سؤال يالنشامى بخصوص صوت في فورد كراون فيكتوريا

[نواف السويدي]

مساكم الله بالخير يالاجواد

عندي فورد كراون فيكتوريا موديل 2003

المشكلة عندي هي صوت لما اسرع بالسياره كان صوت خفيف والان كل ماله يزود

سألت مهندس عليمي يقول هذا الدفرنس يبي تغيير

وماصدقته فحبيت أسألكم يا أخواني

هل هو دفرنس او كارونه او بالعمود مادري والله


احد الاخوان قال سجل بمكنتدى مكشات ويفيدونك


أخوووكم نواف من حائل

[نواف السويدي]

أيه صح قبل انسى

اللي يقدر يفيدن بسعر الدفرنس كم بالقصيم او الكارونه

يعني عن المشكله بالضبط

أنتم وجيه خير يا اهل القصيم

قبل سنه كنت اجي اشتري قطع لسيارة اخوي من العجلان وغيره رخيص وجودة افضل

بحائل ذبحونا بالاحتكار والغلا وشكرررررا

[ابوراكان تبوك]

مساء النور وحياك الله بالمنتدى

الدفرنس مايطلع صوت البلى من الكارونه لكن خلي الميكانيكي يأكد لك ذلك حتى ماتخسر او رمان عكس
صوت الكرونه يطلع مع المشي واذا رفعت قدمك عن البنزين يتغير صوتها بحنه أخرى

سبب خراب الكوارين في السيارات كثر الفصله
فصلة السرعه مضره جدا جدا على الكارونه اذا صلحتها حاول ان موترك مايفصل تجنبا لخراب الكارونه مستقبلا

[GMC89]

نعم صحيح واضف الى ذلك تاكد من رمان الهوبات للكفرات كلها و ان كنت تبي تتاكد هو ممن الدفرنس او لا ادعس على الموتر مع الخط وان طلع الصوت اللي تقول ارفع رجلك عن البنزين وشف يطلع الصوت او لا ان طلع فهو رمان او شب ثاني والدفرنس سليم وان ماطلع يروح لارفعت رجلك ويرجع لامنك دعست هذي كارونه والله يسهل امرك

[اسدهم]

والله انا ماعندي سرعة 120 واذا كنت مستعجل 140
المهم لو تلاحظ الشنطة الفورد كبيرة وجاية بعد الدفرنس بشي واجد صح
كذا يضر الدفرنس مع التحميل او بدون
انا غيرت الدفرنس وقالي هذا الكلام صاحب التشليح
وكنت في الكويت اخذتة كامل
هوبات فحمات يايات كل 1800بعد التخفيض
تشاليح الكويت يعني مااخذت في تشليح تقريبا ساعة فك وركب ومش وضمان شهر

[نواف السويدي]

مساء النور وحياك الله بالمنتدى

الدفرنس مايطلع صوت البلى من الكارونه لكن خلي الميكانيكي يأكد لك ذلك حتى ماتخسر او رمان عكس
صوت الكرونه يطلع مع المشي واذا رفعت قدمك عن البنزين يتغير صوتها بحنه أخرى

سبب خراب الكوارين في السيارات كثر الفصله
فصلة السرعه مضره جدا جدا على الكارونه اذا صلحتها حاول ان موترك مايفصل تجنبا لخراب الكارونه مستقبلا


عشت الله يمتعك بالصحة والعافية

كويس يعني المشكله ماهي بالكارونه يمكن لأني ماعمري فصلت الموتر

وبنفس الوقت لارفعت رجلي يطلع نفس الصوت مو صوت ثاني

[نواف السويدي]

نعم صحيح واضف الى ذلك تاكد من رمان الهوبات للكفرات كلها و ان كنت تبي تتاكد هو ممن الدفرنس او لا ادعس على الموتر مع الخط وان طلع الصوت اللي تقول ارفع رجلك عن البنزين وشف يطلع الصوت او لا ان طلع فهو رمان او شب ثاني والدفرنس سليم وان ماطلع يروح لارفعت رجلك ويرجع لامنك دعست هذي كارونه والله يسهل امرك


الله يمتعك بصحتك وعافيتك

بالنسبة للكفرات رفعهن وقام يفر كل وحده ويتسمع ولا سمع صوت

والله يرزقنا بالمهندس المبروك

[نواف السويدي]

والله انا ماعندي سرعة 120 واذا كنت مستعجل 140
المهم لو تلاحظ الشنطة الفورد كبيرة وجاية بعد الدفرنس بشي واجد صح
كذا يضر الدفرنس مع التحميل او بدون
انا غيرت الدفرنس وقالي هذا الكلام صاحب التشليح
وكنت في الكويت اخذتة كامل
هوبات فحمات يايات كل 1800بعد التخفيض
تشاليح الكويت يعني مااخذت في تشليح تقريبا ساعة فك وركب ومش وضمان شهر


الله يوفقك التوفيق الطيب

ماشاء الله الكويت ابداع بأسعارهم

[ابوراكان تبوك]

عشت الله يمتعك بالصحة والعافية

كويس يعني المشكله ماهي بالكارونه يمكن لأني ماعمري فصلت الموتر

وبنفس الوقت لارفعت رجلي يطلع نفس الصوت مو صوت ثاني

انا ماقررت لك انه المشكله من الكارونه
لكن قلت لك أن أكثر سبب لخرابها كثر الفصلات
و الفصله ليست سبب رئيسي مو معناته انه الموتر اذا مافصل ماتخرب كرونته بس ذكرت موضوع الفصله حتى تتجنبه لانه يسبب خراب كرونه مع الوقت


اذا يطلع نفس الصوت احتمال كبير فعلا ان البلا من الكارونه لكن الفورد قطعه رخيصه لو تويوتا كان تدق 4000ريال كرونه او دفرنس 7000
لكن الفورد ما اتوقع ان كرونته تتعدى 2000ريال بالكثير

[نواف السويدي]

للمعلومية يالأخــــــــــــــــــــوان

اليوم العصر تم اكتشاف الخلل في صناعية حائل

وطلع مشكلة الصوت من الفلنجة بالكفر الايمن الامامي هههههه


اشوى اللي ماتهور ولعبت في الموتر بالكارونة والدفرس


سعر الفلنجة كندي 300

سعـــر التــــــركيب 100