المساعد الشخصي الرقمي

مشاهدة النسخة كاملة : وين القى فراش الدريويش


غريب الزمان
18/12/2006, 06:47 PM
السلام عليكم ورحمة الله وبركاته

اخواني اعضاء مكشات الكرام اليوم مريت محل رحلتي ومحل ذيب الصحراء اللي عند العويس ولا حصلت فراش الدريويش ، لقيت فراش السنيدي ابو حواجز ب 350 ريال

والسؤال الله يجزاكم خير اللي يعرف وين احصل فراش الدريويش المموه يدلنا عليه وله جزيل الشكر
مقـداد
18/12/2006, 06:56 PM
محل الدريويش نفسه في الغرابي عند اهل الشرع والخيام .... لو تبي يفصلك على كيفك
انا شاري منهم العام الماضي
بيرق التوحيد
18/12/2006, 07:03 PM
أخوي غريب الزمان

حياك وبياك

فراش الدريويش المعروف الي قماشه تنزاني وداخل فرو او قماش الي تبي منهن

والقماش الخارجي تنزاني رملي وماعرفنا فيه شي اسمه مموه

امس بعد العشاء كنت عند برق الحيا بمخرج 15 الدائري الشرقي وحصلته عندهم وعليه الختم حق الدريويش

المهم تحصله عند برق الحيا نعم المحل والنعم بصاحبه واهله عز الله يوم اشري منهم اشري وانا مرتاح

رح وتحصل فراشك هناك


وعز الله انك اخترت الفراش الي عليه الكلام فراش يغزى به... يغزى به ... يغزى به ... حقيقه


اختيار موفق ونشوفك هناك ان شاء الله انا عندي غريظات بآخذها منهم اليوم

والسلام خير ختام
السفاله
18/12/2006, 07:35 PM
بكم سعره ؟
ابوعزام
18/12/2006, 09:19 PM
واحد من الشباب قبل اسبوعين تقريبا شراء من الدريويش اللي بالغالة " الفيصلية " مخرج 17
وهو بطول 220 وعرض 120 وسعره بـ 270

وان بغيت الوصف آمرني ووصف لك مع العلم ان اللي بالغالة هو المسودع الرئيسي لهم


وتقبل خالص تحياتي
غريب الزمان
18/12/2006, 11:45 PM
جعل والديكم في الجنة ، وما قصرتوا ، اليوم مريت الرماية ولقيته عندهم اللي من داخل كنه جلد نمر ، لكنه غالي 380 يقول حق الدريويش والله انه رهيب وملكي لكنه غالي شوي ولا شريته ، ياليت تدلنا على مستودعهم اللي بالفيصلية باقرب وقت جزاك الله خير

وبالنسبة اخوي بيرق التوحيد كم سعره في برق الحيا وجزاكم الله خير ويبارك فيكم
الخادم
19/12/2006, 01:14 AM
ياشباب هو احسن شئ

و الا فية احسن منة
بيرق التوحيد
19/12/2006, 01:28 AM
إن لم أكن واهم فهو بــ 320 ريال


وترى سعره فيه والله يوم تنوم فيه تعرف قدره وقيمته
دفي الوقت
19/12/2006, 09:48 AM
السلام عليكم جميعا



تلقاه اخوي بمخرج 17 عند المستودعات وقيمته 270 وحاول ماتأخذ اللي من جوافرو لانه يجمع الرمل ومايروح بسرعه خذ اللي من جوا بلاستر احسن واسهل للتنظيف

