قير ددسن 2014 ثقيل ما يشبك بسرعه ؟!

[عشقت رضاك]

السلام عليكم ورحمه الله وبراكته

ي شباب عندي مشكله راسي مصدع منها عندي ددسن 2014 ماشيه 6الاف كيلو شريتها ع الممشى هذا. المهم القير ي جماعه الخير في التبديلات ثقيل يعني مثلا ما يلقم بسرعه يتاخر السياره فاضي وابغا اعشقها ف الاول ثقيل القير وع باقي النمر نفس الموضوع لدرجه انه اشد عليه بعض الاحيان لين يشبك سويت وزن للكلتش رفعته ونزلته ولافيه فايده وبعض الاحيان وانا واقف ما يقبل يلقم ع الاول والا ع الريوس اش رايكم ي اخوان وش الحل ؟؟ مع العلم اني شريت الموتر ماشي ٦٠٠٠ وراعيه الاول يقول عشانها جديده شرايكم ؟؟؟

[هاوي بلادي]

اللي سمعت قيور ددسن الجديده

ثقيله ! في تبديل

ويفيدونك الربع

[عشقت رضاك]

الله يعطيك العافيه انا خوفي يكون في مشكله بش والا اذا طبيعي عادي ماعندي مشكله

[ابوعبدالله172]

ثقل التعشيق عندك بسبب مشكله جرب التعشيق والسياره طافيه اذاصار سليم وخفيف فالمشكله من صحن الكلتش يلزق على الدزق
وجرب ايضا تشغل السياره وانت ضاغط الكلتش هل فيه فرق

[عشقت رضاك]

ثقل التعشيق عندك بسبب مشكله جرب التعشيق والسياره طافيه اذاصار سليم وخفيف فالمشكله من صحن الكلتش يلزق على الدزق
وجرب ايضا تشغل السياره وانت ضاغط الكلتش هل فيه فرق

اخوي قصدك اجرب اعشق والسياره مقفله بدون كلتش ؟!
اذا قصدكً كذا جربت التعاشيق ثقيلهً مره لكن اذا ظغطت كلتش تصير تمام ..

وظغطت كلتش والسياره طافيهً وشغلتها مافي فرق

المشكله اكثر شي مع المشي وانا ماشي مثلا معشق الاول وابغا اعشق الثاني كذا يصير ثقيل ماتقدرً تلقم بسررعه!!

[SGL]

أفادوك الرجال لاكن عندي زياده
يوم مايعشق معك أبيك تدبل دعس الكلتش وجرب شوفه يعشق إذا عشق إعرف إن الخلل في الكلتش ممكن العلبة السفلية ضعيفه أو العلبة اللي فوق ضعيفة أو يحتاج تنسيم يكون بداخله هوا وإذا ماتغير معك حتى مع التدبيل شيك على زيت القير وعلى إصلاح عصى القير وسعره رخيص وتركيبه سهل وأحيان يوضح معك إذا إصلاح العصى خربان تلاحظ إن العصى فيها فضاوه وغير ثابته تتحرك يوم يكون معشق بنمره أو تهتز تنتفض

[salih100]

ماشيه 6000 ليه ما تروح الوكاله ؟
حتى لو خليجي يقبلونها غصب

[اليامي قطر]

الجديدغير مقبول عذره في مثل هالاعطال

الكلتش فيه خلل شيك عليه وخرابه يرجع لمالكها الاول

سواقته ماهي مظبوطه وفالك التوفيق :)

[شعيب المسمى]

غير زيت القير وتنحل مشكلتك

[سارق الكحل]

سوى تنسيم لزيت الكلتش
من العلبة الي تحت

[بلدي عمان]

نصيحه روح الوكاله وخلهم يتأكدوا منه لانها اكيد تحت الضمان

[عشقت رضاك]

والله ي اخوان ماعدت ادري وش اسوي لكن بحاول اكشف عليها كامل والله ييسر الامور

[عشقت رضاك]

والله يعطيكم الصحه والعافيه ولا يوريكمً مكروه في شي ابدااا

[خالد الاصيل]

الله يعينك المديلات الجديده ماهي مرغوووووووبه 2014 2015
للأنها مكسيكي
واللي قبلها ايضا غير مرغووووووبه 2010 2011 2012 2013
لأنها تايلندي

جاري معه 2013 تايلندي فاكها وكاله ،، محافظ عليها كل يوم لها بعله حنة بالمكنية تهريب برمانات خراب بالدينمووو وقلة حيا واللحين يشكي من القيررررررررررر
الله يعين الواحد يشتري جديد يبي يرتاح
ويطيح بعلة القديمه احسن منها
وطبعا جميع ا للي يبي يشتري قير تشليح يشتري قير92 ولايشتري قير 2013
لانه اصلي ،،


وبالمعارض مديلات 2009 محدودات على 50 الف وهي قزاز عادي غمارتين ماشيه 80 الف

والجديده المستعمله ،، رخيص

[ممتر البران]

هل هذي اول سياره قير عادي جديده تسوقها؟
اذا ايه فما فيه الا العافيه، هذا لون القيور الجديده مع الوقت تسهل.
ولا تخاف الا من القير اللي يسابقك على النمر.

[عشقت رضاك]

الله يعين من جد الواحد يبي يرتاح ...
اخوي ممتر البران لا والله ماهيب اول سياره قير عادي يمكن رابع سياره من غير سيارات الشباب
والله يسهلها يالزميل ..