السلام عليكم

[صقار شقران]

السلام عليكم

قبل كم يوم شريت طير فرخ حر مصقور وابغيه يجيني على الدس ولا يجيني وافيدونا الله يرحم والديك

[THE SNIPER H]

وعليكم السلام
اولا لازم الطير يكون جائع يعني ما اكل من يوم كامل
ثانيا لازم يكون وزنه نازل شويه لانه لو صنيع ما هيجيك
ادعيه بالعلف في يدك من مسافه مترين وجرب
اربطه بسبب عشان لو اتنكر ما يروح عليك

[سالم الصقار]

بالإضافة لما تفضل به الأخ، حاول إنك لا تهادنه على الأكل، يعني أول يوم أعرض عليه الأكل، إذا ما جا، اتركه ساعتين ثم ارجع، ممكن تبدأ بمسافة صغيرة جدا، حتى لو بضعة سنيمترات بس يقفز عن الوكر، إذا قفز اكرمه، في اليوم الثاني أبعد شوي لين تصل 100 متر على سبب (حبل) طويل تدعيه ويجيك، عندها يكون جاهز للتلواح.

[cama55]

عليكم السلام ورحمة الله وبركاته..

اول شي عليك بنقل الطير ساعات ومن ثم خله يوم علف شي وحطه على الوكر وبعد عنه شوي وفرعه وبينقز ان شاء الله اصبر عليه اذا مانقز برقعه ورجع له بعد ساعه ولاساعتين وفرعه وبينقز ان شاء الله بس اصبر عليه واذا نقز خله ينسر شوي ثم اسحبها منه من تحت الدس ورجعه على الوكر ورجع نقزه من مسافه ابعد واستمر على الطريقه ابد وابعد لين تنتقل لمرحلة السبب تطلعه البر وتدعيه بسسبب واذا واجة اي مشكله حاضرين يالغالي