المساعد الشخصي الرقمي

مشاهدة النسخة كاملة : مشكله في دينمو باترول


h999mdn
02/02/2015, 08:51 PM
السلام عليكم ورحمة الله وبركاته.
مساكم الله بالخير جميعا وأسعد الله اوقاتكم بكل خير .
اخواني الكرام عندي سفاري م 98 طلع فيه صوت بالدينمو وقال الكهربائي رمان ..ونصحني اغير الدينمو و يقول لو غيرت رمان ما يضبط ..فارغب رأيكم السديد ايهما افضل.
1- اركب رمان
2-اغيره
3-هل هناك بديل اصلي ولاي نوع من السيارات.
4-اذا مافيه اصلي فما هو التجاري المناسب .
وفقكم الله لكل خير ولاعدمناكم .
الا سير
03/02/2015, 12:01 AM
الدينمو فيه رمانين واحد بعد البكرة
واحد في الدينمو من ورى وتتغير
عادي اول مرة اسمع هالكلام
شوف لك واحد يغيرهن مايكلفن
هم الشمالي
03/02/2015, 12:59 AM
الرمان لو تغيره ماراح يضبط الا بحاله وحده أنك تشوف دينمو خربانه القطع الداخليه الي فيه و بتحصله عند أي كهربائي ويكون نفس الي عندك ويكون الرمان حقه سليم فتاخذ القطع الداخليه حقت الدينمو الي عندك وتركبها داخل الدينمو الي راح تجيبه
وقيمت الدينمو الأصلي وكاله تقريبا حول 2000ريال والتجاري مايصلح يمكن بأي لحظه يخرب معاك فاشل
الصخري
03/02/2015, 01:28 AM
نفس كلام اخوي
هم الشمالي
ولا ازيد عليه
ms662
03/02/2015, 10:01 AM
مغير رمان الدينمو للباترول الثنتين
والرمان شاريه من موزع نيسان
وماشي ولله الحمد
ابوعبدالله172
03/02/2015, 03:34 PM
غير الرمانات وركب رمانات نوعيه ممتازه غطيانها بلاستيك ولاعندك اي مشكله
م.سعيد
03/02/2015, 04:54 PM
الكهربائي ما يبي يشتغل ويغير الرمانات لانها تاخذ وقت منه مقارنة بتركيب دينمو..
او انه ما يعرف الا تبديل قطعة بأخرى..
شوف لك كهربائي غيره فاهم
الوسم
03/02/2015, 08:05 PM
دور غيره أحسن ... والا قل له انك تقول الرمان خربان على مسؤوليتك غيره واذا ما زان خله يدفع لك حقك
مقناص الحفر
03/02/2015, 09:07 PM
نصيحتي لك .. غير الرمان هالكهربائي ماعنده سالفه شفلك كهربائي غيره
SGL
03/02/2015, 10:19 PM
مثل ماقالوا لك الرجال الرمان يتغير وسبق وغيرته بدينمو باترول 2005-100إمبير ودينمو باترول 92-80إمبير
وكنت أشتري الرمان من المحلات المخصصه لبيع الرمان بشرط نوعية ممتازه ومجربه والفك والتركيب محلي :D:good2:
craino
04/02/2015, 01:23 PM
غير الرمان ما يكلفك شي
فيه نوع ياباني طيب اسم الشركه NSK , خذ نفس مقاس الرمان تبعك وان شاء الله راح يجمل معك
اشتريت رمان من نفس الشركه لشداد سير المكيف لانكروزر ب 20 ريال
عنزي من نجد
05/02/2015, 06:04 PM
او اشتر لك دينمو تجاري تلقاه ب 150 تقريبا وخذ رمانه لان مافيه زي الاصلي خصوصا الباترول وقيمته اخبرها فوق 2000 انا غيرت مرتين تجاري وخرب ورجعت ركبت اصلي الكهربائي شكله مخطط على الدينمو
تنومه1
05/02/2015, 09:08 PM
http://www.mekshat.com/vb/showthread.php?t=669157

شوف هالمقطع هذي نفس مشكلة سيارتك جبلك براد شاهي وسو مثله

https://www.youtube.com/watch?v=zl-AGOplM-8
h999mdn
05/02/2015, 11:29 PM
اشكرك جميع من تفاعلوا مع موضوعي ربي يوفقكم ويجزاكم كل خير .
الخالدي999
05/02/2015, 11:38 PM
خوي اذا انت في الرياض فك الرمانات وروح الصناعيه القديمه(طريق الخرج)وتحصل وكلاء جميع الرمانات وانصحك ب(SKF)او(KOYO)ونت ابخص ترى كلهم جيدات وترا اهم شي الرقم مطابق لكل الماركات تحصله محفور على الاصلي
h999mdn
07/02/2015, 10:57 PM
والله ياخوي ياخالدي انا بالطائف ..وبيض الله وجهك ورحم الله والديك .
الخالدي999
07/02/2015, 11:40 PM
ووالدينك يارب أذا لك احد في جدة وصفتلك وكيل الرمانات الاصليه (skf-koyo) الله يعينك
ا ل ح
08/02/2015, 02:36 PM
اذا الدينمو اصلي غير رمان طبعا التكلفة بتكون حول 200 - 350 طبعا
انصحك تاخذ الرمان من الوكاله سعره حول 190 الاثنين لان الرمان الثاني ما يعيش لو شديد السير زياده اسال مجرب
واذا الدينمو تجاري خذ لك دينمو جديد وريح راسك التجاري رخيص اعتقد 250
h999mdn
10/02/2015, 11:40 AM
اشكركم جميعا ايها الاخوه على تجاوبكم ..اسأل الله ان يجعل ماقدمتموه من نصح ومشوره في موازين حسناتكم وان يبيض وجوهكم ويرحم والديكم .
ابوعبدالله172
10/02/2015, 03:40 PM
آمييييين ولك مثل ذالك
مسير عليكم
12/02/2015, 10:46 PM
الشباب افادوك
والرمان يتغير واول مره اسمع الكلام هذا والكهربائي مايبي يشتغل يبي ٦٠ ريال حقت فك وتركيب وهو مرتاح ومبسط شف غيره خله يفك لك الرمان ورح لمحلات الرمانات وخذ رمان فرنسي وبيعيش معك ان شاء الله احسن من الوكاله ومن تجربه اخذه ولا اخذ وكاله
h999mdn
13/02/2015, 01:55 PM
الشباب افادوك
والرمان يتغير واول مره اسمع الكلام هذا والكهربائي مايبي يشتغل يبي 60 ريال حقت فك وتركيب وهو مرتاح ومبسط شف غيره خله يفك لك الرمان ورح لمحلات الرمانات وخذ رمان فرنسي وبيعيش معك ان شاء الله احسن من الوكاله ومن تجربه اخذه ولا اخذ وكاله

اشكرك اخي الغالي ..وفقك الله لكل خير ..ولكن اين اجد الرمانات الفرنسيه وما اسم الشركه إن امكن.؟