أهل الخبرة بالبنلي وإكستريما الرجاء الدخول والإفادة [الأرشيف]

مشاهدة النسخة كاملة : أهل الخبرة بالبنلي وإكستريما الرجاء الدخول والإفادة

ultimate warr

18/01/2015, 06:45 PM

السلام عليكم يالربع مساكم الله بالخير جميعا:
والله محتار ومتردد بين نوعين من الشوازن هي:
1- سوبر بلاك إيقل 2
2- إكستريما A400 وما أدري أي وحده منهن أختار وأبيكم تشيروا علي
وسؤالي الثاني هل إكستريما a400 تجي سوبر ماقنوم يعني ترمي جميع الضغوط؟ شريحة كبيرة من الزملاء يقولون رمي البرتا أحسن من رمي البانلي في الحرارة وتوزيع الحلبي بالله أبي إجابة تريح القلب
وشكرا.

moshi

18/01/2015, 07:12 PM

السلام علليكم ورحمة الله وبركاته لاتهتم ولاتفكر عليك بالبرتا 30 انش من واقع تجربه

الشمروخي

18/01/2015, 07:28 PM

وعليكم السلام
البنلي اجمل واقل قطع واخف وافضل مده لاكن رمي عادي لازم ترهيم

البرتا اخف رجف واحر رمي وتنظيم

كلهن سوبر ماقنوم

الخزيمkzeem

18/01/2015, 08:07 PM

البنلى ازين وانت حر استشرتنا وعلمناك وفقك الله لابد ترهيم ماصورة

benelli11

18/01/2015, 08:55 PM

خف وجمال واناقه بنلي سوبر بلاك ايقل 2
ثقل وزعبله ومتعبه برتا وتره اسلاح هي وسوبر عينان برأس واحد
وبنسبه لي انا مأرمي الا بماصوره البلد ورحمت ماصوره وبعته ورجعت للبلد ورهمت ثانيه وبعته ورجعت للبلد فيه شي داخلي يقولي البلد مضلومه
وانت خابر ربعك يبون الي بنجمه يطيح
واذا رهمت ماصوره تبدا تعذرب بالفشق وبتل
البواردي بواردي لو وش ماعطيته من سلاح
هذي وجهت نضري
واحترم أرا الاخرين

benelli11

18/01/2015, 08:57 PM

مجروح الروح

18/01/2015, 10:56 PM

الاكستريم 400ولاتشاور اداء عالي ونظام غاز مطور وترمي جميع الفشق
وانسى شي اسمه رجف الزبده هي شيخة البنادق

سوبربانلي

19/01/2015, 03:16 AM

حرارة رمي ألبرتا

السوبر مثل ماقالو الاخوان شكل وجمال لكن ماصوره ماتطربك وتتعب مع التشوكات تركب

أضوق. وتغير وبالنهايه ترجع وترهم ماصوره اذا تقدر على السوبر مع ماصوره خذه

وإذا تقول تكلف خلك اجل على ألبرتا

Abu Sary

19/01/2015, 09:53 AM

دامك حاط هالمبالغ حطها بشيء مليح واستريح

خذ السوبر واضف لها ماصوره فرنسية وريح راسك

سالم محمد

19/01/2015, 11:53 PM

تبي الشور من واحد جربها كلها
بنلي اخذت دعايه وهذا اللي جعل لها سمعه لكن الاداء مهوب مثل البرتا اكستريم a400

برتا اكستريم a400 وتوكل على الله بندق كامله والكامل الله
ما تحتاج ترهيم بعد شد مصنعها
3كيك اوف
ماصورة 30 انش تشوكات
نظام غاز مطور بتنظيف ذاتي وحرارة رمي
ملقاط أمامي للمكينة وهذا الشي يجعلها باذن الله ماتعلق بالفشق
المكينة فرار وهذا يعطي سرعة التبديل أثناء الرمي

