المساعد الشخصي الرقمي

مشاهدة النسخة كاملة : اين احصل دايودات لوح الطاقه.


صاروخ الغطغط
17/01/2015, 01:38 PM
السلام عليكم اخواني قد طرحت موضوع في الطاقه الشمسيه بسبب تقليب الاسلاك السالب والموجب وحتريت الدايودات وشريت دايودات وصلحت وحصلت المشكله مع شحص اخر ووصاني بدايودات فيوز ودورت في البطحا مالقيت عند محلات الطاقة الشمسيه والى عند كبري الحراج مالقيت تقريبا 11 محل جيتهم مالقيت ودورت عند راعي الاكترونيات وين القى محل الي يبيع دايودات يشري كميه وريح راسي او لها ترهيم افيدوتي
دغيم1
17/01/2015, 02:39 PM
السلام عليكم
شارع الريل - الرياض
بجوار أصحاب البطاريات
يوجد عدة محلات تبيع الواح الطاقة الشمسية
تحياتي
م.سعيد
17/01/2015, 04:16 PM
محلات بيع قطع غيار الالكترونيات مثل مجداف وغيره..
بس تأكد تاخذ نفس رقم القطعة
صاروخ الغطغط
17/01/2015, 09:48 PM
السلام عليكم
شارع الريل - الرياض
بجوار أصحاب البطاريات
يوجد عدة محلات تبيع الواح الطاقة الشمسية
تحياتي

السلام عليكم اخوي انا فريت البطحا اعرف مكان بيع الطاقه الشمسيه مالقيت عندهم خابرهم الي جنب فندق العاصمه لايوجد
صاروخ الغطغط
17/01/2015, 09:52 PM
محلات بيع قطع غيار الالكترونيات مثل مجداف وغيره..
بس تأكد تاخذ نفس رقم القطعة

محل الاكترونيات لايوجد اخذت وقت ونا افر من محل الطاقه الشمسيه الى محل الاكترونيات مالقيت وقد حصل معي الموقف ثاني مره تعبت مالقيتها
بلحارث
17/01/2015, 10:32 PM
تروح الديرة بجانب شارع الثميري الذي بجانب امارة الرياض هناك محلات الالكترونيات تحصل عند محلات الداوود او محلات مجداف اوغيرها جميع القطع من كباسرتات واديودات وترانزستورات فيها
صاروخ الغطغط
18/01/2015, 07:41 PM
مشكورين على الردود بروح ون لقيت شريت كرتون وريح مخي لن هناك في البر يستخدمون الطاقه ويجي عنده شغلات ويفصلون الاصابع ويجيك ورع بيركب الاصابع ويقلبها او يجي اختلاف البرمجه ولابد من فصل الاصابع وترجعها وتزبط برمجة منظم الوح او الاتماس لابد من توفي فيوز الطاقه
صاروخ الغطغط
18/01/2015, 10:14 PM
السلام فيه واحد راسلني على الخاص بخصوص الطاقه تسليكها سهل ونا يوصوني ناس من جماعتي من البر وجيبها لهم من الرياض علمني راعي المحل كيف اركبها فقط
أبوعبود وحمود
19/01/2015, 05:29 AM
ممكن تتواصل معي علي الخاص
عندي لك استشاره
قناص الوعول
19/01/2015, 06:34 PM
استخدم منضم رفيق الدرب حق السياره فيه ديود يتحمل اكثر من العادي ونفس النضام
كايد
23/01/2015, 02:02 PM
فيه محل بالغرابي ....بعد السليماني على اليسار
تراه جاي بالزاوية ..
|_عاشق البراري_|
25/01/2015, 04:36 PM
فيه محلين عند كبري االحائر وانت رايح مع دائريالجنوبي وجهك غرب ترجع مره ثاني تديور مع الكبري كنك راجع لشرقي يجونك على اليمين
Bds
26/01/2015, 01:37 AM
السلام عليكم ورحمة الله
اخوي الغالي /
انا شابك عندي الطاقة الشمسية تقريبآ سنتين شغالة 100%
واول مرة اسمع با دايودات ممكن صورة وين تكون موجودة
للمعلومية/ انا لا استخدم المحول :
لوح - بطارية - منظم
مع العلم ان تمديدات المبات 12V
والتلفزيون والرسيفر بعد 12v
تقبل فائق تحياتي لك وللجميع