المساعد الشخصي الرقمي

مشاهدة النسخة كاملة : ابي منكم وصف شعيب الرمحيه وشعيب الطيري


واحد ثاني
19/12/2006, 01:34 AM
السلام عليكم ورحمه الله وبركاااته

كيف الحااااال وعااسااكم بخير

ابي واحد يوصفلي شعيب الرمحيه وشعيب الطيري لان مهب من اهل الريااض وودي ادلهن

اذا مااعليكم كلافه
][عزام][
19/12/2006, 01:45 AM
السلام عليكم اخوي الرمحيه طال عمرك تمسك خط الشرقية حتى يجيك مفرق رماح تمسك خط رماح حتى تدخل الديره اذا دخلته يبي يجيك دوارات انت رح قدام وتبي تطلع من الديره وبعد تقريبا20 كيلو تبي تجيك الرمحيه والشعيب عند الديره يعني الخط يقطعه او بالأخرى هو يقطع الخط اما الطيري طال عمرك تكمل الطريق قداك حتى يجيك دوار تروح يمين وامش حتى يجيك مفرق لهجرة الطيري على يسارك افرق من عنده وتبي تطب الشعيب..
واحد ثاني
19/12/2006, 02:27 AM
مشكور اخوي بس واحد وصفلي شعيب الرمحيه انه مع طريق الثماامه بس مدري معين

وان شعيب الطيري مع طريق النتهااات بس مااوصفلي بالزبط اناا ماادري له طريق ثااني ولا لا
فهد1415
19/12/2006, 07:09 AM
ان اعطيك وصف سهل...

رح للثمامة وقبل المحطة اللي عندها طعس التحدي..فيه مفرق يمين مكتوب عليه البويبيات...رح معاه وتراه ما يوقف بك الا في الرمحية..وتشوف الوادي قاطع الهجرة...

اذا تبي الطيري...رح مع الثمامة وخلك الجنادرية على يمينك..وواصل ..بيجيك مفرق البويبيات ومن ثم محطة اللي على اليسار عند طعس التحدي عدها..وواصل...بيجيك نقطة تفتيش ..تعدها وخلك على الطريق ..لين يجيك مفرق الصمان والتنهات...طبعا فيه لوحات تبين الشي هذا...

افرق مع الصمان يمين..وواصل حتى يجيبك دوار..مكتبوب الحفنة يسار والرمحية يمين والصمان والتنهات سيدة..

رح سيدة من الدوار...وبتلقى..لوحة على المين صغيرة مكتوب هجرة الطيري..وسهمها يسار وفيه طريق صغير مسفلت..

افرق معه يسار وبيوديك للهجرة...وتشوف الوادي امتداده كبير..وفيه اشجار كبيرة...

عموما اذا وصلت هناك انصحك وبشدة تروح لشعيب محارق فهو قريب ما يأخذ منك خمس دقائق

والارض فيه مربعة ربيع ممتاز..والطيري ليس فيه الا الاشجار ماهناك ربيع..

واذا تبي اوصف لك محارق ابشر...

بالتوفيق...