المساعد الشخصي الرقمي

مشاهدة النسخة كاملة : ارجوو المساعده باترول كلبليتر 1999


محمد المفرج
08/01/2015, 08:17 PM
السلام عليكم
شباب تكفووووون طفشني الجيب فيه كتمه اشتغاله مضبوط ادعسله وهو واقف مضبوط لين مايوصل الخط الاحمر بس لما امشي حلووو اكون داعس دعسه خفيفه حلوو بس بعد ما اكبس الدعسه كامله تقول يكتم مايتعدا الضفط 3 لما اترك الدعسه شوي بس يرجع يفز اكبس يكتم مع العلم اني غيرت بواجي واسلاك بواجي وطرمبة بنزين وصفاي بنزين وشاكوش الديلكو وغط الديلكو وفلتر هوى كلها وكاله ووزن بلوف مع العلم برضو اني شاري السياره كلبليترها جديد ماله شهر مركبه راعيه بس مهوب اصلي وكاله يباني تقليد وديته وسواله المهندس تنظيف بس مهوب راضي يزين .
وش الحل تكفوون ابغى ارتاااح شريته وصرت اداوم في الصناعيه :mad:
الحميضاني
08/01/2015, 09:12 PM
السلام عليكم
هذي ما تسويها الا البيبينه والله اعلم شيك عليها وسعرها ما يتعدى ال40
هاوي بلادي
09/01/2015, 04:09 AM
شيك على اهواز الهواء وهواء كبريتر

!
جي يونت
09/01/2015, 06:54 PM
اولاً لازم تحدد المشكله بوضوح اكثر وين بالضبط لأنه حسب كلامك تقول تدعس دعسه خفيفه يكون حلو ولاجيت دعست عالأخير يكتم معناته البنزين لايصل للمكينه حسب حاجتها المطلوبه شيك عالكربريتر ونصيحه كربريتر وكاله انساه شيله من راسك كله هنا مجدد يلعبون على خلق الله بس لاتنسى قبلها تشيك على ضغط الهواء للكربريتر والهوزات وشيك على ضغط طرمبة البنزين وتأكد من ربلات القزوز اذا فيه تهريب هواء استبدل الجلب فوراً

ونصيحه خذلك كربريتر رياضي ايدلبروك يكون عادي بدون كهرب وركبلك منظم ضغط للبنزين وانسى شي اسمه صرفية بنزين والكربريتر هذا ممتاز جداً يدوم معاك وهذا حسب تجربتي له.
ا ل ح
09/01/2015, 11:50 PM
دام الكربليتر تجاري ف 90‰ البلا منه حاول تحصل كربليتر مستخدم وركبه جرب

يازين الباترول اذا كربليتره سالك:D
محمد المفرج
10/01/2015, 01:51 PM
يعطيكم العافيه يا شباب
في كلبليتر في الورشه وماله ومجدد ابركبه واجربه واشوف واعطيكم خبر
هاوي بلادي
10/01/2015, 02:58 PM
فالك التوفيق