مطلوب دلال العساف الاصليه

[اللميع]

مطلوب دلال العساف بشرط تكون مقاس كبير اكبر من اللي موجود السوق
المشكله ماني عارف ارقام المقاسات . واذا احد عنده خلفيه بالمقاسات يفيدنا

[دغيم1]

حياك الله أخوي
تم نقل الموضوع لمكانه المناسب
تحياتي

[أبو شيري]

المقاسات الكبيره 40 و 47

الوسط 32

الصغيره 26

العساف الاصليه الكورية مبالغ بالأسعار اذا حصلتها

واذا تبي نصيحتي خذ العساف الاندونسي ما تفرق بشي نهائي

مجرد وهم عند البعض

عن تجربه لدي طقم العساف الاصليه الإصدار الأول القديم الكوري
والكوري الحديث اللي ختم اسفل الدله

وكم دله عساف اندونيسي بالعزبه

لا يوجد فرق ولا تغيير بالطعم في الاستخدام

اذا هناك فرق بعد التدقيق والتفحص فهو بصفاوة الجرم او خليط الاستيل
لجرم الدله ولكن لا يوضح بشكل سهل من اول معاينه

كذلك اختلاف بالمقبض للدله في بعض الإصدارات من حيث الانحناء فقط


لذلك خذ الاندونيسي وانت مغمض واستخدم والحمد لله

ترى ما أحد متقهوي زيادة او اذا صبيت لحد فنجال بالكوري الأصلي قال ما شاء الله القهوة اصليه

لذلك فالامر هوس عند البعض اذا انقطعت السلعه من السوق

[أبو ربى نجد]

ههههههههههه

بيض الله وجهك يبو شيري

عز الله إنك صدقت ...