من وين اشتري دبه غاز مضمونه في هالوقت [الأرشيف]

نيسان وبس

07/02/2015, 01:13 AM

السسسسسسسلام عليكم

احتاج تاشتري دبة غاز 12 رطل وحتار من وين اشتري شي مضمون

هل دبات السنيدي الي لونها بني كويسه صح صينيه لكن شركة DPT

او وين احصل بريميوس هندي من وكيله في الرياض؟

شوركم يالربع

ابو عزيززز

07/02/2015, 01:44 AM

وعليكم السلام ورحمة الله..

عزيزي.. اليورو كامبينق الايطاليه موجوده في السوق وهي ممتازه ومن افضل الموجود واحجامها 3و5و7و12 رطل
وكذالك الهندي موجود وانا مجرب منه نوع اسمه BKL وماتفرقه عن البريموس

مثل هذي BKL هنديه 12 رطل عندي من عشر سنيين تقريبا
وانشهد انها ممتازه وبنفس سعر البريموس الهندي
واظنها تنتج من نقس المصنع اللي ينتج البريموس والفرق في الماركه فقط

http://i.imgur.com/7E6hXSn.jpg (http://i.imgur.com/7E6hXSn.jpg)

ومثل هذي اليوروكامبينق الايطاليه 12 رطل ولها عندي ممكن العشرين سنه وانشهد انها ممتازه

http://www.mekshat.com/pix/upload05/images253/mk6782_lll.jpg

ابو عزيززز

07/02/2015, 01:58 AM

GMC4Ever

07/02/2015, 02:08 AM

احذر الصينية ولو سعرها 10 ريالات

وموفق خير

ناصح

07/02/2015, 08:32 AM

والله أعلم حاليا لا يوجد أصلي إلا يورو كابنق

السويدي الاصلي منقطع من السوق والمستعمل السويدي كن حذر منه فلا تعلم ضروف استخدامه السابقة وطريقة تخزينه

من اين تشرتي ..

أنا اشتريت دبة وسط وكبيرة من الرماية لخوفي أن الايطالي بنقطع من السوق مثله مثل غيره

والغاز ما فيه مجال للتهاون

ونصيحة أخيرة ابعد عن الصيني والهندي وعليك بالأوربي

عبدالرحمن305

07/02/2015, 12:31 PM

السلام عليكم
اخذ لك دبه بريموس ٥ رطل سويدي حبتين
وريح بالك بعض الشباب يعرضهن في خيمة البيع
واذا لقيت ايطالي قديم اخذ ولا تشاور
وبالنسبه للايطالي الجديد المعروض في الاسواق الان
تحرص منه والله اعلم

نيسان وبس

07/02/2015, 01:58 PM

ابو عزيز الله يجزاك خير على النصيحه

بخصوص اليابس انا جيت منه قبل شوي ولقيتهم شالوه من سوق الزل وهدو العماير كلها الي هناك وعذاب مافيه مواقف ابد شالوه لشارع عسير ورحت له في شارع عسير ولكن اذن الظهر ولقيته مقفل يفتح العصر

اخوي ناصح شكرا لك بسأل عن اليورو كامبنج ولعلها اصليه ماهي مقلده

اخ عبدالرحمن مشكلة المستعمل مثل ماقال ناصح ماتدري عنه ورافعين سعره الشباب

شكرا لك

أبوسعد111

07/02/2015, 02:17 PM

لو تشتري الدبات الجديدة الفيبر احسن لك
منها انها خفيفه
و تعبيها بمحلات الغاز
و ترى مستوى الغاز داخلها
والجيد فيها انها لاتنفجر

موفق

عبدالرحمن305

07/02/2015, 08:11 PM

اخ الفاضل
فهمت من كلامك تبي جوده ورخيص
لا تعب نفسك ما راح تلقى
اخذ لك صيني بسعر ٦٠ اذا تبي الرخص
نصيحه حياتك ماتقاس بالرخيص
موفق خير

