المساعد الشخصي الرقمي

مشاهدة النسخة كاملة : نحتاج خبرة اهل الاكسبيديشن


العرينات
01/02/2015, 06:21 PM
السلام عليكم ورحمة الله وبركاته
عندي فورد اكسبيديشن 2011 قبل كم يوم شغلت المكيف الامامي يبرد والتكيف الخلفي يشتغل بس مروحه بدون تبريد
والمشكله الثانيه
قبل فتره فكيت الهوبات الاماميه وخرطتها مع تغيير فحمات وصرت اشم ريحة كأنها ريحة عطبة كلتش مادري وش السبب
ارجوا من اهل الخبره يدولني على احد يعرف لمثل هالسيارات غير الوكاله الحراميه
ريان2002
01/02/2015, 07:34 PM
وعليكم السلام ورحمة الله وبركاته
ماعندي خبره في الفورد بس ممكن تشيك على زيت الفرامل لو هو ناقص
ممكن فيه تنديه من عند وحده من الكفرات ومع إستخدام الفرامل يتبخر الزيت وتطلع ريحته
والله أعلم
العرينات
01/02/2015, 10:37 PM
الله يجزاك خير
باقي الاخوان محد رد علينا بخصوص المكيف الخلفي وش مشكلته
moonlover
02/02/2015, 02:01 PM
السلام عليكم
بخصوص المكيف الخلفي تاكد انك حاط التبريد على الاخير
بخصوص ريحة العطبة احتمال مثل ماذكر الزميل العزيز لكن للاحتياط لا تروح للوكالة رح لخدمة كويك لاين هم معتمدين من الوكالة يسوولك فحص وانت واقف
في مدير فرع اسمه ابو خالد المطيري والله الرجال لحية غانمة بيعلمك وش فيه الموتر فرعهم وانت رايح على طريق الملك فهد شمال بيجيك مخرج الثمامة ادخل فيه وابتل سيدا اللين يجيك محطة بانزين علي يسارك وفيها مركز خدمة كويك لاين
ابوعبدالله172
02/02/2015, 02:58 PM
بالنسبه لوضع رائحة الفرامل فهو امر طبيعي
الصيادالمليح
02/02/2015, 03:08 PM
ما ذكرت لنا وين موقعك بالتحديد عشان الاعضاء يقدرون يساعدونك
م س س
02/02/2015, 06:01 PM
وعليكم السلام
ريحة الفرامل مثل ماقلوا الشباب طبيعي وهي جديدة بتطلع ريحة كم يوم وتروح اهم شيء ان ما فيه تهريب زيت من كليبر الفرامل او شحم وخلافه.
او تصليب الفرامل اذا حطيته على الفاضي وفكيت الجلنت ودفيت السيارة بتلاحظ انها تمشي فمعناه ان الوضع طبيعي .
بالنسبة للمكيف اذا الفريون ناقص بيسير الخلفي ما يبرد اذا الفريون تمام فهو من بلف الثلاجة الخلفي بعض السيارات بها بلفين للثلاجة الخلفية بلف عادي وبلف كهرب او ضعف في كمبرسر المكيف .
العرينات
02/02/2015, 06:22 PM
ما ذكرت لنا وين موقعك بالتحديد عشان الاعضاء يقدرون يساعدونك

موقعي الرياض عسى الله يطول عماركم على الطاعه واشكر من افادني واتمنى من يعرف مكان يصلحه يدلني عليه
mmar221
03/02/2015, 08:53 AM
السلام عليكم ورحمة الله وبركاته
اولاً - رائحة الفرامل تأكد من تركيب الفحمات لاني ركبت فحمات قبل فترة وكانت لها رائحة وبعد فك الفحمات مرة اخرى تبين ان الفحمات في الكفر الامامي الجهه اليمنى لم تركب صح فتم تعديلها وذهبت الرئحة

ثانياً - المكيف الخلفي تأكد من ان المكيف موضوع على البارد لانه لوكان الامامي على البارد والخلفي على الحار مارح يشتغل الخلفي
جزأك الله كل خير ورحم الله والدينا ووالديك
وصلى الله على نبينا محمد على اله وصحبه أجمعين