الحــ سعود ــربي
08/01/2015, 09:02 PM
السلام عليكم وحمة الله وبركاته
الاخوه الاكرام . اولأ اقدم لكم جزيل الشكر على الطرح المفيد والقيم واللذي استفدت منه انا شخصيا
القصه ومافيها قرأت عدة مواضيع عن خراب طرمبة زيت اليوكن البعض قال العداد ينخفض
والبعض قال يسمع طقطقه والبعض غير الطرمبه ومافيه فائده . الخلاصه راح اشرح لكم قصتي مع هذه المشكله
اشتريت يوكن 2003 دبل امريكي قبل خمس سنوات كل هذه المده الموتر ماشاء الله
ماخليت مكان وماخليت فيضه من فياض الصمان الا كشت فيها ولله الحمد
كنت اغير الزيت والفلتر عند مركز العيسى مخرج 15 بالرياض طبعا زيت الوكاله 5w30
العام الماضي غيرت الزيت كالعاده واليوم الثاني حصلت زيت تحت السياره تهريب رحت للعيسى قلت طلع عندي تهريب بعد تغيير الزيت امس قالو هذي صوفة الحلق وحنا ماسوينا شي .
قلت طيب ومشيت اليوم الثالث شغلت السياره الصباح بعد دقيتين تقريبا نزل العداد للصفر
قامت القيامه عندي بالسياره جرس ورساله وطقطقه دعست بانزين وراحت المشكله
قلت يمكن زيتهم او مزودىين الزيت رحت للبنشر وغيرت الزيت كاسترول 10W30
كانها خفت المشكله اشوي لكن لاحظت اذا شغلت الصباح العداد يلعب لاصارت السياره بارده واذا احتمت راحت المشكله .
استمر الوضع الى الاسبوع اللي فات صارت اذا شغلت الصباح يرتقع العداد دقيتين ثم يطيح للصفر ويطلع صوت طقطقه قويه واذا دعست بانزين يرتفع العداد ويروح الصوت
قلت اكيد فيه مصيبه قلت خلني اشوف العالم وش كاتبين بالنت ولقيت اللي يقول طرمبه واللي يقول صوفه واللي يقول تنظيف المهم شد انتباهي رد لاحد الاعضاء
http://www.mekshat.com/vb/showpost.php?p=7973301&postcount=24
رحت ومريت كذا ورشه بالنسيم قالو شغل اليد 700 ريال الطرمبه عند التقوى 290 ريال
فكرت قلت ابي اغير الربله اللي ذكرها الاخ بالرابط السابق
رحت للتقوى اخذت فلتر الزيت ووجه الكرتيل والربله سعر الربله 25 ريال
الفلتر والوجه والله مدري كم لكن الاجمالي 145ريال ومريت محل ثاني واخذت زيت كاسترول ب90 ريال ست علب المجموع 235 ربال
انا اعمل مدير فرع لاحد الشركات والفرع يوجد به صيانه ومسموح لي اغير مجاني شغل يد لكن المركز مختصص يويوتا فقط
ولايشتغلون امريكي ابد ولذلك معلوماتهم بالامريكي بسيطه
المهم قلت للعمال فكو الكرتيل وغيرو لي الربله هذي وتم تغيير الربله
والحمد لله والشكر اول ماشغلت طلع العداد فوق النص وكل شي تمام
ولذلك انصح الاخوه الكرام اللي تحصل معه نفس المشكله لايغير الطرمبه ولاشي ولاتنظيف ولاغيره
يغير الربله فقط اللي في ماصورة الزيت
تم الطرح للفائده والسلام عليكم
الاخوه الاكرام . اولأ اقدم لكم جزيل الشكر على الطرح المفيد والقيم واللذي استفدت منه انا شخصيا
القصه ومافيها قرأت عدة مواضيع عن خراب طرمبة زيت اليوكن البعض قال العداد ينخفض
والبعض قال يسمع طقطقه والبعض غير الطرمبه ومافيه فائده . الخلاصه راح اشرح لكم قصتي مع هذه المشكله
اشتريت يوكن 2003 دبل امريكي قبل خمس سنوات كل هذه المده الموتر ماشاء الله
ماخليت مكان وماخليت فيضه من فياض الصمان الا كشت فيها ولله الحمد
كنت اغير الزيت والفلتر عند مركز العيسى مخرج 15 بالرياض طبعا زيت الوكاله 5w30
العام الماضي غيرت الزيت كالعاده واليوم الثاني حصلت زيت تحت السياره تهريب رحت للعيسى قلت طلع عندي تهريب بعد تغيير الزيت امس قالو هذي صوفة الحلق وحنا ماسوينا شي .
قلت طيب ومشيت اليوم الثالث شغلت السياره الصباح بعد دقيتين تقريبا نزل العداد للصفر
قامت القيامه عندي بالسياره جرس ورساله وطقطقه دعست بانزين وراحت المشكله
قلت يمكن زيتهم او مزودىين الزيت رحت للبنشر وغيرت الزيت كاسترول 10W30
كانها خفت المشكله اشوي لكن لاحظت اذا شغلت الصباح العداد يلعب لاصارت السياره بارده واذا احتمت راحت المشكله .
استمر الوضع الى الاسبوع اللي فات صارت اذا شغلت الصباح يرتقع العداد دقيتين ثم يطيح للصفر ويطلع صوت طقطقه قويه واذا دعست بانزين يرتفع العداد ويروح الصوت
قلت اكيد فيه مصيبه قلت خلني اشوف العالم وش كاتبين بالنت ولقيت اللي يقول طرمبه واللي يقول صوفه واللي يقول تنظيف المهم شد انتباهي رد لاحد الاعضاء
http://www.mekshat.com/vb/showpost.php?p=7973301&postcount=24
رحت ومريت كذا ورشه بالنسيم قالو شغل اليد 700 ريال الطرمبه عند التقوى 290 ريال
فكرت قلت ابي اغير الربله اللي ذكرها الاخ بالرابط السابق
رحت للتقوى اخذت فلتر الزيت ووجه الكرتيل والربله سعر الربله 25 ريال
الفلتر والوجه والله مدري كم لكن الاجمالي 145ريال ومريت محل ثاني واخذت زيت كاسترول ب90 ريال ست علب المجموع 235 ربال
انا اعمل مدير فرع لاحد الشركات والفرع يوجد به صيانه ومسموح لي اغير مجاني شغل يد لكن المركز مختصص يويوتا فقط
ولايشتغلون امريكي ابد ولذلك معلوماتهم بالامريكي بسيطه
المهم قلت للعمال فكو الكرتيل وغيرو لي الربله هذي وتم تغيير الربله
والحمد لله والشكر اول ماشغلت طلع العداد فوق النص وكل شي تمام
ولذلك انصح الاخوه الكرام اللي تحصل معه نفس المشكله لايغير الطرمبه ولاشي ولاتنظيف ولاغيره
يغير الربله فقط اللي في ماصورة الزيت
تم الطرح للفائده والسلام عليكم