
تحفظ لكل البشر قدره و كاره
يفتخر منهو لمعدنكم عميل
و يفرح اللي صرت بالايام جاره
و كان لي في لغزكم درب وسبيل
رمعتيٍ فيها معاني للأمارة
العلامة للمدور و الدليل
و الفقيه العالم الزايد وقاره
كان صابت عندنا نعم الحصيل
و كان ما صابت تجيه الفين غارة

[ice.cube]

وعليكم السلام ورحمة الله وبركاته

وصح السانك وبنانك
يابواسامه
عدة والعود احمد وتواصلاً مزهر بإذن الله
ويستاهل ذيب الفقاره

وش رأيك
بختم
ختم القران
ختم الأمارة

تحيتي وتقديري
أبو سليمان

[ابو اسامه 2]

مرحبا في راعي الباع الطويل
شامخٍ مثل الجبل و لّا المناره
وافيٍ يا ابو اسامة ما تميل
تحفظ لكل البشر قدره و كاره
يفتخر منهو لمعدنكم عميل
و يفرح اللي صرت بالايام جاره
و كان لي في لغزكم درب وسبيل
رمعتيٍ فيها معاني للأمارة
العلامة للمدور و الدليل
و الفقيه العالم وزايد وقاره
كان صابت عندنا نعم الحصيل
و كان ما صابت تجيه الفين غارة









ياهلا بك يا اسير ويا اصيل
اسم رائع طرّزه باحلى عباره
كنه الماس وله نور وجميل
او هو لولو توه تارك له محاره
انت كفو والله وامثالك قليل
مشرفٍ نال الرئاسه بالجداره
رمعتك صابت وصاب اللغز ويل
انكسر ولا يفيده الجباره
بعد ما مالت جنودك حيل ميل
انتثر وماعاد اشوف الا غباره

[ابو اسامه 2]

وعليكم السلام ورحمة الله وبركاته

وصح السانك وبنانك
يابواسامه
عدة والعود احمد وتواصلاً مزهر بإذن الله
ويستاهل ذيب الفقاره

وش رأيك
بختم
ختم القران
ختم الأمارة

تحيتي وتقديري
أبو سليمان

هلا وغلا بك يا ابو سليمان
صح بدنك يا الغالي
والله يسلمك ويبارك فيك
رمعه رائعه بروعتك
والحل عند مشرفنا القدير اسير النور
ذكر الحل في ابياته

علاَمه ( دليل واماره )
علّامه ( عالم دين فقيه )
تحياتي وتقديري لشخصك الرائع

[ice.cube]

هلا وغلا بك يا ابو سليمان
صح بدنك يا الغالي
والله يسلمك ويبارك فيك
رمعه رائعه بروعتك
والحل عند مشرفنا القدير اسير النور
ذكر الحل في ابياته

علاَمه ( دليل واماره )
علّامه ( عالم دين فقيه )
تحياتي وتقديري لشخصك الرائع




الروعه في حضورك وسعادتنا بالتواصل معكم
وكفو ثم كفو لاخونا
اسير النور
تحيتي وتقديري للجميع

[ابو اسامه 2]

الروعه في حضورك وسعادتنا بالتواصل معكم
وكفو ثم كفو لاخونا
اسير النور
تحيتي وتقديري للجميع


الله يسلمك ويطول في عمرك ويبارك فيك

[ابوماريا]

عليكم السلام ورحمة الله وبركاته
صح السانك ملايين يابو اسامة
دايم وافي
عليك بياض الوجه
غالي ومسند على غالي
ذيب الفقارة طال غيابة والأمل برجعته كبير وعزالله انا مشتاقين له حيل
الله يجيبه بالسلامة

ومليوووون كفووووووووو
يامشرفنا المبدع أسير النور

[ابو اسامه 2]

عليكم السلام ورحمة الله وبركاته
صح السانك ملايين يابو اسامة
دايم وافي
عليك بياض الوجه
غالي ومسند على غالي
ذيب الفقارة طال غيابة والأمل برجعته كبير وعزالله انا مشتاقين له حيل
الله يجيبه بالسلامة

ومليوووون كفووووووووو
يامشرفنا المبدع أسير النور


صح بدنك
وجهك ابيض يا ابو فايز
والله يبارك فيك يا الغالي
وان شاء الله نشوفه هو وكل غالي عما قريب باذن الله
تحياتي وتقديري لك

[أبوعبدالرحمن99]

صح لسانك يا ابو اسامة و كفوكم الطيب جميعا ،،، و يستاهل مشرفنا العزيز ابو عدنان من يسأل عنه ،، و الله يجيبه بالسلامة ،،، و كل من يغيب عن الخيمة ،، و ان ييسر أمور المسلمين و يعين الجميع ..