مطلوب فتيلة دفاية قاز

[مكشاتي سبشل]

السلام عليكم
مطلوب فتيلة دفاية قاز ماركة كرونا RX-29W يابانية
وشكرا

[كايد]

السبالة وشارع الثميري 10ريال للعادية

[مكشاتي سبشل]

جزاك الله خير
بس ياليت محل واضح الواحد يروح له مباشرة او رقم محل ندق ننشده ماودكم الواحد يتعنى واخر شي مايحصل ولا يقولك مخلص

[ابومشعل3]

اخي الكريم مقابل سوق الزل بالديرة من جهة الشرق كل ماتحتاجة للدفاية .الرياض.تحياتي

[الحربي حاتم]

في محلات المواعين والله أعلم

[السابعة]

موجود عند الجبر في سوق الزل في الثميري

[قفاري 92]

السلام عليكم اذا محلك بالرياض فيه محل يبيعهن ويصلح الدفايات القاز بأنواعها إذا تعديت سوق حجاب وانت ماشي مع شارع الإمام احمد بن حنبل متجه شرق تلف مع الإشاره يمين ويصير وجهك جنوب والسوق على يمناك بعد ما ينتهي السوق بيجيك مصلحين سياكل اثنين على يمينك هو محله بينهم باكستاني وقيمة فيتيلة دفايتك انا مالقيتها الإ عنده قيمتها ب 120 ريال الله يعينا واياك ولا تنسانا من دعواتك.

[رسيس نجد]

في الثميري محل صيانه للدفايات (اليابس ) وحوله اكثر من محل تلقى فيها طلبك .

[ولد وايل]

اللي بالثميري ((الديره )) كلهم نقلو بسبب هد المباني

في شارع عسير مقابل شارع السباله

[wsal3]

موجود عند الجبر جنب البنك الاهلى فى الثميرى ب150ريال

[مكشاتي سبشل]

شكرا للجميع وجزاكم الله خير الجزاء ورحم الله والدي ووالديكم

[أبوعبدالله202]

الربوة مخرج في صفة حين الأواني حول باوزير من جهة الشمال