المساعد الشخصي الرقمي

مشاهدة النسخة كاملة : هدد 2002 عزمه بارد


مطارد الخيّال
09/01/2015, 07:32 PM
السلام عليكم

عندي الموتر عزمه باارد واذا وصل الضغط على 2 يفز الموتر

مدري هو حساس والا شي ثاني
مع العلم ان الموتر صافي ولا فيه تقطيع

بس يوهق بالنفود 😐
اليامي قطر
09/01/2015, 08:36 PM
يارجال ان بغيتها نصيحه صادق

خله لاتسوي به شي لين يتبين اللي فيه اكثر

عندي اخوه هدد 2000 خسرني ولعن خامسي واحوال مايعلم بها الا ربي

عشان البخاخ والثروتر وبرمجه ومادري ويش واسبوع كامل وهو فالورش

وانا عبري والله يافيها نحاسه هالمواتر مايعلم بها الله وكانت مشكلته تعليق ريس

وردى عزم
مطارد الخيّال
09/01/2015, 11:32 PM
يارجال مشكلتي انا في حساس متأكد بس اي حساس مدري

والثروتل نظفته والله لا يعيده من تنظيف خرب علي حساس الدعسه صارت الدعسه معلقه على واحد ونص وفكيت الحساس ونظفته وضبط

بس باقي معاي تعلق الدعسه لازم اعطيه دبله بنزين سريعه على شان يفصل
وعلتي الحين بالعزم البارد والله ياكم مره وهقتي بالنفود تقول راكب ددسن ماهو جيب
مطارد الخيّال
09/01/2015, 11:34 PM
ياليامي خلك متابع معي لبكره ان شاء الله وبلقالك حل ان شاء الله
ابوسمرى
10/01/2015, 06:48 PM
السلام عليكم. من واقع تجربه كان معي جيب ٩٧ فكس بخاخ كان نفس المشكله الي تقول وطلعت من الثلاجه نظفتها والحمد لله طلع الموتر خفيف ويجيب طبلونه براحه وبالنسبه لدعسه تقول تعلق شوي تأكد من سلك الدعسه يصير خربان واخيرا هل لمبة المكينه شغاله عندك ولا طافيه اذا شغاله افحص كمبيوتر ب١٠٠ وتعرف الخراب من اي حساس ولا تروح لأي كهرباي يحوس الكهرب عليك.
غريب المملكة
10/01/2015, 07:28 PM
عندنا باجيرو كان عزمة يروح بالنفود وبالشارع مامثلة نشيط حاولت احل مشكلته سالت واحد ميكانيكي سعودي بعد ماشرحت له المشكلة قال ممكن عندك طرمبة البنزيم قلت خير ان شاء الله المهم غيرت له بواجي وفلتر هواء وكان فيه تنسيم بالشكمان غيار ملاحظ بدون صوت تبين بعد الكشف لحمتة وطلعت اجربة بالنفود اختلف الموتر ١٨٠ درجة طلع عزمة الحمدلله
اليامي قطر
10/01/2015, 08:16 PM
ياليامي خلك متابع معي لبكره ان شاء الله وبلقالك حل ان شاء الله


بيض الله وجهكـ
BN-ABDULLAH
11/01/2015, 02:57 AM
شيكت على البخاخات ؟
وتاكد من اللي الاسود الي بين الثروتل والقربه اذا فيه شق او شي