مكشاتي مدني

07/02/2015, 08:33 PM

بالنسبة للدبات الزرقاء الدوافير احسن شي الايطالي يورو كامبنغ وتحصلها عند اليابس وكيلها بشارع السبالة او فرع الديرة انتقل لشارع عسير اذا دخلت مع شارع ال ريس ووجهك غرب واسواق مكه على يسارك يجيك شارع عسير ادخل يمين مع الاشارة امش شوي ويجونك على اليسار او تروح لمحلات البرية للرحلات الروابي شارع الزبير بن العوام تحصلها الايطالي الاصلي مرهم ومضبط اي مقاس تبية عندهم 5 رطل و7 و12 رطل مركب لة حديد قاعدة والدبة اللي يجي لونها الازرق محفور من تحت صنع ايطاليا ونصيحتي لك اذا ماشتريت من البرية اخذت ايطالي ركب لة راس ايطالي ابو هواية يباع عند برق الحياء ب 45 ريال راس اصلي ايطالي وشعلتة قوية وتحصلها بعد عند محلات الرماية بشارع التخصصي وطريق خريص مرة ومخرج 15 وبالتوفيق

لامبالي

07/02/2015, 10:28 PM

عندي بريموس هندي اصغر شي لها عندي 5 سنوات ولازالت في الخدمة
والان اشتريت 12 رطل يورو كابمبنق ايطالية ب135 ريال طيبة والكل يمدحها

rami52

08/02/2015, 09:38 AM

افضل شي الان متوفر هو بي كي ال او بريموس الهندية
اما الايطالي انا اخذتها من اليابس وذبحتني بالتنسيم وطريقة لحامها مشكوك فيها بعكس الهندي لحامها مكبوس بطريقة احترافية

نيسان وبس

08/02/2015, 08:33 PM

اخوي عبدالرحمن لا طبعا مستحيل تجتمع الجوده ورخص السعر ولكن الاسعار في خيمة المستعمل مبالغ فيها

اخوي مكشاتي انا ودي باليورو كامبنق بي خايف منها ابي اتأكد بأنها ايطالية لاني امس في محل كماليات لقيتها متوفرة بسعر 135 لحجم 12 رطل وشكلها تقليد
http://im85.gulfup.com/73aCvW.jpg (http://www.gulfup.com/?IKh1Nh)

http://im85.gulfup.com/FZi08D.jpg (http://www.gulfup.com/?HHkTqm)

http://im85.gulfup.com/6UIRl1.jpg (http://www.gulfup.com/?A7s2Ww)

اخوي رامي وين القى البي كي ال او بريموس هندي؟؟؟؟؟؟؟؟؟؟؟ظ

ابو عزيززز

08/02/2015, 08:35 PM

http://im85.gulfup.com/73aCvW.jpg

نعم هذي الايطاليه ياعزيزي..

adnanmgh

08/02/2015, 08:41 PM

افضل شي الان متوفر هو بي كي ال او بريموس الهندية
اما الايطالي انا اخذتها من اليابس وذبحتني بالتنسيم وطريقة لحامها مشكوك فيها بعكس الهندي لحامها مكبوس بطريقة احترافية

أحسنت أخي الكريم

هذا الكلام اللي مابعده كلام

ووكيل الهندي بادحمان

دمتم

خالد الخطير

08/02/2015, 08:56 PM

افضل شي الان متوفر هو بي كي ال او بريموس الهندية
اما الايطالي انا اخذتها من اليابس وذبحتني بالتنسيم وطريقة لحامها مشكوك فيها بعكس الهندي لحامها مكبوس بطريقة احترافية

غريبه تنسم اليوروكامبنق الايطالية ؟!

عندي دبتين 7 رطل ولا شفت منهم تنسيم ابد ؟!

بالعكس التنسيم يجي من الهندية وماتعمر كثير !!

