حرارة السلفرادو 2011

[abusarah1]

السلام عليكم
انا عندي سلفرادو 2011 الحراره ارتفعت علي مره بعد كذا صلحت الرديتر وصار مافي اي تهريب للمويه. بس ولله الحمد الموتر حرارته غير ثابته اذا وقفت وقت طويل ترتفع من النص (100) الى منتصف الربع الثالث بعدين تشتغل المراوح ويرجع العداد الى النص طبيعي. لم امشي تكون الحراره جدا طبيعيه
بدلت المراوح وبدلت حساس الحراره بس مافي فايده. في صناعيه الدمام ناس تقول الراس وناس تقول طرمبه وناس تقول كوع الحراره.
بغينى شوركم.

[رقم 1]

طيب اذا المراوح عندك كهرب في كتاوت شيك عليه

[abusarah1]

مشكور على الرد اليوم رحت تري ستار يقولون هذا الشي طبيعي في السلفرادو ان المراوح تفتح على درجه حراره 108

[1824]

انت سيارتك 6 سلندر عشان كذا تشتغل المراوح على 108 كل الي غيرته مافيه شيء للاسف وفلوسك راحت هباءاً منثورا

ولكن الحمدلله على كل حال السيارة طبيعية تطلع من وكالتها كذا هذا نظام 6 سلندر اذا تبيها ما ترتفع روح محل برمجة حقيت التعديل وطقتهم وقله ابي ابرمج المراوح واخليها تبدا تشتغل من 92 زي 8 سلندر بالتوفيق لك

[abusarah1]

السيارة 8 مش 6
لكن اي الورش الي تسوي البرمجه
البرمجه. وهل تعتقد ان هناك مشكله.

[مخ سعودي]

اذا ارتفعت شيك على الخراطيش هل هي محجره من عدمه اذا محجره تحتاج مسح للراس او تغيير البلف احتمال فيه مشكله مايفتح بسرعه
المراوح تاكد انها تشتغل سرعتين لان حرارة السلفرادوا النص بالضبط مهما كان
اذا شفت ان الليات والخراطيش مو محجره والمراوح شغاله شيك على الانبير الداخلي احتمال يفوت



وبالاخير هل يوجد نقص في الماء

[1824]

السيارة 8 مش 6
لكن اي الورش الي تسوي البرمجه
البرمجه. وهل تعتقد ان هناك مشكله.

اخي اذا الحرارة ترتفع في العداد فقط وبعدها تشتغل المراوح وتنزل اعرف هذا النظام في الستة سلندر تاكد الله يحظفك من موترك انه سته ولا ثمانية اذا شاريه مستعمل تأكد انا اعرف هذا نظام 6 سلندر الا اذا هو امريكي هذا شيء ثاني في السعودي 6 سلندر تشتغل المراوح على 108 و 8 سلندر تشتغل حول 90 هذا الي اعرفه على العموم سالفتك في المراوح بس برمجتها مهي في ورش في محلات التعديل شفت حقين التزويد التيربو والسوبر وطقتهم حقين البرمجة الكابريس والحركات هم يسونها لك ب 200 ريال انا مسويها لموتري والمراوح تشتغل مخليها من 92 عند فتحة البلف عرفت تشتغل على سرعة 50% حلوة والا احلى وتزيد مع ارتفاع الحرارة نسبة المراوح الى 99% في حرارة 100 وبس مرتاح اروح بر اي محل اطعس في عز الظهر ومشغل المكيف والحرارة ما تتحرك نظام جمس يقولك انت فصل موترك على كيفك برى هذي برمجتنا مو عاجبتك عدلها بكيفك مو زي تويوتا ونيسان يقولك مو عاجبك كل ..... تكرم السامعين فا ترى السالفة سهل وموترك مافيه الا العافية بالتوفيق لك واذا تبي تتاكد شغل المكيف وخلها واقفة المراوح بتشتغل غصب عشان المكيف شوف الحرارة بترتفع ولا لا اذا ارتفعت في مشكلة واذا ما ارتفعت سيارتك مافيها شيء بالتوفيق لك

[وطن العزة]

وانا اخوك موترك طبيعي ولا به خلاف خاصة إذا الحراره ترتفع مع الوقوف الطويل والمكيف طافي

لأن المراوح ما تشتغل إلا مع المكيف أو إذا تعدت الحراره النص بالكثير 3 أرباع هنا تبدأ تشتغل اذا كان المكيف طافي والجو معتدل مثل هالايام

معي سيرا سعودي 2006 v8 وهذا وضعه من يوم أخذته قبل 4 سنين

اذا تبي الحراره أقل من كذا ركب بلف رياضي وبرمج المراوح على درجه أقل

[وطن العزة]

إضافة بسيطه

اذا المكيف شغال استحالة الحراره تعدي 99 أو 100 سواء الموتر واقف أو ماشي واذا ارتفعت هنا يكون عندك مشكلة