ارجو الحل تفتفة وتكتيم والسيارة بارده ؟؟؟

[جمس 19]

السلام عليكم ورحمة الله وبركاته

عندي مشكلة وهي ان السيارة اذا شغلتها وهي واقفه اكثر من 6 ساعات يجي فيها تكتيم وتفتفه وثقل في الدعسة قوية مرة ياله تمشي السيارة تقعد عشر دقايق ثم تخف واجد وخاصة في بداية الدعسه

غيرة البواجي وأسلاك البواجي وصفاية البنزين وفحصة طلع مافيها شي

أرجو منكم المساعة

وجزاكم الله خير

[الاشهب 507]

اسمع ياطول العمر
اي سياره كلبليتر لزم تحمى
اقل شيء 10 دقايق في البرد
والتفتفه والتكتيم ماتروح لو تسوي
ماتسوي وترى بتخرب البلوف عليك
إذا ماحيتها فخله حلقه في اذنك ماراح
تقدر تفتك من التكتي والتفتفه إلى في الصيف
بس خيرها في البرد اي سياره كلبليتر لزم تفتفه وتكتيم
الشعب كامل متعودين عليها ومتعارف عليها من زمان
وبعدين انت ماذكرة لا السياره ولا موديله ولو فيه لها حل
كان لقيوه لولين قبلنا لكن مالها حل حله الويحيد واحتماليته
نجاعه ضايله انك تحاول ترجع الكلبليتر شد بلد
يعني يحمي والسياره بارده يعني يدعس على واحد
لين تحمى بعدين يرجع طبيعي اتوقع فهمة قصدي معى انه
إذا خرب صعب يرجع وهو اصلن كذا يجلس زي العسل
لين تمشي السياره 300 الف او زي كذا ويخرب معاد يحمي
مدر وش السبب لك سياراتي كله تحمي مره وعشره لا
وهي معروفه مزمان الشغله هذي من زمان في الكلبليتر
الأشهب 507

[جمس 19]

جزاك الله خير
بس السيارة كابرس 94 بخاخات السيارة حتى لو الحرارة 50 نفس المشكله لازم تقعد 10 دقايق ويبقى تكتيم والثقل في الدعس بس يخف واجد

[متقاعد مبكر]

افحص الديلكو والكويل

[الحميضاني]

السلام عليكم
انا معي باترول 96 كبريتر اشغله اقل من دقيقه واحرك من يرتفع عداد الزيت احرك ولله الحمد ما شفت لا تقطيع ولا تفتفه شيك على كهرباء المكينه من ديلكو وبواجي واسلاك بواجي

[جمس 19]

الغريبة انها كل ماطولة واقفه زاد التقطيع والتفتفة

[م س س]

اللمبة الصفراء على شكل مكينة تولع وقت التفتفة ؟
لمبة (سرفس انجن سون )تولع معك ؟
على أي حال افحص حساس TPS راكب على جانب الكاربريتر اذا دعست بنزين تنفتح بوابة الكاربريتر وطالع حديدة من جنب الكربريتر مرتبطة بهذا الحساس علشان يفر من داخله كذلك طالع في سسته الدعسة عند الواير احتمال تكون منكسرة او فيها صدأ مشكلتك تقريبا مشكلة حساسات وكهربه .

[يالبى الهلا]

فعلا مُشُگلتگُ م̷ـــِْن حساس الدعسة تحتاج الي تنظيف
تفتف الموتر ويطول التشغيل

[SGL]

أخوي إذا موترك مافيه بلف حرارة أنصحك تشتري جديد أصلي وتركبه وتجرب موترك بعدها وتردلنا خبر

[رقم 1]

طيب اذا شغلتها يطلع دخان اسود واذا خفت التفتفه زي ما تقول يختفي الدخان والا لا
الشي الثاني من متى وانت تعبي 91
الشي الثالث البواجي اللي غيرتها بلاتنيوم والا عادي او قلي كم سعرها
الشي الرابع الموتر ينقص مويه والا لا
الشي الرابع انت فاك البلف والا لا انتظر ردك وبالتوفيق

[جمس 19]

مايطلع دخان

من زمان بس جت فتره اعبي 95 ونف المشكله

البواجي اصلي

الموية تنقص والزيت ينقص كل 5000 علبة

كنت فاكه وركبته

[جمس 19]

بعض الاحيان اشغل السيارة وامشي بسرعة اول ماتشتغل طبيعي مرة تقعد يمكن نصف دقيقه بعدين يرجع التكتيم والتفتفة

[رقم 1]

مايطلع دخان

من زمان بس جت فتره اعبي 95 ونف المشكله

البواجي اصلي

الموية تنقص والزيت ينقص كل 5000 علبة

كنت فاكه وركبته


1- اول شي ركب صفاية بنزين
2- ضروري تعبي 95
3-في علبه منظف بخاخات تحصلها في قطع الغيار او عند الوكيل وعلى فكرة ارخص وكيل بالبيد وهذا رابط الصورة http://ww2.justanswer.com/uploads/Micharoe/2010-04-03_024403_cleaner.gif (http://ww2.justanswer.com/uploads/Micharoe/2010-04-03_024403_cleaner.gif)
3- تصبها كلها فالتانكي وتعبي فل 95 لو تمشي فيها مشوار حتى لوكان 200 كيلو احسن عشان تستفيد ولا هو لازم تسرع عادي على 140 -150 كافيه وانشاء الله بعد 3-4 تعبيات فل من 95 تنتهي مشكلة التفتفه نهائيا
وياليت تتعود انك تقول للعامل دائماَ يعبي شوي شوي عشان مايخض التانكي ويطلع الاوصاخ (سواء في هالسيارة والا غيرها.. خذها قاعدة)
4- خذلك بخاخ ايسي ديلكو على فضاوة ونظف بوابة الهواء (الثروتل وطريقة تنظيفه تبلل القطعة قماش من البخاخ .. حتى لوكانت فنيله قديمة وتنظفها حتى الشفه الدائرية من فوق وتحت)
5- بخصوص نقص الزيت يمكن عندك تهريب في الصوفه الخلفية للمكينة وتهريب من عند السيفون (فلتر زيت المكينه)

واي استفسار ارسلي رقمك على الخاص وابشر