قدر كاتم السنيدي .. وعدم توفير القطع

[ابن فهدالشمري]

السلام عليكم

اشتريت قدر كاتم السنيدي ستيل 10 لتر من شركة DPT ووكيلة السنيدي
ضاعت مني صفيرته ورحت لفرع الرياض الي على الدائري الشرقي
وقالو غير متوفره وبنطلبها وتجي بعد اسبوع
صارت شغلتي اسبوعيا اسير عليهم لمدة 3 شهور
حاولت اتصل على فرع القصيم ولكن ما احد يرد
استعنت بالله ومشيت لعل اجد ها الصفيره ولما وصلت لهم نفس الحكاية غير متوقره ولا نجيبها اصلا" !!!
وقالي العامل رح للصانع يمكن تلاقي عنده رحت عنده ولا حصلت شي
يا اخوان شورو علي
انا الكاتم معجبني الطبخ فيه لكن مشكلة الصفيره الان وش الحل معها
طبعا ما تركب عليه صفيرات السيف وغيرها لان نظامه غير
وبصراحه السنيدي من جرف لدحديره كل ما قلنا تعدلو وبدو يهتمون بالزباين يبين العكس

[مريقب العيفار]

اذا هو الوكيل فعليك بوزارة التجارة

لان الوكيل مطالب نظاما بتامين قطع الغيار

[تركي1]

أقترح عليك

تاخذ غطاء القدر وتروحبه معك لمحل اﻷواني

وتجرب السدادات حقات اﻷنواع الثانية

احيانا تزبط عن تجربة

[ابن فهدالشمري]

اذا هو الوكيل فعليك بوزارة التجارة

لان الوكيل مطالب نظاما بتامين قطع الغيار


شكله هذا الي بيصير

جزيت الجنه على مرورك

[ابن فهدالشمري]

أقترح عليك

تاخذ غطاء القدر وتروحبه معك لمحل اﻷواني

وتجرب السدادات حقات اﻷنواع الثانية

احيانا تزبط عن تجربة

وانا اخوك الميزه في ها الكاتم كلها بالصفيره حقته
لانه يبخر اذا وصل لدرجه معينه وبعدها يرجع يكتم مره ثانيه فيستوي اللحم بسرعه لكن ما يصلح للرز ابد
انا حاطه مخصص للحم والدجاج وقدر عادي للرز

[تزبطي]

الله يعينك وتلقى مطلوبك ان شاء الله

جرب موقع امازون احتمال كبير تحصل

ﻻكن دايم خلك على المعروف بالسوق نصيحه مثل قدور سب
و قدور السيف هذي ماتبلش فيها

ربعنا اذا جاب شي جديد ﻻزم يطلع قيمته دبل 6 مرات

مايجيب قطع عشان تضطر تشتري السلعه مره ثانيه عشان جلده او مسكه

وبعدين عاد ابشر بالقطع هههههههه

موفق ان شاء الله

[باتمان]

الله يعينك حاول تغير البلف كامل اللي يركب عليه الصفارة وحط لك بلف حق قدر السيف عشان تقدر تركب صفارة السيف عليه
وبعدين رأي شخصي اللي بيشتري ياخذ قدر مقبول السعر وكلها تؤدي الغرض
انا قبل فترة شريت قدر صناعة صيني ستيل من أروع مايكون ومعه صفارتين وجلدتين
وسعره 150 ريال اعتقد حجمه 8-9 لتر ماني متأكد والحمد ماحصلت منه الا كل خير

[ابن فهدالشمري]

الله يعينك وتلقى مطلوبك ان شاء الله

جرب موقع امازون احتمال كبير تحصل

ﻻكن دايم خلك على المعروف بالسوق نصيحه مثل قدور سب
و قدور السيف هذي ماتبلش فيها

ربعنا اذا جاب شي جديد ﻻزم يطلع قيمته دبل 6 مرات

مايجيب قطع عشان تضطر تشتري السلعه مره ثانيه عشان جلده او مسكه

وبعدين عاد ابشر بالقطع هههههههه

موفق ان شاء الله

دورت يا بعدي بامزون ولكن يمكن لقلة خبرتي فيه ما حصلت
السب غويلي شوي والسيف سيء قلت ابي شي يكون بالنص بينهن
مع اني يوم اشتريه كان بحدود 300 والان 170 بالقصيم و 180 بالرياض

عز الله انك صدقت بكلامك لكن شكلي بقدم شكوى لوزارة التجاره علشان يجبرونهم يامنون قطع لي ولغيري

[ابن فهدالشمري]

الله يعينك حاول تغير البلف كامل اللي يركب عليه الصفارة وحط لك بلف حق قدر السيف عشان تقدر تركب صفارة السيف عليه
وبعدين رأي شخصي اللي بيشتري ياخذ قدر مقبول السعر وكلها تؤدي الغرض
انا قبل فترة شريت قدر صناعة صيني ستيل من أروع مايكون ومعه صفارتين وجلدتين
وسعره 150 ريال اعتقد حجمه 8-9 لتر ماني متأكد والحمد ماحصلت منه الا كل خير



ميزة الكاتم كله بالبلف حقه واذا غيرتها ما استفدت شي عندي غيره من الكواتم

ياليت صوره للكاتم ووكيله من وهل الوقت نفس السيف ولا اسرع
هل يتوفر منه احجام كبيره لاني ابي لي كاتم 15 لتر ومحتار ابي ستيل

[ابن فهدالشمري]

تواصل معي الاخ عصام موظف شركة السنيدي وما قصر بيض الله وجهه

ارسلني لعامل باكستاني موجود في الرياض حتى اخذ البلف

باذن الله اليوم امره واستلمه

اشكر كل الاخوه الي شاركو معي بالموضوع

[موادع 1]

وزاااااااارة التجارة تلزمه يأمن قطع غيار
ارفع الشكوى وتابع بس

[ابن فهدالشمري]

استلمت البلف من الاخ اصغر الباكستاني

اشكر الاخ عصام على تعامله وللامانه يا اخوان تعامله جدا راقي

واعطاني البلف مجانا

اذا عندك شكوى ولا شي لا تتردد بالتواصل معهم واما ( تنحيش ) العملاء ابعد عنهم ما وراهم الا تطفيشك