بوصف لك المحل

وانت ماشي بالدايري يجيك مخرج 17 انزل يمين متجه غرب لين يجيك ثاني اشاره طبعا هذا كله محلات اذا خشيت يسار تلقى محل الجنادريه للمفروشات على يدك اليمين تلقا طبك عندهم وبأحسن سعر يعني 270 وانا اخذ من عندهم قبل شهرين تقريبا وهو صراحه احسن فراش بالبر
عساف الضاري
19/12/2006, 02:24 PM
السلام عليكم ورحمه الله وبركاته
هل فراش الدرويش يجي فيه عازل حراري بين التنزاني والبوليستر
ولكم اطيب تحياتي
المموه
19/12/2006, 02:29 PM
كان الريال راهي فيه احسن منه شفه عند محل الصقر والصقار بطريق خريص بعد العثيم شمال وقيمته 700 ريال وهو امريكي عالي الجوده
غريب الزمان
19/12/2006, 05:18 PM
الله يجزاكم خير ، ابمر المستودع باذن الله وابمر برق الحيا ، واشوف اسعارهم واجيب لكم العلم هاليومين ان شاء الله ، مع شكري وتقديري لجميع الاخوة اللي تفاعلوا مع الموضوع ودمتم بخير
ساقان
20/12/2006, 12:04 PM
لاتاخذ الا بوليستر لايقربك الفرو وغيره فقط بوليستر
غريب الزمان
21/12/2006, 12:41 AM
واخيراً ، امس الاربعاء مريت برق الحيا ، لكن للاسف ما لقيت الفراش المخمل اللي ابي ( المموه ) لقيت عندهم الفرو والعادي ، وسعر العادي ب 275 والمموه 285 لكنه غير موجود ، ورحت لمحل الجنادرية اللي في الصناعية وهو تابع لمصنع الدريويش وحصلت نفس اللي في برق الحيا لكنه اغلى تقريبا بعشرة او خمسة عشر ريال ، وكذلك ما عنده المموه يقول توي بايع اخر حبه لزبون ، وطلبت منه يدبر لي واحد واتصل على المصنع وقال خلاص بكره ان شاء الله يكون موجود ، وسعره عندهم 300 ريال ، وهو نفس الموجود في الرماية لكنه في الرماية ب380 ، والجراب اللي يحط فيه الفراش ب 50 ريال يعني كامل 350 ريال ( مع الجراب ) ومقاسه 120*220 وفيه مقاس كبير 140*240 بسعر 400 ريال ودمتم ،،،
مفك 14
21/12/2006, 01:57 PM
فراش الدريويش اللي اعرف انه من جوا قماش ولونه ((اخضر زيتي)) ومن برا لونه ((بيج)) ومكتوب عليك من برا قماش تنزاني

وسعره 350 ريال هذا السعر قبل يومين . طبعاً بتبوك وسلامتكم .

وعلى فكره مافيه صور لفراش الدريويش بالمنتدى عشان يستفيد منها الجميع ؟؟؟؟
معالي الوزير
21/12/2006, 04:02 PM
السلام عليكم

أخوي غريب الزمان فراش دريويش انا شاريه من خمس سنوات وممتاز ومافيه كلام ماخذه من رحلتي اللي في مخرج 15 مموه بي 300 ريال لاكن تلقاه في مخرج 17 عند المستودعات 270 مثل ماقال دفى الوقت

وبالتوفيق
غريب الزمان
23/12/2006, 05:11 PM
عدناااااااااااا
هذي صور لفراش الدريويش للاخ اللي طلبها ولبقية الاخوة الافاضل
1- فراش الدريويش الفرو
http://www.mekshat.com/pix/upload/images24/mk41012_frash-1.jpg

2- فراش الدريويش القماش

http://www.mekshat.com/pix/upload/images24/mk41012_frassh2.jpg

3- فراش الدريويش المخمل ( المموه ) وهو فراشي اللي شريته وقيمته 300 ريال
http://www.mekshat.com/pix/upload/images24/mk41012_frash-3.jpg

4- وهذي صورة لمخبات الفراش اللي على جنب
http://www.mekshat.com/pix/upload/images24/mk41012_frash6.jpg

5- وهذي بطاقة الهوية حقت الفراش
http://www.mekshat.com/pix/upload/images24/mk41012_frash-4.jpg

6- وهذي صورته وهو مصفوط ( حجمه كبير ) لكن اهم شي الدفا
http://www.mekshat.com/pix/upload/images24/mk41012_frash-5.jpg

ودمتم بخير ،،،