ركبت البلف وصارت الحراره ترتفع مع المشي

[GMC89]

السلام عليكم …
اخواني موتري فورد حوض موديل 94 كان اول حرارته الربع فالصيف والشتا اقل من الربع لانه كان بدون بلف ( مفكوك البلف ) ومع برودة الجو ركبت له بلف عشان يحتمي سريع و تصير المكينه حرارتها ثابته الليل والاوقات الباردة
الوكاد اني بعد ما ركبت البلف صارت الحراره ترتفع مع الممشى فقققط تاصل الى الثلث و الممشى ترى ما يجي 2 كيلو يعني اول ما تبدل القير بثالث ترتفع اما وهو واقف مماشاء الله على الربع ثااابته حتى اني خليته واقف تقريبا نص ساعه ولا ارتفعت فا ما ادري وش المشكله مع العلم اني تاكدت ان الموتر لياته ما تنسفط مع الدعسه يعني سليمه
وسلامتكم …

[ابوراكان تبوك]

لايكون البلف مقلوب تأكد منه

او فيه هواء في الرديتر ويحتاج تنسيم

[يالبى الهلا]

لايكون البلف مقلوب تأكد منه

او فيه هواء في الرديتر ويحتاج تنسيم

فعلا يامركب غلط او ماخذن هواء يحتاج إلى تنسيم احمد ربك ماراح الراس
السيارات القديمة ماتحتاج بلف اﻻفضل فكة حتي ﻻيقوم الرأس عليك

[هاوي بلادي]

تاكد من تركيب البلف

وفالك التوفيق

[اسدهم]

انا قد صارت لي وهو واقف وش زينة
واذا مشيت عوذا نااررر
سووزن بلوف لوتلاحض ان صرفية البنزين لك عليها
وثاني شي شف الطنبة الموية يمكن فيها ضعف وركبت البلف وضغطها زود
شيك ع الي قلتلك علية وعطناتقريرك

[cadillac911]

شيك على الراديتر يمكن يحتاج تسييخ


اذكر الله تكسب حسنة

[1824]

لالا تسوي شيء المشكلة بسيطة يوم ركبت البلف نسمت الراديتر

نظام تبريد السيارة عندما يفك اي جزء منه لاي سبب يجب تنسيمه بعدها لان يكون هناك هواء داخل يسبب ارتفاع للحرارة غير مبرر بدون وجود اي مشكلة بسبب الهواء بالتوفيق لك

[GMC89]

البلف جاي بالشكل هذا تقريبا |- الذيل او الجزء الطويل منه هو اللي راكب فالمكينه والراس من الجهه المقابله للرديتر
وبالنسبه للتنسيم اخوي 1824 كيف طريقته ؟
وللمعلوميه الرديتر ما يحتاج تسييخ لاني مغسل السلندر

[GMC89]

للرفع ي الربع

[كلاش2500]

يالحبيب....ماعندك اى مشكلة..الوضع عندك طبيعى جدا....البلف اللى انت مركبه يفتح على الربع ....وشى طبيعى اذا انت مشيت يزيد الاحتراق بالمكينة وبالتالى يسخن الماء وترتفع الحرارة لان البلف يصير مفتوح كانك شايل البلف..وتصير الموية ماتلحق تتبرد بالاديتر دوران مستمر لماء حار.....وبالتالى ترتفع الحرارة بسرعة للثلث ويمكن اكثر.......
يعنى اذا تبغى الحرارة على الربع شيل البلف وخله مثل اول وهذا انا ماانصح فيه ..اواشتر بلف يفتح على درجة حرارة الثلث عشان تثبت الحرارة على الثلث على طول..
شكل المكينة اللى عندك ضغط عالى ...ومكاين الضغط العالى معروفة بالوقوف مافى حرارة وعند المشى او الدعس تقب بسرعة...
بالتوفيق.......

