الصيد بالتحويط

[الاصيل3]

السلام عليكم اريد اعرف طريقة صيد السمك بالتحويط من الشاطىء ومعلومات عن طريقة صيد السمك بالتحويط عموما فالمعلومات التي في الانترنت قليلة وشكرا لكم

[الاصيل3]

مساء الخير مافي رد

[أبوحافظ]

سؤالك يحتاج لوقت ولاجابات مطولة
يجب عليك تحديد نوعية الصيد السمك المستهدف و الطريقة لتجد اجابه مفصلة
على سبيل المثال

هناك شوارات تنصب وتكون ثابته خلال وقت المد وترفع مع الجزر
ايضا نفس الطريقة لها مواسم معينه لاستهداف انواع محدده
ولها اوقات معينه
واماكن معينة ومعرفتك لمنطقة الصيد ومداخل ومخارج السمك

اختيار الشباك المناسبة في التفصيل واهمية مقاس العين
ومراعاة زياده الرصاص في الشوار

البعض يدخل بالشباك عند مشاهده اسراب بشكل نصف دائري او بحسب طبيعة المنطقة

وفيه من يستخدم الفلينه لمد شوارات

هذا ما لدي بشكل عام للصيد الراجل واي سؤال نفضل

[الاصيل3]

هل يوجد صور توضيحية او مقاطع فيديو للصيد بالتحويط للراجل

[أبوحافظ]

هذا من احد مواضيعي مشروح بطريقة سهله للمبتدئين يوجد فيه مقاطع

http://www.mekshat.com/vb/showthread.php?t=555377


وهذا مواضيع اخرى للمتعمقين بالصيد

www.mekshat.com/vb/showthread.php?t=289535


http://www.mekshat.com/vb/showthread.php?t=204025

وهذي خلاصة تفيدك ان شاءالله

السلام عليكم ورحمة الله وبركاتة
حي الله الحبيب أبو حافظ
وهذي الساعة المباركة اللي نخدم فيها الناس الطيبين
ولا تآخذ في بالك لا أزعجتني ولا شي بالعكس أتشرف بخدمتك
ومثل ما يقول المثل(الناس بالناس والكل بالله)وأي إستفسار أي خدمة أنا موجود وتحت أمرك
اللحين نجي للأسئلة وإن شاء الله إني أعطيك العلم اللي أعرفه والطريقة اللي تعلمتها
مع الأخذ بعين الإعتبار ممكن فيه طرق ثانية أصح منها وأفضل منها لكن هذا اللي أعرفه وإتعلمته
وإنت إن شاء الله مع التجارب والتنويع في أشكال الصيد راح تعرف إيش اللي ينفع مع المكان الأول ولا ينفع مع الآخر
السؤال الأول
هل الطريقتين اللي في الصوره متشابهتان ؟ لان الاولى شكلها حلزوني والثانيه تكون مستقيمه

http://www.mekshat.com/vb/../pix/upload05/images241/mk113882_1.jpg

شوف الأوله صح والثانية صح لكن لو تكون دائرية أفضل
وفيه طريقة ممتازة جداً مشابهه للأولى وهي عمل مثل المتاهه
يعني تكثر الدوائر
في البدايه تكبر الدائرة الأولى وتوسعها
وبعد كذا تدخل بدائرة أصغر
وتكرر العملية إلين تصبح عندك عدت دوائر متداخله شبيهه بالمتاهه
لكن تحتاج لعدد كبير من الأشوره
السوال الثاني :×
ماهي افضل طريقه لنصب الشوار في الاماكن اللي تكون على شكل نصف
دائرة× نفس الصوره اللي تحت والبحر داخل للشاطىء مع ملاحظه انه في وقت الجزر يكون العمق تقريبا نصف متر .
شوف أفضل طريقة هي تقفيل المنطقه من البر للبر
بشرط تنتظر إلين البحر يختم (أعلى المد) وتبدأ تقفل المنطقه بهذا الشكل

http://www.mekshat.com/vb/../pix/upload05/images241/mk113882_2.jpg

بس شوف هذي الطريقة تحتاج لعدد كبير من الأشورة
وتحتاج إلى أشورة قطن سميكة
وتنشر شوارك بنفس الطريقة اللي قلتلك عليها
وتنتظر لين يعرى البحر(أعلى الجزر)
وتبدأ بسحب الشوار
شوف ركز معايا زين زين
هذي الطريقة ممتازة جداً(طريقة الجر)
تستفيد منها في طرق صيد كثير
حتى اللعف الحي يصيدوه بنفس طريقة الجر
نبدأبوصف الطرييقة
تجي عند أحد أطراف الشوار وزميلك في الطرف الآخر
تعمل ربطة في الحبل السفلي للشوار(الحبل اللي فيه الرصاص)
بحيث تكون على مقاس مشط القدم (عشان تلبسها في رجلك)
والحبل العلوي اللي فيه الفل (الصباوات) يكون في اليد
وتبدأ بوضع مشط القدم في الربطة اللي سويناها
والطرف الآخر في اليد
ونبدأ بالسحب بمحاذاة الساحل بإتجاه زميلك
وزميلك أيضاً يبدأ بالسحب بإتجاهك
وإذا تلاقيتم واحد فيكم يوقف والثاني يبدأ يدخل للداخل (يضييق الدائرة) على السمك الحي المتواجد داخل الشوار
عاد تبدأ تضيق إلين توصل لأخر الشوار اللي خلاص ماعاد تشوف فيه سمك حي يدووج
هنا خلاص تبدأ تلملم السمك وتلقط شوارك
إحنا العاده خلاص واحد يجر والباقي يفك السمك واللي يلقط الشوار يعني كل واحد له شغله مانقعد نتفرج وبعدين نشتغل
لأنه في هذي الطريقة في سمك يمسك في الشوار وسمك يبقى حر طليق ويسرح ويمرح في البحر أبو نص متر
وعادة يكون بأعداد كبيرة(وتقدر تتأكد بنفسك تآخذ غطسه وتشوفه يدوج بوسط الشوار)
يتبع"""""""""""""""""""





