صوت مالقيت من يعرف له

[ق ص ك]

السلام عليكم ورحمة الله وبركاتة
اتمنى من الاخوان اللي عندهم خبره مايقصرون يفيدوني و يفيدون القراء
سيارتي لاندكروزر 2007 VXR
عندي صوت طقطقة شبيهة بطقطقة العكوس تطلع عند دعسة البنزين من 0 الى 60 كم
وعند الطلعة تكون واضحة
علماً بأن العكوس سليمة
وكلام الميكانيكين اختلف كل واحد يقول شي ويناقض كلام الاخر
من ضمن الاشياء اللي قالوها
-كرونة دفرنس
-رمانة كرونة الدفرنس (الدبل)
-عمود الدبل
- دفرنس كامل
اتمنى من اللي قد مرت عليه نفس المشكلة او عنده خبره يفيدنا
انتظرردودكم وشكراً

[ابوراكان تبوك]

اختصار للوقت والجهد والمال

افصل عمود الدبل
شوف يمشي او لا
اذا مامشى شغل الدبل الصغير وجرب موترك
ان راح الصوت فهو من الدفع الرباعي المستمر ريح راسك منه وافصله

[يالبى الهلا]

اتوقع من عمود الدبل فك العمود وجرب الموتر ولذا طلع العلة منة اﻻفضل فصل الدفع الرباعي لسلامة العكوس والكرونة اﻻمامية ويخف الموتر

[ق ص ك]

بيض الله وجيهكم ولاهنتو
الحل اللي ذكرتوه بيخليني استغني عن الدبل
وانا احتاجه
شكل الشغله يبيلها تفكيك وحوسة وشغلة والله ييسر الامور

[mhm_1406]

انا ياخووي عندي مشكله شبيهه لمشكلتك
فكسار ٩٩ تماتيك
يطلع صوت طقه واحيانا طقطقه
اذا الدبل شغال مع اللفات فقط !!!
لكن اذا الدبل مفصول السيارة سليمة مافيها اي طقه !!
غيرت عكس من التشليح ونفس الحاله بالضبط ماتغير شي ؟!
اذا ورشة بالرياض ممتازة دلووني يا اخوان

[اكسنت 2011]

نصيحه روحو لمتخصصين لا ترمون سياراتكم عند ارخص واحد

واهم شي تضمن ان الميكانيكي يضمن عمله ويتحمل كل شي اذا طلع تشخيصه غلط

انا كنت راح يفك القير والمشكلة طلعت فقط في سلك القير يحتاج وزن

واغلب الي رحت لهم ما عرفو المشكلة كل شخص يفتي من راسه

لحد ما وصلت واحد شخص المشكلة وطلب انزل السيارة عشان يتاكد 100# وبعد ساعتين اتصل وقال تعال
هذي مشكلتك وبفكها اذا اقدر اضبطها افضل اذا ما اقدر لازم تشتري قطعه جديده

وانا اتحمل اي شي اذا طلع تشخيصي غلط وكل المصاريف

وما شاء الله ضبط كل شي ومشت زي الحلاوه

بالمناسبة حتى في الوكالة ماعرفو المشكلة جيتهم لان صديق لي شغال عندهم وكشف عليها وقال رجعها للي صلحها
يفك الجربوكس ويعدل الصحن و الدسك والفحمه ركبهم غلط ولا احنا نفكها

يعني يا اخوان انتبهو من فئة من العمالة تجي تتعلم علينا وعلى سياراتنا

[ابوسند9]

وعليكم السلام
دام الطقطقه تطلع من الصفر ,ليه مثلا ما تشوف حد يحرك السياره وانت تمشي على رجولك بجانب السياره وتتحسس مصدر الصوت
وانا اشك ان الصوت من قماش الجلنط الخلفي ممكن احد السبرنقات منفك , لذا جرب حرك السياره وشد الجلنط بيدك شي بسيط وجرب هل الصوت يختفي ام لا