تركيب ركب للجيب !!! [الأرشيف]

شنطة عده

02/02/2015, 02:43 AM

السلام عليكم
موتري لاندكروزر 2004 واحتمال الركب جهة اليمين تحتاج تبديل
هل تبديلها بسسيط او ان الامور تحتاج ورشة

يالبى الهلا

02/02/2015, 06:03 AM

تبديلها حسب خبرتك وقوتك العضلية ووجود العدد الازمة
الشغلة يبيلها طق عنيف

ابوراكان تبوك

02/02/2015, 11:06 AM

هههههههههههههه اخي لبى الهلا فعلا الشغله مصارعه
لازم المفكات أصليه حتى ماتبوز عليك الصواميل وتصعب الشغله

بالنسبه لشغلتها تأخذ ساعه فك وتركيب كذا ولا كذا انت فاك فاك المقص برا
اذا اخذت ركبه أصليه تجي مع المقص كامله وتركب على طول
لكن اذا اخذت ركبه الحالها لازم تودي المقص للمخرطه يفكون القديمه ويركبون الجديده كبس لكن التجاريه معرضه انها تفرط مع انهم يمدحون التجاري اللي مكتوب عليه 555 لكني لا ارتاح الا لما اركب المقص كامل ومكبوس في الجويزه من وكالته

سعر الاصليه 630مع المقص وجلده اللي تحت ( تخدم يمكن 10 سنوات ماعندها مشكله ) العلويه ما ادري عن سعرها
الركبه التجاريه احسن نوع منهن اللي مكتوب عليه 555 سعرها من 100-120 ( تخدم أقل شيء سنه بالكثير سنتين اذا انت راعي بر )
شغل اليد في كلا الحالتين حول الـ 200ريال

معدي المرقاب

04/02/2015, 01:24 PM

ماتجي ركبها لحالها لازم مع المقص وذا بغيت تركب ركبه فقط مافيه الاتجاري والافضل ركب اصلي مع المقص للك وللزمن