السوال الثالث :
المنطقه اللي في الصوره هذي منطقه داخله في البحر ويحيط فيها البحر من ثلاث جهات ما هي افضل طريقه
لنصب الشوار هل يكون من جهه اشجار الشورى× او لك رأي اخر× ؟
شوف إبعد عن أشجار الشورى لأن أرضها خفاس وغير كذا مليانه بنوع من الأصداف نسميه في ينبع(أبومعيفل) مليان بالأشواك ومقرف
شوف هذي صورته

http://www.mekshat.com/vb/../pix/upload05/images241/mk113882_5.jpg

لكن شوف أفضل طريق زي كذا
http://www.mekshat.com/vb/../pix/upload05/images241/mk113882_3.jpg

وسوي معاها نفس طريقة الجر وإن شاء الله بتعين خير
بس إنتبه من (أبومعيفل) وخذلك جزمه (وإنت بكرامة) نوع جيد
السوال الرابع× :×
في الصوره هذي ماهي افضل طريقه للنصب مع ملاحظه ان العمق قريب جدا يعني بعد× اربعين مرتين من الشاطىء بعدها العمق يكون مترين واكثر ؟
شوف أفضل طريقة زي اللي في الصورة
بس بشرط تعرف إتجاه الحوت
وهذا راح تعرفه مع الممارسة

http://www.mekshat.com/vb/../pix/upload05/images241/mk113882_4.jpg

السوال الخامس :×
بالنسبه للطريقه اللي ذكرتها سابقا مثل علامه الاستفهام× ..× ما هو افضل طريقه لتبيت الشوار× هل بالاسياخ او بلوكات× ؟
×لان مع الاسف حاولت اكثر من مره× بالاسياخ وما مشى الحال يتغير الشكل بسبب×× الامواج او التيارات او اتوقع بسبب الرصاص اسفل الشوار كميات قليله مع×× النصب الحاصل في السوق
والله شوف أكذب عليك إذا قلتلك إني عمري حطيت أسياخ أو بلك
أنا أشوف بعض الناس يحط سيخ لكن ماعمري جربتها
لكن عموماً إذا كان هوا شديد لا تنصب شوارك
بس الأكيد والأفضل من هذا كله لازم يكون الشوار ثقيل عشان مايتحرك والحوت مايقلبه
السوال السادس :
في حال اذا كان الشبك فيه اماكن مقطعه او فتحات في الشباك هل لها اثر في×× قله الصيد خصوصا اذا استخدمت طريقه علامه الاستفهام اللي ذكرتها ؟
ماينفع لازم ترقع الفتحات اللي في الشوار
وإذا كنت مجبر وما عندك اللي يرقعها أطبق الشوار بحيث تغطي الفتحه
السوال السابع :
هل الشبك ابو ثلاث طبقات هل يصيد اسماك احجام كبيره 2 كيلو فما فوق××× او الاسماك الكبيره لها شباك معينه ؟×
بشرط يكون قطن وخيطه متين (فتله 10) يعني الخيط مكون من 10 خيوط مفتوله في بعض
السوال الثامن :
الشوار المصنوع من الحرير هل مجدي من ناحيه الصيد او انه مخصص لانواع معينه ؟×
ينفع مع الحوت الكبير وخاصة مع الحريد
لكن ما ينفع مع السيجان والعربي والقاص
يتبع"""""""""""""""""""""




السوال التاسع :
هل السمك المصيود بالشوار فعلا طعمه يتغير مثل ما يقولون الناس مع ملاحظه ان اغلب السمك نطلعه من الشبك قبل ما يموت
كلام فاضي
أنا آخذت فترة طويله في صيد الشوار وكنت أبيع السيجان وآخذ للبيت وكان آخر حلاوة ولا عمره أحد إشتكى منه
بس الناس ماتعرف تفرق بين بعض أنواع الحوت
مثلاً أبوقرن اللي يجي في الشوار ماهو لذيذ وما ينفع بريال بسبب إنه حق غزير
واللي يجي بالمهالك (الصخاوي الكبيرة) لذيذ لأنه حق عاري
وهذا الشي مايعرفه إلا أصحاب الخبرة
والفرق بسيط بينهم في اللون وشكل الذنب
أبو قرن حق الغزير أذنابه طويله
السوال العاشر :
فكرت اني افصل شوار يكون من طبقتين عين كبيره وعين وسط× فقط من دون العين× الصغيره ويكون الطول× 250 متر الى 300 متر× و نزود كميه الرصاص
فهل تنصحني ؟
والله شوف أنصحك تفصل شوارك كالأتي
1- شوار مبروم فتله 5 أو 6 (3 إنش أو 2ونص)
هذا ينفع للعربي والقاص والسيجان
2- شوار شريخ (3ونص إنش أو أكبر)
هذا ينفع للحوت الكبير
وترا كلها طبقة وحدة وممتازة جداً في الصيد وتمنيك
وخفيفة وسهلة التنظيف
بس أهم شي لا يكون رصاصها قليل وخفيفة
أتمنى أكون عطيتك الجواب المفيد
وأعتذر منك على التأخر في الرد
وأي إستفسار أنا حاضر وممنون وما يردك إلا الكيبورد
أخوك
أبومهنا



[center][SIZE]

[الاصيل3]

تسلم ياغالي