"التعمق لكشف مشكلة ضعف عزم الفتك المفاجئ المشهورة"

[بن جلاجل]

السلام عليكم ورحمة الله وبركاته
مسيتم او صبحتم بالخير جميعا كان بودي اكتب هالموضوع في رابطة ملاك الفتك بس للتنظيم كتبته هنا.
ندخل في الموظوع كلكم تسمعون عن من مشكلة تظهر في الفتك من 2002 حتى 2009 وممكن في المديلات الي بعدها لانها نفس المكينه المشكلة الي هي فجأة يصير الموتر يتفتف ولا عاد يتعدى سرعة معينه الي هي ناس صارت لهم على 90كم وناس على 40كم واذا شغلت وطفيت كم مره يضبط وبعد فترة خلاص لازم يتصلح بعض الي اعرفهم صار السبب من كنداسة البيئه الي تحت السواق وانا شخصيا صارت المشكلة عندي من الثروتل وبعض الناس قالو من الاكتاوتات اما الي عند الدركسون او الي في الكبوت السؤال ان ابغى الناس الي تشارك يكونون مرو بالمشكلة او يكونون لهم خبره لانها والله مشكلة عويصة ونبغى الجواب خصوصاً ان اغلب الي اعرفهم اذا صارت لهم الي راح الوكاله وقالو له حساس ثروتل ب 4500 ريال وبعضهم يلعبون عليه حقين الفحص ويقولون له نسوي لك تصفيه ب800 ريال وبدون فايده وانا شخصيا قالو لي الوكالة نصلحه لك ب16000 ريال قالو نغير القزوز وحساسات الثروتل يعني حتى الوكالة ما يدرون وين المشكلة بدقة !! ارجو المشاركة لحل هذه المشكلة وشكرا

[ateeq7]

السلام عليكم

من زمان كنت اسمع صديق لي يتكلم عن مشكلة مشابه في فتك و بعد ما لف المحلات محد عرف نصحوه على فني في صناعية العين محل الزعيم طلعة المشكلة من الكمبيوتر السيارة و لاكن ما عندي علم ماذا فعل

[بن جلاجل]

عافاك الله ولكن نبغى الجواب الكافي ان حصل من المجربين عشان يتحدد وضع ذا المشكلة نهائياً

[ابوراكان تبوك]

ما عندي أي خبره في النيسان بس حبيت أشارك مشكلتك لو في سياره أخرى كان أقول احتمال حساس الثلاجه ولا أدري هل يؤثر ع الفتك أو لا

[ابو ف]

وعليكم السلام
الله يمسيك بالخير

فعلا صارت معي في جيب فتك 2002 فجأه ولعت لنبة التشيك وتفتف ونزل الضغط وش السالفه والسرعه

ع الاخر ثمانين المهم وقفت وطفيت وشغلت وضبط وتروح وترجع فاليله نفسها واطفي واشغل ويزين المهم مريت ورشه عندهم فحص كمبيوتر قالو حساس دعسه المهم مشيت من عندهم ماصحلت شي واللحين يالله لك الحمد له حوالي 4 شهور سالك والله يستر :::

[الصيادالمليح]

اذا جات المشكلة وطفيت السيارة و شغلتها و ضبطت وبعد فترة ترجع نفس المشكلة

فالمشكلة الرئيسية تكون في الحساسات المشبوكة في دبة التلوث و انابيب العادم

و حلها انك تروح لورشة فني فاهم ويفك لك الحساسات و ينظفها تنظيف من الرواسب و العوالق و يبخها بمنظف الكترونيات ويركبها مرة ثانية و اذا قدر يسوي اعادة برمجة لكمبيوتر السيارة

و اذا كان هناك اي تلف في الحساسات فلابد من تغييرها

وترجع السيارة مثل اول

[بن جلاجل]

تفسير رائع اخوي الصياد واتمنى حصر جميع المشكلات المتعلقه في هذه المشكلة

[salih100]

صحيح اذا المشكله تروح بعد ما تطفي السياره وتشغلها فهذي من قطعه كهربائيه والمشكله انه لو تروح تفحص السياره كمبيوتر وهي بحالة التفتفه ما يضهرلك المشكله لان الحساس مازال فيه كهرباء عالقه فما يضهر في الكمبيوتر اي عطل وهذي حصلت معي في يوكن

