رجه الباترول فتك

[صاحب الفتك]

السلام عليكم ورحمة الله وبركاته

اخواني. الباترول مايعيبه الشعره. بس هابلتني هالرجه اذا كلت مطب يرج الدركسون معي

او اذا وصلت لسرعه 80 الي 120 يرج معي

مع العلم الكفرات والجنوط جديده ومرصصه ارضي

الجنوط 17 بلاده وكفرات دنلوب
اسعفوني ولا ترا ابببيعه >>تكفي😆

مع ان ودي بالبالون بس قلت دام الرجه كذا وهو بلد كيف بالبالون

[حسين2002]

وعليكم السلام ورحمة الله وبركاته

الرجه قد تكون من مساعد الدركسون يحتاج تغيير أو رمان الكفر تحتاج شد أو من رباطات الدفرنس الأمامي اللي ماسكه مساعد الدركسون

كل هذي احتمالات وراده

[صاحب الفتك]

وعليكم السلام ورحمة الله وبركاته

الرجه قد تكون من مساعد الدركسون يحتاج تغيير أو رمان الكفر تحتاج شد أو من رباطات الدفرنس الأمامي اللي ماسكه مساعد الدركسون

كل هذي احتمالات وراده


حياك ربي
مساعد الدركسون استرالي اصفر والرباطات سليمه
بس عندي ذراع مساعد الدركسون يتحرك معي هل هو منه

[MSAN]

شيك على الأذرعة الأمامية لايكون فيها فضاوة

غير مساعد الدركسون


بالتوفيق

[حسين2002]

طيب الرمانات حقت الكفر حاول ترفع الموتر بعفريته وتحرك الكفر الى الداخل اذا تحرك فالرمان يحتاج شد جرب ترفع الكفر الامامي الايسر والايمن

[صاحب الفتك]

ابجرب وابعطيكم خبر

والله يجزاكم خير علی الرد السريع

[ابوسند9]

وعليكم السلام
شوف عندك عمو البنهارد , اللي راكب فيه مساعد الدركسون , فيه ربلتين كبس, وسعرهم ب 230 ريال , وتراهم من خلال النظر تشوفهم سليمات .لكن من الداخل متقطعه , وانتبة تركب تجاري
ولا تتعب نفسك وتخسر المشكله منهم اذا مساعد الدركسون مافيه تهريب زيت

[صاحب الفتك]

جربت ارفعه واهز الكفر

من فوق لتحت ماكو رجه
اما يمين يسار فيه وش حلتها

[وطن العزة]

من كلامك واضح إنه الذراع الأمامي اللي يركب فيه المساعد واذا تبي تتأكد

امسك الذراع وخل واحد يلف الدركسون على خفيف يمين يسار وتتبين الفضاره ويمكن مع طقطقه خفيفه

قبل فتره مغيره للسفاري وكان فيه نفس وصفك للمشكلة و لله الحمد ضبط

[ابوسند9]

جربت ارفعه واهز الكفر

من فوق لتحت ماكو رجه
اما يمين يسار فيه وش حلتها
شف يا الحبيب
من فحصك تبين ان الرمان عندك سليم
اما يسار يمين شي طبيعي بيتحرك الكفر وبيكون هناك فضاوه, ولو تسوي يسار يمين بشيول او قلاب راح يتحرك
وانا راح اشرح لك اسباب رجة الباترول من موديل 88 الى موديل 2015
- الرجة مع المطب والحفر الصغيره هذي سببها ربلات عمود البنهارد
طريقة فحصها والسياره طافيه والدركسون سيدا ,ضم يدك على على عمود البنهارد مع المنتصف وخلي حد يحرك الدركسون يسار يمين بشكل سريع اقل من ربع لفه , اذا حسيت بيدك ان العمود فيه فضاوة اي يحرك بيدك ولو شي بسيط فعلم ان الربلات تعبانه
- الرجة مع دعس الفرامل هذي خرط هوبات امام فقط والخلف مالها دخل بتتا
- غير ذلك :
- ترصيص
-مساعد دركسون , لف الدركسون لليسار للاخر وشوف بيدك بيت المساعد من الداخل اذا فيه تهريب زيت , غير ذلك يعتبر سليم
- رمان يحتاج شد , وفحصة كما عملت انت
- طعج في احد الجنوط او كفرات محبله , الفحص تبديل الامام با الخلف
- فضاوه في ذراع الدركسون الواصل بين الكفرات ,فهناك ذراع امام الدفرنس وذراع خلف الدفرنس , هنا فحصه يحتاج شخص فنان , لان الذراع اذا الفضاوه خفيفه فما يحتاج كبس , وهنا يعتمد على خبرة المهندس
وجميع ما ذكرته اعلاه اي شخص بنفسه يقدر يفحص السياره بدون ما يخسرويغير ويغير

[بواسامه]

وينك فيه يابوسند تفحص لنا جعلك تحيا

[شاق النفد]

عندك رمانات الركب اللي فوق واللي تحت يبيلها فك وذب وردها وخرط القاعدة ملي واحد واهي 7 ملي

واضمن لك بعد الله سبحانه انها تروح لاني مجربها ع شاص تويوتا وربع فتك

[ابو تركي 779]

السلام عليكم

اتوقع والعلم عند الله يكون من البيرنق(الرمان الامامي) يبيله شد بعض المرات يكون فيه فضاوة والمشكله هذي دائما في الباترول فتك

[شقرآآآوي]

حياك الله ..



قبل فترة طلعت معي هالمشكلة وكان الباترول ( يرج بمعنى الكلمة ) رجته قوية بالحيل ومزعجة جداً , عرضته على واحد وقال غير مساعد الدركسون والجلب الأمامية ( جلبتين ) ويبي يضبط معك .



وفعلاً ضبط , والآن أموره تمام يارب لك الحمد

[معدي المرقاب]

هلا اخوي عندك الاذرعه اكبسهن او بدلهن وريح راسك الرمان مايسبب رجه اذا اكلت مطب اذا كان الرمان عطلان يبتل يرج .

[صاحب الفتك]

هلا وغلا باللي ردو ماقصرتو
غيرت ذراع الدركسون وراحت الفضاوه فالدركسون
اما الرجه خفت بشكل ملحوظ
ابغير جلد البنهارد وابعلمكم بالمستجدات