مشكلة مكيف التاهو الامامي 2014

[al3slii]

السلام عليكم ورحمة الله وبركاته
شريت تاهو بشهر رمضان 2014 وارتحت معه الحمد لله وجلس تمام سافرت قبل يومين وتمشيت المكيف ماشاء الله تبارك الرحمن رجعت من رحلتي اليوم الثاني غسلت الصباح السيارة وشغلت المكيف عيا يشتغل جربت المكيف الخلفي شغال . المكيف الامامي ساااااكت ولا إي نسم حاولت حاولت بدون فائده خليت المكيف شغال وفكيت الهوايه يجيبني هوا بارد أقفل الهوايه ما يطلع اي هوا المشكله السيارة وكاااله على يدي ولا تعبثت بأي شئ زي ماهو من المصنع تتوقعون المروحة ضربت
تكفون دلوني وش اسوي ووش يكون السبب حرام والله وقهر هايلكسات موديل 88 شغال وانا 2014 ومشى 19 الف وما في مكيف الله لا يوفق شركة gm

[1824]

السلام عليكم ورحمة الله وبركاته
شريت تاهو بشهر رمضان 2014 وارتحت معه الحمد لله وجلس تمام سافرت قبل يومين وتمشيت المكيف ماشاء الله تبارك الرحمن رجعت من رحلتي اليوم الثاني غسلت الصباح السيارة وشغلت المكيف عيا يشتغل جربت المكيف الخلفي شغال . المكيف الامامي ساااااكت ولا إي نسم حاولت حاولت بدون فائده خليت المكيف شغال وفكيت الهوايه يجيبني هوا بارد أقفل الهوايه ما يطلع اي هوا المشكله السيارة وكاااله على يدي ولا تعبثت بأي شئ زي ماهو من المصنع تتوقعون المروحة ضربت
تكفون دلوني وش اسوي ووش يكون السبب حرام والله وقهر هايلكسات موديل 88 شغال وانا 2014 ومشى 19 الف وما في مكيف الله لا يوفق شركة gm

اخوي الله يبارك لك في موترك بس شوضعك اي شيء في السيارة يصير لمدة ثلاث سنوات و100 كيلو لا تكلم احد غير الوكالة وكل شيء ببلاش راح تتشكى عند الناس شاريه سيارة جديدة ليه اجل اشتر هايلكس مستعمل اصرف اذا السالفة امزح معك ترى :heart: المهم راجع الوكالة ولا تشيل هم شيء بالتوفيق لك واذا تبي نشوف لك المشكلة صور لنا الديكور من داخل والمكيف شغال عشان نعرف وش السالفة من شرحك السيارة مافيها شيء بالتوفيق لك

[al3slii]

الله يرضى عليك يالغالي حجزت موعد عند الوكاله يوم الاثنين والله يعين نبي تفتك من الورش وشكلها فينا فينا الله يخارجنا على خير

[الحربي 591]

انا اتوقع شي بسيط مادام ان يدخل هوا بارد
من المروحه يمكن

[al3slii]

الله يخارجنا يا بن أخي أن شاء الله شي أهون من المروحة مع اني حاس أنها المروحة أو منظم المروحة أو فيوزاتها لأن المكيف شغال على الهوايه وشكل الثلاجة بتمتلي تراب كرمتم
وجعله بوجة شركة gm

[موادع 1]

عوافي
شغلتك بسيطة وبيصلحونها في يومها
موفق والله يبارك لك

[الحربي 591]

وش ذنب GM :D:D
يعني لو السياره فيها مشكله وهم عارفين ببيعونها لك مثلا؟؟
الوكيل ممكن يسويها لكن الشركه ما تدري انا اتمنى يجون يفتحون فرع عندنا
راح يخرب على الجميح والتوكيلات

[alwali]

علمنا وش صار وياك لا تهمل الموضوع

[م.سعيد]

شوف فيوز المروحة..احتمال يكون محروق
غير ذلك, لا تخلي احد يتعبث فيها..روح للوكالة طالما على الضمان

[al3slii]

السلام عليكم ورحمة الله وبركاته
اليوم رحت للوكالة فرع حائل دخلت السيارة شيكو عليها قالي عطل بسيط في المروحة وأنا أتوقع انه فيوز كان محروق وغيروه المهم ان المكيف اشتغل والحمدلله طبعاً طالبتهم يغيرون المروحة قالي المروحة بتاعتك شغاله ولكن حنعملك طلبية على القطعة وسجلي رقمها على الفاتورة ظرف اسبوع اسبوعين نتصل بيك وتجي تركبها

لكن وش سبب الخراب الله أعلم

شكراً للجميع على محاولة المساعدة

[كوتشي]

.يا شيخ حرام عليك المفروض تكتب الحل صارت لي حاليا نفس الموتر تاهو 2014 ولا اعرف الحل المكيف يشتغل لاكن المروحة ما تدفع ابد هدوء
نبقى الحل يا خوي اذا وصلك العلم

[alwali]

هذي مشكلة بعض الاعضاء يبي ياخذ مصلحته ويمشي
انا قايله لاتهمل الموضوع وحط الحل
علشان يستفيد الجميع

[alwali]

اذا السيارة مو على الكفالة
هذي اكيد مروحة الدفع خربانه
انا حصلت معي وبدلتها والظاهر انه عيب مصنعي

[كوتشي]

بأذن الله انا راح ابطلها بكرا وبشوف وش سالفتها وباخذها الى كهربائي يشغلها اذا اشتغلت يعني في مشكلة ثانية اما اذا ما اشتغلت الله يعين نشتري وحدة جديدة
لاكن كم قيمتها

[أصيل حجآ زي]

بأذن الله انا راح ابطلها بكرا وبشوف وش سالفتها وباخذها الى كهربائي يشغلها اذا اشتغلت يعني في مشكلة ثانية اما اذا ما اشتغلت الله يعين نشتري وحدة جديدة لاكن كم قيمتها



يا كوتشي :
يمـكــّــن أن مشكلتك
في مجموعة المقآومة التي
تتحكم بســـُــرعــّـة المروحـــّــة ،،،
.


مرآوح المـُكيف بالغمآرة وأصلاح الخرآب بتبديل المقآومة التي أحترقت رُبما ألتمست أو خلل (http://www.mekshat.com/vb/showthread.php?t=432212)
.
.
.

[alwali]

انا اشتريتها من الكويت بحدود ال 600 ريال