مكتشف الهوات

08/02/2015, 09:00 PM

انا عندي دبتين 12 رطل يورو كابمبنق ايطالية اذا فضى الغاز منها والاحظ ان وزنهن يختلف القديمه أثقل من الجديد هل يدل هذا على ضعف الجودة

خالد الخطير

08/02/2015, 10:11 PM

انا عندي دبتين 12 رطل يورو كابمبنق ايطالية اذا فضى الغاز منها والاحظ ان وزنهن يختلف القديمه أثقل من الجديد هل يدل هذا على ضعف الجودة

ام 12 اليوروكامبنق هي الوحيده الي ماحبيتها

زولها زول خبله ، تذكرني بزيتونه حرمة باباي :D

الرماية

08/02/2015, 10:48 PM

http://www.mekshat.com/vb/showpost.php?p=10347980&postcount=1978

نيسان وبس

09/02/2015, 03:52 PM

شكرا للرمايه

انتم عندي مضمونين وبمركم ان شاء الله اخذ 7 و12 رطل

نبع المودة

10/02/2015, 12:42 PM

الهندي pkl وكيله بادحمان و dpt وكيله السنيدي
جيدات
وكلهم مصنع واحد الان كان سابقا بريموس الهندي

البدراني-

10/02/2015, 11:11 PM

الدبات الهندية ممتازة وسعر ١٢ رطل ب ٩٥ ريال عند برق الحياء
والايطالية كذلك ممتازة وسعر ١٢ رطل عند اليابس ب ١٠٥ ريال والعمودي ب ١١٥ ريال طبعا بشارع السبالة
الاسعار يوم ٢٠ / ٤ / ١٤٣٦ هـ

مكتشف الهوات

11/02/2015, 05:34 PM

ياليتك يا البدراني تازن 12 رطل الهندية والايطالية وهن فاضيات

الحربي حاتم

15/02/2015, 07:50 PM

أحد يفزع لنا نبي من الرياض البريموس الهندي والإيطالية الاصلية 12 رطل

خالد الخطير

15/02/2015, 08:29 PM

أحد يفزع لنا نبي من الرياض البريموس الهندي والإيطالية الاصلية 12 رطل

البريموس الهنديه ماتوقع تلاقيها

وبديلها PKL الهنديه

اما DPT فاشك انها هنديه واشك ان هالشركه كلها هنديه بالاصل والله اعلم

اما الايطاليه فعندك الرماية ، برق الحيا ، البريه

نبع المودة

15/02/2015, 10:54 PM

البريموس الهنديه ماتوقع تلاقيها

وبديلها PKL الهنديه

اما DPT فاشك انها هنديه واشك ان هالشركه كلها هنديه بالاصل والله اعلم

اما الايطاليه فعندك الرماية ، برق الحيا ، البريه

Dpt و pkl نفس المصنع ( سابقا بريموس الهندي ) الاختلاف فقط في الاستكر
تلاحظ حديدة خروج الغاز لدبة dpt مكتوب عليها pkl

زيــآدِ

21/03/2016, 12:33 AM

PKL Limited ( Formerly Primus Kabsons Limited )

هذا اختصار لاسم شركة pkl الهندية

ومن الترجمة يتضح انه مصنع لبريموس سابقا والله اعلم

Hagaanaf

24/03/2016, 04:20 AM

اما من وين فتلقاهن في اغلب محلات الرحلات مثل البريه وبرق الحيا اذا كنت في شرق الرياض
والبريموس وكيله بادحمان في شارع السباله وتلقى الدبات حقته في اغلب محلات الرحلات
ولو رحت لليابس اللي عند سوق الزل تبي تلقى عنده طلبك من الدبات والقزوز وكلشي يخصها
واليورو كامبينق يجي منه صيني واحذره بل احذر أي انتاج صيني في الدبات

يحفظك الله
لم يعد بادحمان الرياض ( السباله ) وكيل لبريموس ، ويظهر ان البريموس الهندي موجود عن اليابس والحماد
اما مايصنع بأستونيا فيظهر ان ليس له وكيل
على العموم دبات البريموس الهندي موجوده في اغلب محلات بيع ادوات الرحلات
اما الإيطالي فهو ليس صناعيه ايطاليه (100%) بل مصنوع في اورباء وأورباء الشرقيه مثل استونيا تصنع رؤوس البريموس
وبالتالي الهندي سيفي بالغرض واكثر