رانجلر 97 ابي ابدل المكينة S1

[diver1120]

السلام عليكم ورحمة الله وبركاته

اخواني اخوكم من الكويت محتاج مساعدة موتري جير تماتيك صحارى حولته جير عادي بس عزم مافيه
ومالي خبرة بترهيم قررت بعد تعب وجهد احاول اقوي عزمه مااافي فايدة فسمعت بمكينة s1 فحاب ابدل المكينة شنو تشورون عليي وشنو احتاج ابدل وهل احتاج اغير الدفرنش ولا لا والجير يحتاج ابدله ؟؟؟؟ وشنو الاشياء السلبية الي بتصير لو ركبت هلمكينة كرما وليس امراً ابي تفاصيل واعتذر على الاطااالة ملاحظة الموتر بعد ما بدلت الجير وقت التعشيق فيه نفضه واضحه واذا في احد تنصحوني اودي سيارتي عنده بس يكون بالمنطقة الشرقية نظراً لقربي من المنطقة ودمتم سالمين

[حاميش]

راسلني خاص

[diver1120]

http://www.mekshat.com/pix/upload05/images253/mk159647_273509246ca711e3a9f8126315c18a6f_7.jpg

[diver1120]

لا اله الا الله محمد رسول الله

[الصيادالمليح]

ما ذكرت لنا نوع القير اللي غيرته هل هو مناسب للسيارة و لقوة المكينة ؟؟

احتمال كبير ان القير ضعيف جدا بالنسبة للمكينة ولهذا عزمه ضعيف

لابد تسوي وزن لتروس القير المستخدم وهل هو مناسب للدفع الرباعي و هل مقاسات القير مناسبة او لأ

فاعتقد انك لابد تغير القير لأن المكينة قوية

[diver1120]

القير رانجلر 97 شريته من السكراب يعني نفس السيارة بس كانت تماتيك حولتها عادي

[MSAN]

بسم الله الرحمن الرحيم
القير الي ركبته اسمه AX15 وهو ممتاز ويتحمل ومجرب على رانجلر استخدام يومي زي الفل.. وهو القير الـ 5 تعاشيق الي نزل على الشروكي والرانجلر.. بس انتبه لاتجور عليه لأنه ماراح يتحمل مثل قير الباترول.. يعني لاتجلد الموتر :D


القطع الي تحتاجها ياطويل العمر:
مكينة LS1 موديل 2006.. انتبه ثم انتبه.. أفضل موديل هو موديل 2006 لأن ثلاجتها مختلفة عن الموديلات السابقة.. تجي نفس ثلاجة LS6.. والأزرعة تجي أقوى من موديلاتها السابقة
طبعا بمجرد ماتركب المكينة وتشغلها راح يكون عندك خيارات كثيرة انك تغير المكينة بدون ما تغير أي شي ثاني..
مثلا ركبت LS1 تقدر تشيلها وتركب LS3 أو L92 أو 5.3 أو 4.8 أو 6 لتر.. لأنها نفس الكراسي ونفس حجم المكينة من الخارج

طبعا اذا اخذت المكينة لازم تاخذ معها ظفيرتها وكمبيوترها..
بعد كذا تختصر الظفيرة عند كهربائي متخصص (يلغي الأفياش الزايدة) ثم مبرمج عشان يفك سيكيوريتي المفتاح من الكمبيوتر عشان تشتغل معاك
(((خيار آخر)))
تشتري كمبيوتر رياضي ماركة هولي يجي معه ظفيرته جاهز للتشغيل وأنظف وأجمل وأفضل وأقوى وأريح.. وأغلا بكثييير.. قيمته عندنا في السعودية حول 7000 ريال :(

تحويلة بين القير والمكينة.. عشان تطبق مسامير داير القير على جرم المكينة وكراسي مكينة وأنصحك انك تاخذها من شركة اسمها Novak شف هذا الرابط
http://www.novak-adapt.com/knowledge/tj_swap.htm

باقي عندك موضوع الكلتش وفيه خيارات كثيرة.. ماعندك مشكلة فيه

ثم ياطويل العمر تمديد نظام البنزين.. وأنصحك تلغي الرقليتر والطرمبة (لانها في الرانجلر شد بلد تكون كلهن داخل التانكي) وتركب داخل التانكي طرمبة فقط وتكون طرمبة تعديل او طرمبة ACDelco رقمها 381 وتمدد لياتها للخارج ثم تمدد لي الراجع من الرقليتر الخارجي (رقليتر يعني منظم ضغط البنزين) لأن ضغط البنزين الي تحتاجه مكاين LS تختلف عن الشروكي.. فـ تتحكم في الضغط من الرقليتر.. ثم من الرقليتر لماصورة البخاخات

ثم اذا جلست المكينة يبغالك تبرمجها.. عشان تقلل صرفية البنزين والكربون وتعطي أفضل أداء لها

طبعا لاتنسى موضوع تفصيل الهدرزات.. والرانجلر بالذات يبغاله واحد فنان يفصل هدرزاته لأن كبوته ضيييق ومحشور



ان شاء الله اني مانسيت شي


بالتوفيق يا غالي والمعذرة على القصور

[حاميش]

سألت أحد المختصين في الرانجلر وأجابأن قير الرانجلر ما يتحمل كرف أفضل شي تركب قير جمس ودبل جمس

[MSAN]

سألت أحد المختصين في الرانجلر وأجابأن قير الرانجلر ما يتحمل كرف أفضل شي تركب قير جمس ودبل جمس

هلا بك يالغالي..

القير خمس تعاشيق مجرب على رانجلر وعلى شروكي (كلهم نفس القير) وكلهم مكاين LS1 استخدام يومي بمكيف.. وماعمرها اشتكت من شي

لكن لو تتعدل المكينة ويتخفف الموتر ويصير موتر لعب ومراقا فـ كلامك صحيح.. القير مايتحمل الاستخدام الجائر مثل قير الباترول


بالتوفيق