مشاكل دبل الجمس 2000 إلى 2006

[hanih9111]

السلام عليكم ورحمة الله وبركاتة

يأخوان عندي استفسار عن مشاكل دبل الجمس2000 الى 2006 الفاشل بقوة

عندي سيارة عطل فيها الدبل وصار يرشح زيت الدبل من الصورة الخلفية

ووديها الورشة وضبت الدبل
1- غيرة جرم الدبل الخلفي لأن كان متاكل من عند طرنبة زيت الدبل
2- غيرة جلب النحاس إلى قدام الصوفة عامود الكردان
3- غيرة صورة عامود الكردان

وبصراحة السيارة ما مشية فيها أكثر من 1500 كيلو

ورجع تهريب زيت من الصوفة وصوت الجنزير طالع مع العلم لام استخدم الدبل نهائيا من شريت السيارة

ياليت إلى عندة خبرة يفيدني من المهندسين

هل الغى الدبل وافتك من قرعة

أو ارجع الصلحة

ولو أحد يعرف مهندس أو ورشة بالمدينة المنورة ياريت لايبخل علينا بعيد عن التصبين والمحتالين

[1824]

المشكلة ليست من السيارة انما من الذي عمل عليها وثانيا وش الزيت الذي استعملته للدبل يجب ان يكون AUTOTRAK2

اي زيت غيره انت في طريقك لخراب الدبل يجي لون الزيت ازرق هذا حق الدبل اي زيت ثاني يسبب مشاكل

والصوف على الي يركبها دائما اي واحد يركبها لك خل يضمنها لك اقل شيء ثلاث شهور انت يوم خذيت السيارة من الوكالة كانت كل 1500 كيلو تهرب لا يا انك تصلحها في الوكالة او تشوف واحد خبرة لا تلوم السيارة في مشاكل ليس لها شأن فيها انما لوم العمالة السيئة المتوفرة لتعلب بسيارتنا وفلوسنا ما اقول الا الله يعنيك ويسهل عليك ويوفقك ودائما خلك متفائل وادع الله في كل شيء بالتوفيق لك

[وحيد الجلاوي]

وعليك السلام
مدام انك وضبت ولا نفع
نصيحه اخذ واحد من التشليح واهم شي مافك الدبل

[ابو اصيل GMC]

السلام عليكم
انا عنيت نفس الشي والحين لي 3 اسابيع مطلعها من ورشه غيرت الصوف
والوجيه وخليته ينزل العكوس الاماميه والحمدلله تمام

[عنزي من نجد]

فيه زي المشقبية حديد جوا جرم الدبل الخلفي اغلب الميكانيكين يفكونها وهذا غلط ﻻزم بيهرب معك ﻻزم تكون موجودة أنا اتكلم من واقع تجربة