ارجو الدخول لمن يفهم في المكنيكا (مكينة الفتك )

[de6oo]

السلام عليكم ورحمة الله وبركاته
-
ندخل في الموضوع سيده.
انا معي فتك 2002 موضب المكينه من سنتين وطلع صوت تكتكه وديته للي موضب عنده قال جلب اذرعه تحتاج تغيير ولا تضر الا اذا زاد الصوت (الكلام ذا له 7 اشهر والان قررت اصلح مع انه مازاد الصوت لاكن قلبي ناغزني )
وناخذ منكم المشوره في الاصلاح مع العلم اني ما افهم شي في المكينه ومن يعرف وشهي جلب الاذرعه الي داخل المكينه يشرح مشكورا وننتظر مشورتكم مع السعر للاصلاح وهل المشكله هينه لاتحتاج لفك المكينه او لا وشكرا

جزيتكم خيرا

[معدي المرقاب]

جلب الذراع هي الي تجي بين الذراع والبستم وذا فيه فني جيد يقدر يفك لك المكينه من تحت عن طريق الكرتيل وينزل العامود والاذرعه مع البساتم وتركبهن عند مخرطه بس اذا فكهن لازم تبدل الشنابر وتاكد هل البساتم فيها فضاوه ولا لا وسعر شغال اليد يتراوح من 700الى 1000ريال . بعضهم يفك المكينه ويفنشها لك ويخسرك زيده فك المكينه 2000 وطقم وجيه 800 وووو تطلع حوالي ب5000الاف فكها من تحت اوفر لك .

[المحرك الافضل]

جلب الذراع هي الي تجي بين الذراع والبستم وذا فيه فني جيد يقدر يفك لك المكينه من تحت عن طريق الكرتيل وينزل العامود والاذرعه مع البساتم وتركبهن عند مخرطه بس اذا فكهن لازم تبدل الشنابر وتاكد هل البساتم فيها فضاوه ولا لا وسعر شغال اليد يتراوح من 700الى 1000ريال . بعضهم يفك المكينه ويفنشها لك ويخسرك زيده فك المكينه 2000 وطقم وجيه 800 وووو تطلع حوالي ب5000الاف فكها من تحت اوفر لك .


:good2:
ماازود على اخوي معدي المرقاب شي كفى ووفى وشرح وافي يعطيك العافية
ايه نعم هي اللي تجي بين الذراع والبستم
تقبل مروري اخوي وشرف لنا مرورك على موضوعنا
http://www.mekshat.com/vb/showthread.php?t=669351 (http://www.mekshat.com/vb/showthread.php?t=669351)

ورشة المحرك الافضل لصيانة الباترول

[الا سير]

طيب ليش الي وضب لك المكينة اول مرة ما بدلهن

[de6oo]

هي نااادر جدا انها تطيح لاكن الاهم الان لو اتركها وش الاضرار ؟ والاخ معدي المرقاب فيه احد تعرفه شغله مضبوط في فك المكينه من تحت ؟

[معدي المرقاب]

وين موقعك لو تكرمت

[de6oo]

الرياض ياغالي

[ابوسند9]

وعليكم السلام
اخوي لا تتسرع وتفك المكينه حتى تشوف فني فاهم يشخص المشكله ,ولو انت با القصيم ارسلتك لواحد
لاني اشك ان المشكلة عندك من وردات احد البلوف من اعلى
لان احد الزملاء صار عنده نفس الصوت , وكذا ميكانيكي قالو لازم نفك المكينه وبالاخير طلعت المشكله من وردة واحده وصلحها ب 250 ريال