من بعد امه اختفت حطوا له السعر الخيال ( جديد )..الحل..داخل اللغز..حله..ابو ماجد..كفو

[ابو اسامه 2]

بسم الله الرحمن الرحيم
السلام عليكم ورحمة الله وبركاته

-----------



ما دام اني بينكم اكيد اي والله فخور
وشلون مفخر وانا كني بين اخ وبين خال
يا ويش رجلٍ اشتهر جلس سنينٍ مع شهور
في ملك بنتٍ تمسكه ماهو لواحد من رجال
مدري شكل مدري عمل مدري محبّه للظهور
من بعد امه اختفت حطوا له السعر الخيال

[ابو ماجد 2]

وعليكم السلام عليكم ورحمة الله وبركاته

-----------



اهلاً هلا في مذهلٍ لغَّم غطاته بالسطور
سوقة خبيرٍ بالغطو اطلق عنانٍ للخيال
ون قاله الله جبتها شيٍ شهيرٍ ومخبور
منديل ابيض مع هنوف في كفها شفته يشال
بين الملا اشتالته غنَّت وغنت للحضور
من عقب ماهي ارحلت مهره غدا عسرٍ يِطال

[ابو اسامه 2]

مرحوم يا لغزٍ ذهب في ظلمته من بعد نور=من وقع فارس مُقتدِر زعيم هاوي للقتال
من بعد رمعه انطوى لغزي سكن بين القبور=ما عاد له روح احتوى والدم مسكوب وسال
زعيمنا لا من حضر تجمعوا لجله الحضور=وكل واحد يطلبه توقيع لو فيها مجال

[عيد القضيب]

صحة السنتكم وسلمت يداكما ابدعتم وامتعتم كفوكم الطيب مااروعكم تحياتي وتقديري للجميع

[صقر السديرات]

صح لسانك ملايين
جزل من جزل
دمت بخير

[صقر السديرات]

يرفع للرنع

[ابوماريا]

ماشاء الله
لغز في غاية الرووووعة
صح السانك ملاااايين يابو اسامه

ومليوووون كفوووووو
يابو ماجد
قلبك خضر يابو ماجد مادام انك تعرف منديل ام كلثوم