[1824]

البلف جاي بالشكل هذا تقريبا |- الذيل او الجزء الطويل منه هو اللي راكب فالمكينه والراس من الجهه المقابله للرديتر
وبالنسبه للتنسيم اخوي 1824 كيف طريقته ؟
وللمعلوميه الرديتر ما يحتاج تسييخ لاني مغسل السلندر

وقف السيارة في مكان مايل الكبوت يكون فوق والسيارة من ورى نازلة وكل ما زادت الزاوية افضل وخلها واقفة لين ما تبرد يعني ساعتين على الاقل وافتح غطاء الراديتر وشغل السيارة وتكون باردة وخلها لين ما تسخن ويفتح البلف على الاقل نص ساعة وخل الكبوت مقفل عشان تسخن بسرعة وقفل على الشبك لا يدخل الههواء وبتشوف احتمال الموية تنقص عشان الهواء طلع من الراديتر وان شاء الله خير بالتوفيق لك

[GMC89]

بيض الله وجيهكم كفيتوا و وفيتوا
اخوي ١٨٢٤ باذن الله اني اباسوي مثل ماقلت
جزاكم الله خير جميعا

[abo aryam]

السلام عليكم
اعتقد والله اعلم ان الماء ناقص عندك للتأكد قم بتعبئته بعد وقوف السيارة لوقت طويل افتح الغطاء وقم الزيادة . تحياتي.

[ابوعبدالله172]

كلام اخي كلاش عين الصواب

[ابوراكان تبوك]

يالحبيب....ماعندك اى مشكلة..الوضع عندك طبيعى جدا....البلف اللى انت مركبه يفتح على الربع ....وشى طبيعى اذا انت مشيت يزيد الاحتراق بالمكينة وبالتالى يسخن الماء وترتفع الحرارة لان البلف يصير مفتوح كانك شايل البلف..وتصير الموية ماتلحق تتبرد بالاديتر دوران مستمر لماء حار.....وبالتالى ترتفع الحرارة بسرعة للثلث ويمكن اكثر.......
يعنى اذا تبغى الحرارة على الربع شيل البلف وخله مثل اول وهذا انا ماانصح فيه ..اواشتر بلف يفتح على درجة حرارة الثلث عشان تثبت الحرارة على الثلث على طول..
شكل المكينة اللى عندك ضغط عالى ...ومكاين الضغط العالى معروفة بالوقوف مافى حرارة وعند المشى او الدعس تقب بسرعة...
بالتوفيق.......

:good2:

طيب لو زود فتحات البلف بريشة الدرل ؟؟؟؟؟؟؟؟؟
حتى اذا فتح يدخل ماء أكثر

[GMC89]

كيف طريقة الدريل
يعني افتح فالبلف نفسه ؟

[كلاش2500]

:good2:

طيب لو زود فتحات البلف بريشة الدرل ؟؟؟؟؟؟؟؟؟
حتى اذا فتح يدخل ماء أكثر

فكرة تزويد الفتحات بالبلف فكرة ممتازة ...ومعروفة من زمان ....واحتمال كبير تنجح ....

[GMC89]

السلام عليكم …
ابشركم ي الربع الحمد لله الحراره ضبطت الواضح انه طلع الموتر كاسب هوا
جزاكم الله خير جميع

[1824]

السلام عليكم …
ابشركم ي الربع الحمد لله الحراره ضبطت الواضح انه طلع الموتر كاسب هوا
جزاكم الله خير جميع

الحمدلله ان امورك مشت اشكر الله اولا واخيرا دوما فلا نجاة بدون الله سبحانه وتعالى بالتوفيق لك يا صاحبي

[رقم 1]

لالا تسوي شيء المشكلة بسيطة يوم ركبت البلف هل نسمت الراديتر

نظام تبريد السيارة عندما يفك اي جزء منه لاي سبب يجب تنسيمه بعدها لان يكون هناك هواء داخل ويسبب ارتفاع للحرارة بالتوفيق لك


صدقت



وطريقة تنسيمه تفك الغطاء الصباح او الظهر
اهم شي تكون السيارة اقل شي لها 8 ساعات بايته
وتزيده مويه واليوم الثاني نفس الطريقة عشان تتأكد بس

[وحيد الجلاوي]

اذا كان له تماتيك مروحه غيره لان فيه ضعف
والاديتر حاول تنفخه بهوا يمكن متسدد من الاتربه