عبدالله الربي

20/01/2015, 11:02 AM

السلام عليكم
ابي اطرح رايي لكم ياالربع انا جربت الثنتين
كلهن بماصورة الوكاله البانلي ماصوره 28
تشك 2 والاكستريما ماصوره 30 تشك 2
الفشق واحد كاكا رقم 6 .36
المسافه 40 متر طبعأ جالون زيت
رميت اول شي باالبرتا عدد الخردل 7فقط
ورميت بالسوبر عدد الخردل18
والله الذي لااله الاهو اني ما اقول غير الصحيح
من واقع تجربه
وكل الاحترام للاعضاء وشكرأ

ultimate warr

20/01/2015, 10:52 PM

آرائكم يا إخوة أفادتني كثير؛ فجزاكم الله عني خير الجزاء؛ لكن أشوف غالبية الآراء هنا وفي منتديات أخري علي تقديم البرتا المذكورة علي البلاك إيقل بس عذروبها الوحيد عندي نظام الغاز اللي يجعلك لازم تنظف بعد كل إطلاق بخلاف اابانلي لو أن ذولا أهل المصنع ركبوا لها سبرنق زي البانلي كان ريحونا ولما تجي للبلاك إيقل وتشتريها بمبلغ وقدره تجد صبطانتها باردة في الرمي وتروح تخسر زيادة وترهم وأنا ضد تغيير السلاح ولو كان مسمار يعني صناعها لو مدوا لنا شوي اثنين إنش علي الثمانية والعشرين إيش بيخسرهم هي من جيوبهم ولا من الحديد الله يهديهم بس.

سوبربانلي

21/01/2015, 11:09 PM

الغرب رمايتهم واهدافهم قريبه وبالغابات

ويبون الماصوره القصيره عشان تركب على الكتف بسرعه

والفشق عندهم طيب بالحيل مهو نفس اللي يجينا الحين مضروب

اما صيدنا ماصوره 32 وفشق نقول طيب ويالله صيدتك تجي عقب مطارد بعد

عبدالله الربي

29/01/2015, 03:00 PM

السلام عليكم ورحمة
ياجماعة الخير وش رايكم
بتشوك 640 مخرق هل يضر على
البندق او لا هل احد سبق وان استخدمه
ولكم مني جزيل الشكر

شمالي و الهوا غربي

29/01/2015, 06:30 PM

السلام عليكم ورحمة
ياجماعة الخير وش رايكم
بتشوك 640 مخرق هل يضر على
البندق او لا هل احد سبق وان استخدمه
ولكم مني جزيل الشكر
اكيد مايسرها
وخطرا عليك ابعد عنه

زياد البواردي

30/01/2015, 07:10 PM

السلام عليكم جميعا انا زياد من العراق واتشرف ان اكون ضمن هذة النخبه الخيرة من الاخوه الكرام والله العظيم اني كان عندي اكستريما 2 واليوم عندي بلاك ايقل 2 والله السوبر بلاك افضل من البيرتا 100 ام عند برودة الرمي انا ارمي بالسوبر بشوك رقم 3 ورميها حار جدا والصيد مثل ما انتو تعرفون عندنا بالعراق كثير جدا وكل الصيد اصيده حمام وحجل وبط وقطا بالسوبر وماعدنا سوبر مرهمه ابدا بس دور على فشك زين هذا رائي ولك الخيار

تميم2222

06/02/2015, 10:43 AM

جرب النوعين وانت احكم بنفسك هذا زمن كلن يقرب القريص لخيه

الخزيمkzeem

07/02/2015, 09:09 AM

لاتعدى السوبر بلاك ايجل توا

ابو سفيان

07/02/2015, 07:19 PM

فيك حيل ترهم ماصوره للبانلي خذها

اذا ماتبي ترهيم وتبي شي شد بلد وزين خذ البرتا

عبدالله الربي

15/04/2015, 02:02 AM

السلام عليكم
ياالربع وش رايكم باالمواصير الايطاليه اللي توها نازله فيه ناس يمدحونها
باالسوق احد منكم جربها
انا ناوي اشتري وحده بس متخوف
شفت الخوف من المواصير اللي قبل جنني

قاع حضوضا

16/04/2015, 11:07 PM

السلام عليكم
ياالربع وش رايكم باالمواصير الايطاليه اللي توها نازله فيه ناس يمدحونها
باالسوق احد منكم جربها
انا ناوي اشتري وحده بس متخوف
شفت الخوف من المواصير اللي قبل جنني

معنى هذا انك شريت السوبر
ترى ماصورة البلد طيبه جربها بتشك 2 وشف