سؤال للاخوه الكرام شاص 8 سست او شاص 11 سسته

[اابن فهيد]

مساكم الله بالخير بالربع وش لونكم عساكم اب خير
اما بعد....
عظم الله اجركم في وفات فقيد الامه الاسلاميه الملك عبدالله بن عبدالعزيز ال سعود
الله يرحمه ويسكنه فسيح جناته
ثانياً انا يالربع نويت اشتري شاص تايوتا وبيه لجميع الاستخدامات يعني بر و تحميل و مقناص و للبل وللنفود الخ..... مالكم فالطويله
وابي شور المجربين والمجربين خير برهان والمثل يقول اسئل مجرب ولاتسئل طبيب
الزبده اخذ ابو 11 سسته ولا ابو8 سست
والشي الثالث ابو 8 سسته لو ركبت له سست وييات استراليه الي عند محل الرمايه
هل يتحمل وزن ثقيل مثل ابو11 سسته ولا لا؟؟؟؟؟؟؟؟

ارجو من لاخوان اخذ الموظوع بجديه خاصه المجربين
وسلامت الجميع

[ابو فهد...]

خذ ابو ١١ سسته واسحب منه وخلهن ٨

[ابوراكان تبوك]

ابو 11 ريشه سعودي ياي مقفول يعني االله يعينك ع المطامر
ابو 8 ريش ياي مفتوح والين مطب

نصيحتي خذ ابو 8 ريش ياي مفتوح وجربه وانا مانفعت السست في التحميل زيده ريشه او ريشتين حسب الطلب لان الفرق لابو 8 ريش في الياي المفتوح وهو الالين مطب ومرغوب في السوق

[اابن فهيد]

لاهنت يابوفهد
ولاهنت يابوراكان
لأكن ابسئلكم ولاعلاكم امر
هل الشاص ابو٨ سست أقدر اظيفله سست ويصير ١١ سسته
وبالنسبه لسست الرمايه الي ذكرتاها طلعت مساعدات وياي ماهي يعني سست
بالمختصر هل اذا ركبت مساعدات وياي الرمايه هل يقدر الشاص ابو ٨ سست يشيل ويتحمل الوزن الثقيل الي يشيله
ابو ١١ سسته (((( نعم )))) او ((((لا ))))
اعذروني على كثرة الاسئله وعلى الإطاله
وسلامتكم

[اابن فهيد]

سبحان الله وبحمده

[ابوراكان تبوك]

لاهنت يابوفهد
ولاهنت يابوراكان
لأكن ابسئلكم ولاعلاكم امر
هل الشاص ابو٨ سست أقدر اظيفله سست ويصير ١١ سسته
وبالنسبه لسست الرمايه الي ذكرتاها طلعت مساعدات وياي ماهي يعني سست
بالمختصر هل اذا ركبت مساعدات وياي الرمايه هل يقدر الشاص ابو ٨ سست يشيل ويتحمل الوزن الثقيل الي يشيله
ابو ١١ سسته (((( نعم )))) او ((((لا ))))
اعذروني على كثرة الاسئله وعلى الإطاله
وسلامتكم
نعم تظيف له لو تبغى اكثر من 11 سسته
زود او نقص السست مايفرق نهائي في قوة التحميل الشغله فقط حتى ماتنزل السياره وحتى ماتنكسر بقية السست مع المطبات من شدة التحميل ( يعني الشيء اللي يشيله ابو 8 سست يشيله ابو 11سسته ) والشاص احسك متخوف من تحميله وهو أفضل سياره للتحميل الثقيل ولا سمعت احد شكى منه
حقات الرماية يركبوها للجكسار عن النزول لانه ياي فقط

فيه نقطه مهمه جدا نسيت اذكرها لك
الياي المفتوح والافضل في الراحه و8 ريش في الخليجي فقط
لكن المواصفات السعوديه يجي 11 سسته وياي مقفول وبعض الناس يسحب الريش ويخليها 8 والناس يشوفوه كذا ويحسبوه ياي مفتوح
انتبه لهذه النقطه اذا كنت تركز على الراحه

[عرب الشمال]

خذ الكلام انا اخذت شاص 14 جديد 11 ريشه ونا راعي حلال وتحميل وطلعات شبه دائم صراحه ابو11 ريشه متعب جدا وغير مريح يكسر ظهر وتحس انك متعب من المشي حتي لو انه مشوار في البلد اخر شئ كنت احط في الكفرات 20 هواء داخل البد ولاكن بدون فائده حتي لو سحبت من الريش وغيرت الياي ماراح يكون مثل ابو 8 ريش مالك في الطويله اني بعته وهو ماشي 5000 وشريت ابو8ريش رفرف صراحه فرق واجد في المشي اريح بكثير ولافيه فرق في النحميل دايم اشيل فيه كياس شعير عادي جدا

[وحيد الجلاوي]

افضل 8 ريش اريح في الخط والبلد بس للتحميل الله يعينك

[اابن فهيد]

بيض الله وجيهكم يالنشاماا الشقرديه
ولاهنتم

[صويب البرق]

اعطيك الحل المناسب لك لحظه فقط لرفع الصوره

[صويب البرق]

أخوي ابعطيك وجهة نظري وأشوفها الأفضل
مادام ناوي على شاص خذ ابو ١١ ريشه افضل بالمنظر والبيع اذا حدك الظروف ولكن ابعطيك حل للمناقز والمطامر حقه
بالنسبه للياي سهل رح للتشاليح وخذ ياي حق ربع او شاص رفرف يعني ياي مفتوح

بالنسبه للريش الخلفيه اسحبهن خل الموتر على ٨ ريش وخذ قفزان حقة شاص رفرف
http://cdn.top4top.net/i_4cd08633240.jpg (http://up.top4top.net/)

راح يجي الموتر متساوي او نازل شي بسيط من ورى لكن الحل عندي
رح للمخرطه او محل حديد وخذ حديده ١٢ ملي
وقل لصاحب المخرطه يخرمها ويزيد ٢سنتي او سنتي ونص
http://cdn.top4top.net/i_ae121e02cd0.jpg (http://up.top4top.net/)

والافضل لو تشتري مسامير ثانيه عشان حقة الوكاله مايفكها ويكبسها باللعابات الجديده
http://cdn.top4top.net/i_19079a4ea70.jpg (http://up.top4top.net/)

وهذا اللي حبيت أفيدك فيه واي استفسار آخر حياك
http://cdn.top4top.net/t_19079a4ea70.jpg (http://up.top4top.net/)