المساعد الشخصي الرقمي

مشاهدة النسخة كاملة : كم سعر قارمن 276


عمود الحماد
04/02/2015, 10:37 PM
السلام عليكم
ارغب معرفت سعره ورقم محل بالرياض يوجد عند لاني بعيد عن الرياض
ولكم جزيل الشكر
عمود الحماد
04/02/2015, 11:33 PM
معقوله ماحد يعرف سعره
روقي نجد...
05/02/2015, 07:51 AM
وعليكم السلام ورحمة الله...النظيف جداً لا يتجاوز الـ ٢٥٠٠ ريال إلا في النادر.
GMC4Ever
07/02/2015, 02:02 AM
والله وأنا أخوك ما أعرف محلات في الرياض تبيعه، وإن شاء الله يفيدونك الإخوان...

لكن حبيت أشارك بالتالي:

لا شك الجهاز 276c جهاز ممتاز ولا عليه كلام، لكن انتهى زمنه ولم يعد مدعوم من قبل الشركة الأم، والآن له بديل أكثر من رائع اسمه مونتانا وخصوصاً مونتانا 650 أو مونتانا 650t

أنصحك أخي الكريم أن تفكر جيداً قبل شراء 276c لأن سعره وهو مستخدم غالي جداً حتى لو ما هو نظيف أو فيه مشكلة بالبطارية أو الذاكرة أو القاعدة

أنا لا أقلل من الجهاز ولكن صراحة بعد تجربة المونتانا 650 أحمد الله عز وجل ألف مرة إني لم استعجل واشتري لي 276c مستخدم بنفس قيمة المونتانا واللي يفوق الـ 276c بالعديد من المزايا والقدرات.

ومن خلال ما لاحظته من عدد من الزملاء لي ممن يملكون الـ 276 هم ينوون شراء مونتانا بعد بيع أجهزتهم.

مونتانا له معي الآن 3 أسابيع وصراحة ما كنت أتوقع أنه بالجودة والقوة هذه، وإن شاء الله هناك سلسلة شروحات بالفيديو راح انزلها له وتكون شاملة لجميع مزايا الجهاز الصغيرة والكبيرة، لأن الجهاز صراحة مظلوم بالشروحات. لكن عسى الله يرزقنا الوقت علشان نسوي الشروحات ونضعها بين أيديكم.
عمود الحماد
08/02/2015, 02:46 AM
روقي نجد مشكور على ردك والله يجزاك خير

الاخGMC4
شكلي غير اعمل بنصيحتك نبهتني الله يحزاك خير
؛ابوطلال؛
08/02/2015, 10:14 AM
وعليكم السلام ورحمة الله


تحصله في المرسلات الرياض
واسعار النظيف من 2300
الى
3000


والمنتانا ممتاز وهو البديل لل 276
وفيه مميزات كثيره



لاكن ماحصلت للحين جهاز في سرعة استقبال الاقمار مثل ال 276


انصحك كان استخدامك للقارمن للبر فقط وطلعاتك واجد عليك بال 276
واذا كانت تستخدمه للبر وللمدن
عليك بكلام اخوي
GMC4Ever
واعتذر على الاطاله
ضحية بيشة
08/02/2015, 09:54 PM
عن تجربه غير 276c لاتدور جههاز لك وللزمن وعلي قولة القايل مسجل بكرت العائلة

جهاز يريح الخاطر وين ماتروح


وعندك محل اسمه العامه بالرياض مخرج ١٢ جنب السنيدي كل شي للبر عنده من خرايط واجهزة قارمن و مراسله ثقه وامين ويساعدونك بأي استفسار تبغاه
قناص الوعول
11/02/2015, 01:25 PM
في الاكترونيات الجديد افضل في الميزات وفي التحديث وكل جهاز في الاجهزه الحديثه له استخدامه شي يناسب استخدامه للبر وشي يناسب استخدامه للمدن
عمود الحماد
11/02/2015, 04:25 PM
ابو طلال ضحيه بيشه قناص الوعول مشكور على المرور

حصلت قارمن 276 جديد بكرتونه لاكن نصحني احد الاخوان بمونتانا 650 واحترت بالاختيار
ضحية بيشة
11/02/2015, 04:39 PM
بكم حصلت سعره اللي بالكرتون ووين لاهنت ؟؟؟
الاطار
13/02/2015, 08:26 AM
صراحه المونتانا هو الخيار الأول بكل تأكيد .....استقبال الأقمار الصناعيه في خلال عشر ثواني او اقل من ذلك .....ضد الماء وضد الصدمات والسقوط ....لو تدفنه وسط الرمال لايتاثر .......خفيف المحمل تقدر تحطه في جيبك ......والبطاريات تستطيع تركيب ام اصبع AAبدال البطاريه العاديه ........انا املك الجهاز ومرتاح معاه والحمدلله .....وبعد يومين رايح ياجيني هديه جهاز جديد مع دباب كانام ....ومن يريد الشرا فلا مانع .....لانه بيكون إضافي عندي ......وفق الله الجميع..... جوال واتس اب 0535849230
ريف النشاما
13/02/2015, 11:13 AM
276 .... ممتاز جدا
276 النظيف يصل 2600 وإن شافوك صامل لزوك عليه
276 لا يخدمك في التحديثات الجديدة

المونتانا ارخص وهو جديد قيمته 2150 ريال
المونتانا ..... كل اللي شفتهم استخدموه يمدحونه
مافيه ولا واحد شفته يسبه لا في مكشات ولا خارج مكشات
(شهادة قوية جدا على جودة الجهاز وخدمته المميزة)


المونتانا يخدمك في التحديث
فيه ميزات ممتازة

مثل التصوير بالاحداثيات


استخدام صور القوقل وهذه قنبلة الميزات
يشغل لك خرائط المدن الشرق الأوسط وهذه زلزال الميزات


-----



رأيي .. أولا جرب الثنين قبل الشراء ولو عند المحلات
من خلال التجربة ل276
اشتر المونتانا
عمود الحماد
15/02/2015, 02:19 PM
اشكر كل من مر وعلق على الموظوع
وابشركم شريت مفخرت صناعه قارمن ٢٧٦
ريف النشاما
15/02/2015, 10:47 PM
اشكر كل من مر وعلق على الموظوع
وابشركم شريت مفخرت صناعه قارمن ٢٧٦

مبروك والله يبارك لك فيه


فعلا هذا اسميه انا الهلكس :D

صراحة الأسبوع الماضي اخذت معي نوفي


اشهد بالله أنه خيبان :D


مافيه شي يصلح لدفاشتنا وسرعة وسهولة التعامل معه سوى 276 و176

فيهن ميزات غير موجودة على الأجهزة الحديثة
فارس المصارير
15/02/2015, 11:13 PM
احسنت الاختيار
انا معي c276 انجليزي

واليوم رحت لمحل العامة اللي في عمارة السنيدي ع طريق الدايري الشرقي

وسويت تعريب ب ١٥٠ ريال

اللحين جهازي عربي ١٠٠٪
ماعدا الازرة انجليزي
نقا التنهات
16/02/2015, 09:14 AM
276 ..من تجربة عز الله انه جهاز ..لك وللزمن على قولتهم ..يكفيك ماسك سعره وقيمته لو بغيت تبيع
عمود الحماد
16/02/2015, 05:35 PM
الله يبارك بالجميع

يكفيك بقارمن 276 الدقه في السير على المسار عند الرجوع وهذه تحسب لهذا القارمن