عزوبي وهلكتني وطفرت بي المطاعم ...

[M i X]

السلام عليكم ورحمة الله وبركاته ~


حيا الله كلن بإسمه ... مثل ماتشوفون بالعنوان العزوبية شينه والجوع كافر وفوق ذا كله ما أعرف أطبخ حدي إندومي وتخب علي :(


أبي منكم إخواني خدمة أبتعلم كيف أسوي الكبسة بالتفصيل الممل أعشق الكبسات بس مافيه مطاعم تزبطها غير كذا شغل يدي أحسن فقلت بتعلم دام إني فاضي ~


ملاحظة حتى المكرونه أحبها لكن ما أعرف أطبخها وكمان الرز أفضله أحمر , أهم شي مايكون أبيض إلا إن كان يضاهي طعم الأحمر بذي الحاله عادي :D


وياليت الشرح موضح كل صغيرة وكبيرة وبالصور ...
+ الإخوان اللي بمواضيعهم يقول خلطة سريه وخلطة سرية والله لو تعلمنا باللي تسويه بالضبط تكسب أجرنا طول العمر وش بتخسر لو ماعلمتنا؟



ترا القدر اللي عندي العادي مو الضغط ... وشكرا لكم ~

[الوافي.]

شف وانا اخوك ياما تمرمطنا مع ربعنا اللي اكبر مننا لين تعلمنا الطبخ
ولازم ننتقم من اللي يبي يجي بعدنا
اولا لازم تكون راعي بر وتكشت مع بعض الربع اللي اكبر منك واللي يطبخون وتكون معاون له تقطع البصل واللحم والطماط
ثانيا لازم تكون قرم وتغسل المواعين اولا بأول
ثالثا فتح عيونك زين
غير كذا راح تبطي تتعلم

[M i X]

شف وانا اخوك ياما تمرمطنا مع ربعنا اللي اكبر مننا لين تعلمنا الطبخ
ولازم ننتقم من اللي يبي يجي بعدنا
اولا لازم تكون راعي بر وتكشت مع بعض الربع اللي اكبر منك واللي يطبخون وتكون معاون له تقطع البصل واللحم والطماط
ثانيا لازم تكون قرم وتغسل المواعين اولا بأول
ثالثا فتح عيونك زين
غير كذا راح تبطي تتعلم

الله يبيض وجهك عالرد يا غالي ~


بخصوص البر وهالعلوم أنا راعيها لكن انا الحين بديرة ما أعرف فيها غير الحضر ماهم حقين هالعلوم وربعي يوم كنت بديرتي الله يردني لها يوم نكشت كنت أسوي كل اللي تقوله لكن ماتعلمت الطبخ منهم لأني ماكنت أفكر فيه لكن الحين أحاول وماتزبط معي إلا نادرا ...


جزاك الله خير ~

[ابوقاسم]

الشباب مايقصرون
ادخل خيمة الطبخات وشوف المواضيع وطبق اللي تشوفة
تحياتي

[تميم2222]

مشروع كرف ههههههههههههههههههههههه اعرس يالرجال

[قنطورس 1989]

الكبسة وانا اخوك ماهنا اسهل منها وتعتمد على لمساتك اما مكوناتها شف كثر المواضيع فيها تبي تمل. لكن تاخذ منك وقت اذا كنت بالديرة ما اظن انك تبي تقدر تفرغ لها اذا قدرت اسبوع اللي بعده تمل
واذا انك صامل نوع وغير بين المرق وبين المكرونة ونوب فاكهة ونوب نم طاوي بطنك والا كثر اذا طبخت والباقي اسخنه :)
ومثل ماقال اخونا فكر تزوج ابرك لك
موفق

[nyhhhh]

هههههههههههههههههههههههههههه

حيااااااااك

اذا مشتهي شوي دجاج

شف الموضوع ذا

http://www.mekshat.com/vb/showthread.php?t=599433

http://www.mekshat.com/vb/showthread.php?t=111427

واذا مشتهي كبسة حاشي عندك ذا

http://www.mekshat.com/vb/showthread.php?t=329090

واذا مشتهي مكرونه عندك الموضوع ذا

http://www.mekshat.com/vb/showthread.php?t=92618