[ابوسند9]

وعليكم السلام
المشكله تتمحور في ثلاث مشاكل
الأولى مشكله تفتفه:
وهذي اما كويل عطلان او فلتر هواء متسخ وقديم او خرطوش القربة مخروم
والبعض يستهين بفلتر الهواء , واحد من الزملاء غير طرمبة بنزين وبواجي وفلتر بنزين وحساس الفلتر , واخر شي طلع فلتر هواء
المشكلة الثانية ثقل با القومة والدعسه:
هذي المشكلة غا لبا اما كتاوتات الدعسة اللي بجانب فلتر الهواء
او فيش الدعسة يحتاج تشييك عليه اما فيه كربون او مع الحركة متوسع
او الدعسة نفسها عطلانه , ومن هنا اقول اللي عنده دعسة عطلانه يراسلني واخذها منه وراح اصلحها على حسابي ونجرب , والتصليح با القصيم عند جنسية تركية ب 400 ريال , يعني صاحب الورشة محتكر الشغلة ولا يشتغل قدامك , لكن بعد ما يصلحها راح افكها و اشوف ايش صلح فيها , ومنها فائدة للجميع , ومثل ما فك اخونا العضو محسن اليامي من الكويت مشكلة احتكارالطبلون اللي تتصلح ب 500 ريال الى 70 ريال
المشكلة الثالثة السيارة قومتها كويسة لكن با الممشى يا الله توصل 120
هنا غالبا تكون المشكله اما ضعف طرمبة بنزين وسبب ضعف الطرمبة اتساخ صفاية البنزين , فلما تكون صفاية البنزين متسخه , هنا يكون يكون ضغط على طرمبة البزين وتسخن وتضعف مع الوقت
او عندك دبة البئة متسكرة وهنا تقدر تفكها وتفحصها وكلها اربع مسامير
او عندك حساس فلتر الهواء , اما الفيش يحتاج فحص فممكن فيه نسبة كربون او متوسع الفيش من الحركة , اما انه عطلان فا نادر جدااا اعطاله , واللي يشك في الحساس احنا اخوان هنا ونخدم بعض وسعر الحساس غالي , يعني لو تراسل أي حد في مدينتك وتنسق وياه وتفك حساس سيارتة وتجرب وفكه ما ياخذ دقيقتين .
واحينا يكون مع عدم الممشى تفتفه , والسبب يكون من الثرثول أي الدعسة تحتاج , تنظيف عمود اللهات سواء اللهات الداخلية او الخارجية
واحينا يكون من الظفيره فيها مشكله او من الكمبيوتر
وحسب خبرتي المتواضعه اذا البواجي اصليه فا اعلم انها ليس لها علاقه بتتا با المشاكل اعلاه وعندي السياره للان من اخر تغيير بواجي مشت للان 250 الف كيلو ولا تقطيع ولاشي الحمد لله
اخيرا جميع ما ذكرته اعلاه ليس 100 % فا الفتك يحتاج فحص دقيق وعدم استعجال وتبدل قطع ومن ثم خسائر من غير فائدة , والفحص با الكبيوتر ليس دقيق فربما يقول عندك الدعسة عطلانه بينما المشكله اما كتاوت او تنظيف ثرثول
هذا ما لدي والله اعلم

[العطاوي a511]

اذا جات المشكلة وطفيت السيارة و شغلتها و ضبطت وبعد فترة ترجع نفس المشكلة

فالمشكلة الرئيسية تكون في الحساسات المشبوكة في دبة التلوث و انابيب العادم

و حلها انك تروح لورشة فني فاهم ويفك لك الحساسات و ينظفها تنظيف من الرواسب و العوالق و يبخها بمنظف الكترونيات ويركبها مرة ثانية و اذا قدر يسوي اعادة برمجة لكمبيوتر السيارة

و اذا كان هناك اي تلف في الحساسات فلابد من تغييرها

وترجع السيارة مثل اول


تنظيف حساس الشكمان ماينفع وسعره 350 ريال غيره وريح راسك اذا كان عندك صرف بنزين فالاكيد من الحساس عن تجربه

[بن جلاجل]

بيض الله وجهك يبو سند معلومات قيمة جدا اتمنى يحفظها اصحاب الباترولات

[عنزي من نجد]

فلتر الهواء بس أهم شي غيرة اصلي من الوكالة