جذره تحت مابين نبتٍ ومجرا...الحل...زمام...حله...مداعب الضلع..كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي


لغزي وريعٍ سالف الوقت يطرا=ورعٍ ثلاث ابيات تكفي وصوفه
ورعٍ عقب طعنٍ تبوأ مقرا=ماظن راع الغطو ذهنه يطوفه
جذره تحت مابين نبتٍ ومجرا=نقطه وحيده واربعه هن حروفه
ماغير راسه ظاهرٍ لك تعرا= لو كان في حالات تِمْنَع تشوفه


مع تحيات ابو ماجد

منتديات مكشات . خيمة الالغاز

[يمكن شاعر]

عليكم السلام
وصح لساااانك ملايين ي الغالي لاهنت
مسحت الرمعه جاري التفكير ي غالي

[ابو ماجد 2]

عليكم السلام
وصح لساااانك ملايين ي الغالي لاهنت
مسحت الرمعه جاري التفكير ي غالي

صح بدنك ياشاعرنا المتمكن
مدري وش كانت رمعتك لكن لعلك تراجعت بعد ماحددت عدد الحروف

[يمكن شاعر]

محاوله ي غالي
سحاب راسه الحديده اللي تفتحه وتقفله ومرات ماتبين

[ابو ماجد 2]

محاوله ي غالي
سحاب راسه الحديده اللي تفتحه وتقفله ومرات ماتبين

تصور حلو ياحلو لكن نبي اللي تغطي اللغز برمته

[يمكن شاعر]

تسلم ي غالي
محاوله
خلال بيت الشعر

[ابو ماجد 2]

تسلم ي غالي
محاوله
خلال بيت الشعر

سلمت من الشر
مالك لوى يالغالي

[عيد القضيب]

اسلم ابوماجد محاوله زرار تحيتي وتقديري

[ابو ماجد 2]

اسلم ابوماجد محاوله زرار تحيتي وتقديري

سلمت من الشر يابو سلامه
اما انت بحكم زمالة المشيب فأكيد تعرفه
لايزال طليق يالغالي

[القناص سالم]

عليكم السلام
وصح لساااانك ملايين ي الغالي لاهنت

محاوله

مجهر

[ابو ماجد 2]

عليكم السلام
وصح لساااانك ملايين ي الغالي لاهنت

محاوله

مجهر

هلا بالغالي
صبحك الله بالخير
صح بدنك
مالك لوى
انتظر مرماعك القادم

[عيد القضيب]

صباح الخير زعيمنا محاولة معزل اومجدل تحيتي وتقديري

[ابو ماجد 2]

صباح الخير زعيمنا محاولة معزل اومجدل تحيتي وتقديري

صباح الخير ياوجه الخير
مالك لوى
لاتنس جذره مابين نبت ومجرى

[عيد القضيب]

اسلم ابوماجد محاوله مدفع الرشاش القديم او مدفع رمضان تحيتي وتقديري

[ابو ماجد 2]

اسلم ابوماجد محاوله مدفع الرشاش القديم او مدفع رمضان تحيتي وتقديري

سلمت من الشر
مالك لوى
ورع يالغالي حتى ممكن اصغر من الزرار

[مداعب الضلع]

الزمام ...

[ابو ماجد 2]

الزمام ...

الله . الله . الله
كفوووووووووووووووووووو كفوووووووووووووووووووووووووووووو كفووووووووووووو
كفوووووووووووووووووووووووووو كفووووووووووووووووو
نعم
زمام

https://sh22y.com/vb/imgcache/121614sh22y.jpg

لله درك وصح لسانك ملايين
شرح اللغز

لغزي وريعٍ سالف الوقت يطرا=ورعٍ ثلاث ابيات تكفي وصوفه
نعم الزمام طاريه قديم اكثر من هالوقت
ورعٍ عقب طعنٍ تبوأ مقرا=ماظن راع الغطو ذهنه يطوفه
ياخذ مكانه بعد ثقب جدار الانف
جذره تحت مابين نبتٍ ومجرا=نقطه وحيده واربعه هن حروفه
بين النبت وهو شعر الانف ومجرى الهواء
ماغير راسه ظاهرٍ لك تعرا= لو كان في حالات تِمْنَع تشوفه
راسه فقط ظاهر وتشوفه ولكن في حالات اذا كان على غير محارمك تمنع من رؤيته
لله درك يالغالي

[مداعب الضلع]

صحح بدنك يا ابو ماجد
ولغزك وافي وماعليك زود يالاميرر

[عيد القضيب]

صح لسان الجميع حنا نقول عليه زميم اما الزمام عندنا غيراسلمو ويعطيكم العافيه يقول الشاعر
والزميم ساطعٍ ياضي جديدي=والكفوف من الفتخ معوشرات
تحياتي وتقديري للجميع

[ابو ماجد 2]

صح لسان الجميع حنا نقول عليه زميم اما الزمام عندنا غيراسلمو ويعطيكم العافيه يقول الشاعر
والزميم ساطعٍ ياضي جديدي=والكفوف من الفتخ معوشرات
تحياتي وتقديري للجميع

هلا بك يابو سلامه
وصح بدنك يالغالي
نعم قد تختلف المسميات من منطقة لاخرى
والزميم تصغير للزمام
وقد ورد بالشعر الشعبي على الوجهين
ليتني شذرة زمام على مبسم له ...فوق بيض تلاعج مثل برق الغمام
ويقول آخر

الخد براق سمر في غمامه..وعيون سود ناعسات مكاحيل

والخشم مسلوب زهابه زمامه...كنه من الرهاف البيض المصاقيل
ويقول آخر بتصغير مسماه
وزميمه اللي من مقدم الخشم كنه....نوار حوذان جلت عنه الارتاد
وتذكرت اغنيه قديمه لطلال مداح الله يرحمه

لالا يالخيزرانة في الهوى ميلوكي
لالا وان ميلوكي مالت الروح معاكي

لالا وزمام سيدي طاح في جمة البير
لالا وجنيه ابو سيفين للي يجيبه

[ابوماريا]

ماشاء الله
لغز في غاية الرووووعة
صح السانك ملاااايين يابو ماجد

ومليوووون كفوووووو
يامداعب الضلع