ms662
04/02/2015, 07:07 PM
السلام عليكم
كان عندي مشكله في سيارتي فتك حيث كان الضغط مايتعدى 2ونص ويصير يقطع كانه واصل للشرطات الحمرا ومن ورشه لورشه وفحص كمبيوتر وكلهم يعطيهم الفحص الثروتل واحد منهم قال باسوي لك رست وانت وحظك سواه وزان ورجع طبيعي بعد فتره رجعت نفس المشكله وقلبت النت حتى وفقني الله وطحت علي موضوع بموقع اجنبي تكلم عن الفحص الذاتي لسيارات نيسان وكان يسويها على التيما حسب كلامه وحط انه تمت التجربه ايضا على صني وزد وكانت ناجحه فتوكلت على الله وجربت على سيارتي.
والطريقه قسمين
الاول /////فحص السياره واستخراج الاكواد (يلزم الدقه)
1/تركب السياره وتقفل كلش حتى الباب والقزاز مايكون فيه اي شي شغال.
2/تحط المفتاح على الطقه الاولى شوي ثانيتين.
3/تشغل السويتش وبعد ثلاث ثواني تضغط علي دواسة البنزين خمس مرات للاخر متتاليه ولازم تنهيها خلال اقل من خمس ثواني.
4/بعد الانتهاء من الدعسه الخامسه احسب 7ثواني ثم اضغط الدواسه للاخر ولا ترفعها.
اذا كان توقيتك صحيح في الخطوات السابقه بعد عشر ثواني من اخر الخطوه رقم 4 راح تشوف لمبة التشك انجن تبدأ تاشر
التاشير راح يكون مختلف من رقم لرقم وكل طريقه تدل على رقم في الاخير مجموعها يكون هو كود الخطا (اعتذر اني حتى الان ماضبطت طريقة تجميع الارقام وباحدث الموضوع اذا تاكدت منها)
الثاني //////مسح الاخطاء واطفاء لمبة تشك انجن
بعد الانتهاء من القسم الاول حتى تمسح الاخطاء من كمبيوتر السياره كل الي عليك بعد تاشير لمبة المكينه (خلها تاخذ راحتها شوي) انك تضغط دواسة البنزين للأخير لاكثر من عشر ثواني ثم اتركها وقفل السويتش واسحب المفتاح ثم سم بالله وشغل.
ملاحظه//في حال الرغبه بمشاهدة الاخطاء دون مسحها لاي سبب بعد الانتهاء من القسم الاول قفل السويتش واسحب المفتاح ويبقى وضع السياره على حالته.
واخيرا دعواتكم
والمعذره على تطويل الموضوع بس حبيت ان الصوره تكون واضحه من بدايتها
كان عندي مشكله في سيارتي فتك حيث كان الضغط مايتعدى 2ونص ويصير يقطع كانه واصل للشرطات الحمرا ومن ورشه لورشه وفحص كمبيوتر وكلهم يعطيهم الفحص الثروتل واحد منهم قال باسوي لك رست وانت وحظك سواه وزان ورجع طبيعي بعد فتره رجعت نفس المشكله وقلبت النت حتى وفقني الله وطحت علي موضوع بموقع اجنبي تكلم عن الفحص الذاتي لسيارات نيسان وكان يسويها على التيما حسب كلامه وحط انه تمت التجربه ايضا على صني وزد وكانت ناجحه فتوكلت على الله وجربت على سيارتي.
والطريقه قسمين
الاول /////فحص السياره واستخراج الاكواد (يلزم الدقه)
1/تركب السياره وتقفل كلش حتى الباب والقزاز مايكون فيه اي شي شغال.
2/تحط المفتاح على الطقه الاولى شوي ثانيتين.
3/تشغل السويتش وبعد ثلاث ثواني تضغط علي دواسة البنزين خمس مرات للاخر متتاليه ولازم تنهيها خلال اقل من خمس ثواني.
4/بعد الانتهاء من الدعسه الخامسه احسب 7ثواني ثم اضغط الدواسه للاخر ولا ترفعها.
اذا كان توقيتك صحيح في الخطوات السابقه بعد عشر ثواني من اخر الخطوه رقم 4 راح تشوف لمبة التشك انجن تبدأ تاشر
التاشير راح يكون مختلف من رقم لرقم وكل طريقه تدل على رقم في الاخير مجموعها يكون هو كود الخطا (اعتذر اني حتى الان ماضبطت طريقة تجميع الارقام وباحدث الموضوع اذا تاكدت منها)
الثاني //////مسح الاخطاء واطفاء لمبة تشك انجن
بعد الانتهاء من القسم الاول حتى تمسح الاخطاء من كمبيوتر السياره كل الي عليك بعد تاشير لمبة المكينه (خلها تاخذ راحتها شوي) انك تضغط دواسة البنزين للأخير لاكثر من عشر ثواني ثم اتركها وقفل السويتش واسحب المفتاح ثم سم بالله وشغل.
ملاحظه//في حال الرغبه بمشاهدة الاخطاء دون مسحها لاي سبب بعد الانتهاء من القسم الاول قفل السويتش واسحب المفتاح ويبقى وضع السياره على حالته.
واخيرا دعواتكم
والمعذره على تطويل الموضوع بس حبيت ان الصوره تكون واضحه من بدايتها